Numero 1:4 - Ti Biblia (1973)

⁴ Ket addanto cadacayo maysa a lalaki iti tunggal caputotan; tunggal maysa a pangolo ti balay dagiti ammana.

Ti Baro a Naimbag a Damag Biblia

⁴ Agpatulongkayo iti pangulo ti kapuonan ti tunggal tribu.”

Numero 1:4 Iomraidhean Croise

1 Ar-ari 8:1

Idin ni Salomon tiniponna dagiti lallacay ti Israel, ken amin dagiti pangpangolo dagiti capcaputotan, dagiti pangpangoloen cadagiti balbalay dagiti amma dagiti annac ti Israel, ken ni ari Salomon sadi Jerusalem, tapno isang-atda ti lacasa ti tulag ni Jehova manipud iti ili ni David nga isu ti Sion.

Exodo 18:21

Maysa pay mangtudingcanto iti aggapu cadagiti umili cadagiti tumutop a lallaki, a dagiti managbutbuteng iti Dios, lallaki a napudno, a guraenda ti nakil-lo a pananggun-ud; ket dagita ti isaadmo cadacuada, nga agtuturay cadagiti rinibu, agtuturay cadagiti ginasut, agtuturay cadagiti saglilimapulo, ken agtuturay cadagiti pinullo:

Exodo 18:25

Ket ni Moises pimmili cadagiti maitutop a lallaki a nagtaud ti Israel, ket incabilna ida a mangipangolo iti umili a mangituray iti rinibu, mangituray iti ginasut, mangituray iti saglilimapulo, ken mangituray ti pinullo.

Numero 1:16

Dagitoy isuda dagiti naayaban iti gimong, dagiti pangpangoloen dagiti capcaputotan dagiti ammada; isuda idi dagiti pangpangolo dagiti rinibribu nga Israel.

Numero 1:44

Dagitoy isuda ti nabilang a binilang ni Moises ken ni Aaron, ken dagiti pangpangoloen ti Israel a sangapulo ket dua a lallaki; tumunggal maysa cadacuada ti pannacabagi ti balay dagiti ammana.

Numero 17:3

Ket isuratmonto ti nagan ni Aaron iti sarucod ni Levi: ta addanto maysa a sarucod iti tunggal olo dagiti balbalay dagiti ammada.

Numero 25:14

Ket ti nagan ti lalaki ti Israel, a napatay, isu a napatay agraman ti babai a Madianita, isu idi ni Zimri, nga anac ni Salu, a maysa a pangolo ti balay dagiti amma cadagiti Simeonitas.

Numero 25:4

Ket ni Jehova kinunana ken Moises, Alaem amin a pangpangolo ti ili, ket ibitaymo ida a maipaay ken Jehova iti sango ti init, tapno ti narungsot nga unget ni Jehova lumiclic iti Israel.

Numero 30:1

Ket ni Moises nakisao cadagiti pangpangolo dagiti capcaputotan dagiti annac ti Israel, a kinunana, Daytoy ti imbilin ni Jehova.

Numero 4:34

Ket ni Moises ken ni Aaron ken dagiti pangpangolo ti gimong binilangda dagiti annac a lallaki dagiti Coatitas, iti finamfamiliada, ken cadagiti balbalay dagiti ammada.

Numero 7:2

A dagiti pangolo ti Israel, dagiti pangolo dagiti balbalay dagiti ammada impaayda. Dagitoy dagiti pangolo idi dagiti caputotan, dagitoy isuda idi ti nagpangolo cadagiti nabilang:

Deuteronomio 1:15

Iti casta innalac dagiti pangpangoloen dagiti capcaputotanyo, a masirib a lallaki, ken naam-ammoanen, ket insaadco ida a pangpangoloyo a capcapitan dagiti rinibu, ken capcapitan dagiti ginasut, ken capcapitan dagiti saglilimapulo, ken capcapitan dagiti pinullo, ken agturturay, cas mayannurot cadagiti caputotanyo.

Josue 22:14

Ken sangapulo a pangpangoloen kencuana, maysa a pangoloen iti tunggal balay ti ama ti isu-amin a caputotan ti Israel; tunggal maysa cadagidiay isu idi ti pangolo ti balay dagiti ammada iti tengnga ti rinibribu ti Israel.