San Mateo 5:3 - Ti Biblia (1973)

³ Nagasat dagiti napanglaw iti pakinakemda; ta cucuada ti pagarian ti langit.

Ti Baro a Naimbag a Damag Biblia

³ “Nagasat dagiti mangbigbig a napanglawda iti imatang ti Dios, ta kukuada ti Pagarian ti Langit.

San Mateo 5:3 Iomraidhean Croise

Isaias 66:2

Ta amin dagitoy a banbanag inaramid ti imac, ket iti casta addada amin dagitoy a banbanag, cuna ni Jehova: ngem itoy a tao imatangacto, daydiay met laeng nga isu napanglaw ken napagbabawi nga espiritu, ken daydiay nga agkintayeg iti saoc.

Dagiti Proverbio 29:23

Ti tangsit ti tao mangipababanto kencuana; ngem ti sipapacumbaba ti espirituna maragpatnanto ti dayaw.

Dagiti Salmo 34:18

Ni Jehova adda iti asideg cadagiti sitatarumpingay ti pusoda, ket isalacanna dagiti sibabawi ti espirituda.

Dagiti Proverbio 16:19

Nasaysayaat ti kinapacumbaba ti espiritu cadagiti napanglaw, ngem ti pannakibingay iti sinamsam cadagiti natangsit.

San Lucas 18:14

Cunac cadacayo a daytoy nagawid iti balayna a napacawan nga immun-una ngem daydi maysa; ta uray siasino nga agpasindayaw maipababanto; ket ti agpacumbaba, maitanocto.

2 Cronicas 7:14

No dagiti tattaoc, a nagaladanda iti naganco, agpacumbabada, ket agcararagda, ket sapulenda ti rupac, ken sumiasida cadagiti nadangkes a dalanda; siac ngarud denggecto manipud langit, ket pacawanecto ti basolda, ket agasacto ti dagada.

Dagiti Salmo 51:17

Dagiti sacrificio a maipaay iti Dios isu ti espiritu a nadudog; ti nadudog ken sibabawi a puso, O Dios, saanmonto a laisen.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

Santiago 2:5

Dumngegcayo, ay-ayatec a cacabsatco; saan aya a pinili ti Dios dagiti napanglaw no maipapan itoy lubong, a maipaay iti kinabacnang iti pammati, ken agtawid iti pagarian nga incarina cadagiti agayat kencuana?

Isaias 61:1

Ti Espiritu ni Apo Jehova adda caniac; ta ni Jehova pinulotannac a mangicasaba cadagiti naimbag a damdamag cadagiti naemma: imbaonnac a mamatapat iti puso a nadunor, a mangiwarragawag iti wayawaya cadagiti nacayawan, ken ti pannacaluc-at cadagiti nabalud;

2 Cronicas 34:27

Agsipud ta ti pusom nalucneng, ket nagpacumbabaca iti sango ni Jehova, idi a nangngegmo dagiti sasaona a maibusor itoy a disso, ken maibusor cadagiti agnaed kencuana, ket nagpacumbabaca iti sangoanac, ket pinigismo dagiti cawesmo, ken nagsangitca iti saclongco: siac impangagca met, cuna ni Jehova.

Mikias 6:8

Imparangna kenca, O tao, daydiay naimbag; ket ania aya ti iparebbeng ni Jehova kenca, no di laeng ti agaramid a sililinteg, ken iti kinamanangngaasi ken pannagna a sipapacumbaba iti Diosmo?

San Lucas 11:28

Ngem isu kinunana: Adadda a nagasgasat pay dagiti agdengngeg iti sao ti Dios ken tungpalenda ida.

Dagiti Salmo 112:1

Idaydayawyo ni Jehova. Nagasat ti tao nga agbuteng ken Jehova, a maragsacan unay cadagiti bilbilinna.

Dagiti Salmo 1:1

Nagasat ti tao a saan a magna iti patigmaan dagiti nadangkes, ken saan nga agtalinaed iti dalan dagiti managbasol, ken saan nga agtugaw iti tugaw dagiti managsabsabrac:

Ti Libro ni Job 42:6

Gapuna a guraec ti bagic, ket agbabawiac iti tapoc ken dapdapo.

San Mateo 11:25

Iti daydi a tiempo ni Jesus immawag ket kinunana: Daydayawenca O Ama, Apo ti langit ken daga ta inlemmengmo dagitoy a banag cadagiti mamasirib ken mannacaawat, ket impaltiingmo ida cadagiti ububbing:

San Lucas 4:18

Ti Espiritu ti Apo adda caniac: ta pinulutannac a mangted cadagiti naimbag a damag cadagiti napanglaw; imbaonnac a mangipacaammo ti pannacaluc-at cadagiti nacayawan, ken ti pannacakita dagiti bulsec; tapno luc-atac dagiti maparparigat;

San Marcos 10:14

Ket idi makita daytoy ni Jesus, nangricna unay, ket kinunana cadacuada: Bayanyo dagiti ububbing a babassit nga umayda caniac, ket dicay pawilan ida ta dagitoy isuda, dagiti agtagicua ti pagarian ti Dios.

San Mateo 13:16

Ngem nagasat dagiti matayo, ta macakitada; ken dagiti lapayagyo, ta macangngegda.

Isaias 30:18

Gapuna nga agurayto ni Jehova, tapno macaasiannacayo; ket iti casta maitan-octo; tapno isu maaddaan iti panangngaasi cadacayo: ta ni Jehova isu ti Dios ti kinajusticia; nagasat dagiti isu-amin nga agpannuray kencuana.

Dagiti Salmo 146:5

Nagasat daydiay adda kencuana ti Dios ni Jacob a badangna, a ti inanamana adda ken Jehova a Diosna:

2 Cronicas 33:12

Ket idi isu naparparigat, sinapulna ni Jehova a Diosna, ket nagpacumbaba iti dackel unay iti sango ti Dios dagiti ammana.

Dagiti Salmo 41:1

Bendito ti mangimatang iti napanglaw: ni Jehova ispalennanto intono aldaw ti dakes.

Dagiti Salmo 2:12

Agepenyo ti anac, tapno di-agpungtot, ket mapucawcayo iti dalan, ta ti pungtotna nganngani a sumged. Nagasat amin dagidiay a cumamang kencuana.

2 Cronicas 33:23

Ket saan a nagpacumbaba iti sango ni Jehova a cas iti panagpacumbaba ni Manases nga amana, no di ket daytoy met laeng nga Amon nagsalungasing ket umadadda nga umadadda.

Santiago 1:12

Nagasat ti tao a macaitured iti pannacasulisog; ta inton masuuten, awatennanto ti balangat ti biag, nga incari ti Apo cadagiti agayat kencuana.

San Juan 20:29

Cuna kencuana ni Jesus: Gapu ta nakitanac, Tomas, namatica: nagasat dagiti saan a nacakita ket namatida.

San Mateo 24:46

Nagasat daydiay nga adipen, nga masaracanto ni apona, inton umay a casta ti aramidenna.

Dagiti Salmo 84:12

O Jehova dagiti buybuyot, nagasat ti tao nga agcammatalec kenca.

Deuteronomio 8:2

Ket laglagipemto amin a dalan a nangiturongan kenca ni Jehova a Diosmo cadagitoy uppat a pulo a tawtawen iti let-ang, tapno pagpacumbabaennaca, tapno masuutca, tapno maammoan ti adda ita pusom, no salimetmetamto met laeng dagiti bilbilinna wenno saan.

Santiago 1:10

Ngem ti nabacnang, iti pannacaipababana: agsipud ta isu lumabasto a cas iti sabong ti root.

Dagiti Proverbio 8:32

Ita ngarud, annacco, dumngegcayo caniac; ta bendito dagiti mangsalimetmet cadagiti daldalanco.

2 Cronicas 33:19

Ti cararagna met, ken no casano ti panangimdeng ti Dios kencuana, ken amin a basolna ken salungasingna, ken dagiti disso a nangbangonanna cadagiti nangato a disso, ken dagiti Ashera a pinatacderna ken dagiti ladladawan a kinitikitan, idi isu saan pay a nagpacumbaba, adtoy, naisuratda iti historia ni Hozai.

Paltiing 22:14

Nagasat dagidiay mangdalus cadagiti pagananayda, tapno adda calinteganda nga aglac-am iti cayo ti biag, ken tapno mabalinda ti sumrec cadagiti ruruangan ti ciudad.

Paltiing 19:9

Ket isu kinunana caniac: Agsuratca: Nagasat dagidiay naawis iti pangrabi-i a pagbodaan ti Cordero. Ket kinunana caniac: Dagitoy napudnoda a sao ti Dios.

San Mateo 25:34

Iti dayta cunaento ti ari cadagiti adda iti macanawanna: Umaycayo, bendito ni Amac, tawidenyo ti pagarian a naisagana cadacayo nanipud idi pannacabangon ti lubong:

Dagiti Salmo 128:1

Bendito ti tunggal maysa nga agbuteng ken Jehova, a magna cadagiti daldalanna.

San Mateo 11:6

Ket nagasat ti siasinoman a dinto macasarac caniac ti pacaitibcolan.

San Mateo 8:11

Ket cunac cadacayo nga adu dagiti umayto nga aggapu iti daya ken laud, ket makicatugawdanto ken Abraham ken Isaac ken ni Jacob iti pagarian ti langit.

San Mateo 3:2

Agbabawicayo; ta ti pagarian ti langit asidegen,

San Mateo 19:14

Ngem ni Jesus, kinunana: Bay-anyo dagiti ubbing a babassit nga umay caniac, ket dicay pawilan ida, ta dagiti cacastoy cucuada ti pagarian ti langit.

San Lucas 22:29

Ket siac ipatagicuac cadacayo ti maysa a pagarian a cas ti panangipatagicua ni Amac caniac.

San Lucas 22:30

Tapno macapangan ken macainumcayo iti panganac iti pagariac; ket agtugawcayto cadagiti trono a mangocom cadagiti sangapulo ket dua a tribu ti Israel.

Paltiing 3:17

Agsipud ta cunam: Siac nabacnangac ket nagunodacon ti kinabacnang, ket awan ti pacasapulac iti aniaman; ket dica ammo a sica ti dacsan-gasat ken marigrigat, ken napanglaw, ken bulsec ken lamolamo: