Numero 1:1 - Ti Biblia (1973)

¹ Ket ni Jehova nakisao ken Moises sadiay let-ang ti Sinai, iti tolda ti gimong, iti umuna nga aldaw ti maicadua a bulan, iti maicadua a tawen a calpasan ti ipapanawda iti daga nga Egipto, a kinunana,

Ti Baro a Naimbag a Damag Biblia

¹ Iti umuna nga aldaw ti maikadua a bulan iti maikadua a tawen kalpasan ti ipapanaw dagiti Israelita idiay Egipto, nagsao ni Yahweh ken ni Moises iti Tolda ti Dios idiay Let-ang ti Sinai. Kinunana,

Numero 1:1 Iomraidhean Croise

1 Ar-ari 6:1

Ket naaramid iti maicapat a gasut ket walopulo a tawen iti calpasan ti ipapanaw dagiti annac ti Israel iti daga nga Egipto, iti maicapat a tawen iti panagari ni Salomon iti Israel, iti bulan a Zif, nga isu ti maicadua a bulan, nga isu inrugina a pinutar ti balay ni Jehova.

Exodo 19:1

Iti maicatlo a bulan a calpasan ti ipapanaw dagiti annac ti Israel idiay daga nga Egipto, daydi met la nga aldaw dimtengda iti let-ang ti Sinai.

Exodo 19:2

Ket idi pimmanaoda idiay Refidim, ket dimtengda iti let-ang ti Sinai, nagsardengda iti let-ang ket idiay nagyan ti Israel ti sanngo ti bantay.

Exodo 25:22

Ket idiay ti pangsaracacto kenca, ket manipud iti ngatoen ti tugaw ti caasi ti pakisaoacto kenca, manipud iti nagbaetan dagiti dua a querubin nga addada iti rabaw ti lacasa ti pamanecnec, cadagiti amin nga itedconto kenca nga ibilin cadagiti annac ti Israel.

Exodo 40:17

Ket naaramid nga iti umuna a bulan ti maicadua a tawen iti umuna nga aldaw ti bulan, nabangon ti tabernaculo,

Exodo 40:2

Iti umuna nga aldaw ti bulan nga umuna bangonemto ti tabernaculo ti tolda ti gimong.

Levitico 1:1

Ket ni Jehova inayabanna ni Moises ket nakisao kencuana nanipud iti tolda ti gimong, a kinunana,

Levitico 27:34

Dagitoy dagiti al-alagaden nga ni Jehova imbilinna ken Moises a maipaay cadagiti annac ti Israel idiay bantay Sinai.

Numero 1:18

Ket inummongda a tiniptipon amin ti gimong iti umuna nga aldaw ti maicadua a bulan; ket isuda impalawagda dagiti capuonanda a mayannurot iti finamfamiliada, cadagiti balbalay dagiti ammada a catutupan ti bilang dagiti nagnagan, manipud iti agtawen iti duapulo ken nasuroc, mayannatup cadagiti ol-oloda.

Numero 12:4

Ket ni Jehova dagus a kinunana cada Moises, ken Aaron, ken Miriam, Dacayo a tallo rumuarcayo nga umay iti tolda ti gimong, Ket isuda a tallo rimmuarda.

Numero 9:1

Ket ni Jehova nakisao ken Moises iti let-ang ti Sinai iti umuna a bulan ti maicadua a tawen calpasan ti ipapanawda iti daga nga Egipto, a kinunana,

Deuteronomio 1:3

Ket naaramid nga iti maicapat a pulo a tawen, iti maicasangapulo ket maysa a bulan, iti umuna nga aldaw ti bulan; ni Moises nakisao cadagiti annac ti Israel ti mayannurot cadagiti amin nga inted ni Jehova kencuana a maibilin cadacuada;

Deuteronomio 2:14

Ket dagiti aldaw a panaggaputayo iti Cades-barnea agingga iti panagbaliwtayo iti waig a Zered tallopulo ket walo a tawen; inggana iti di-naibus ti dagup ti caputotan dagiti tattao ti gubat iti tengnga ti pacarso, cas insapata ni Jehova cadacuada.

Deuteronomio 2:7

Ta ni Jehova a Diosmo bendicionannaca iti isu-amin nga aramiden ti imam; naammoanna ti pannagnam a nagbaliasat iti daytoy dackel a tay-ac: cadagitoy uppat a pulo a tawen, ni Jehova a Diosmo siaadda idi kenca; sica awan nagcurangam.