San Mateo 4:3 - Ti Biblia (1973)

³ Ket immay Kencuana ti mannulisog ket kinunana kencuana: No sica ti Anac ti Dios, ibilinmo a dagitoy bato agbalinda a tinapay.

Ti Baro a Naimbag a Damag Biblia

³ Immasideg kenkuana ti Diablo ket kinunana, “No sika ti Anak ti Dios, pagbalinem a tinapay dagitoy a bato.”

San Mateo 4:3 Iomraidhean Croise

Exodo 16:3

Ket dagiti annac ti Israel kinunada cadacuada, Sapay coma ta natay cami gapu iti ima ni Jehova iti daga nga Egipto, idi nagtutugawcami iti abay ti paglutoan ti lasag, idi nangancami nga agrennec iti tinapay; ta innaladacami man ditoy a let-ang, a patayen iti bisin amin daytoy a sancagimongan.

San Mateo 14:33

Ket dagidi adda idi barangay, nagdaydayawda Kencuana a cuncunada: Kinapudnona a sica ti Anac ti Dios.

San Mateo 16:16

Ket simmungbat ni Simon Pedro, ket kinunana: Sica ti Cristo, ti Anac ti Dios a sabibiag.

San Mateo 26:63

Ngem ni Jesus saan a naguni. Idin daydi cangatoan a padi kinunana kencuana: Isapatam, gapu iti Dios a sibibiag, nga ibagam cadacami, no sica ti Cristo nga Anac ti Dios.

San Mateo 3:17

Ket adtoy ti maysa a timec a nanipud cadagiti langlangit a cuncunana: Daytoy ti Anacco a dungdungngoec, Isu a pacapnecac unay kencuana.

San Marcos 1:1

Pangrugian ti evangelio ni Jesu-Cristo, Anac ti Dios.

San Marcos 3:11

Ket dagiti espiritu a narugit, no isu makitada, nagrucbabda iti sangoananna, ket nagickisda a cunada: Sica ti Anac ti Dios.

San Marcos 5:7

Ket idi a nagickis iti dackel a timec, cunana: Ania ti pacaibiangac kenca, Jesus, Anac ti Dios a Cangatoan unay? Dawatec kenca gapu iti Dios a dinac parigaten.

San Lucas 1:35

Ket simmungbat di angel a nagcuna kencuana: Ti Espiritu Santo umayto kenca, ket ti pannacabalin ti Cangatoan salinungannacanto; gapuna met a ti Santo a mayanacto kenca managanto Anac ti Dios.

San Lucas 22:70

Ket kinunada amin: No casta sica ti Anac ti Dios? Ket isu kinunana cadacuada: Cunayo a siac.

San Lucas 4:3

Ket ti diablo kinunana kencuana: No sica ti Anac ti Dios, ibilinmo iti daytoy a bato nga agbalin a tinapay.

San Lucas 4:41

Ket rimmuarda met cadagiti adu, dagiti sairo nga agic-ickis ket cuncunada: Sica ti Anac ti Dios; ngem inungtanna ida ket saanna ida a pinagsao; ta ammoda nga isu ni Cristo.

San Lucas 4:9

Ket impanna idiay Jerusalem ket incabilna iti cangatoan a paset ti Templo ket kinunana kencuana: No sica ti Anac ti Dios tumappuacca manipud ditoy agingga iti baba;

San Juan 1:34

Ket siac nakitac ket pinanecnecac a daytoy ti Anac ti Dios.

San Juan 1:49

Ni Natanael simmungbat kencuana: Rabbi, sica ti Anac ti Dios; sica ti Ari ti Israel.

San Juan 20:31

Ngem dagitoy addada a naisurat, tapno patienyo a ni Jesus isu ti Cristo, ti Anac ti Dios; ken tapno gapu iti pammatiyo maaddaancayo ti biag iti naganna.

San Juan 9:35

Nangngeg ni Jesus nga pinaruarda: ket idi nasaracanna, kinunana: Mamatica iti Anac ti Dios?

Dagiti Aramid 9:20

Ket dagus a cadagiti sinagoga incascasabana ni Cristo; nga isu ti Anac ti Dios.

2 Taga-Corinto 1:19

Ta ti Anac ti Dios, ni Jesu-Cristo, daydi incascasabami cadacayo, dacami cada Silvano ken Timoteo, saan nga isu ti Wen ken Saan, no di ket adda kencuana ti Wen.

Taga-Galacia 2:20

Nailansaac a naicuyog ken Cristo; ket saan a siac ti agbiagen no di ket ni Cristo ti agbiag caniac: ket ti biag a pagbiagco ita iti lasag, pagbiagco gapu iti pammati iti Anac ti Dios, isu a nagayat caniac, ket inyawatna ti bagina gapu caniac.

1 Taga-Tesalonica 3:5

Gapu met itoy idinto a diac macaibturen, nangibaonac tapno maammoac ti pammatiyo, di la ket ta adda nacasulisuganyo, ket ti aramidmi agbalinto a barengbareng.

Hebreo 12:16

Di la ket ta adda asinoman a mannakicamalala, wenno saan nga agraem cadagiti banbanag a nasantoan, cas ken Esau, isu a gapu laeng iti naminsan a pannangan inlacona ti kalinteganna nga inauna nga anac.

Hebreo 4:14

Idinto ngarud ta addaantayo ti maysa a dackel a cangatoan a padi, a limmabas cadagiti langlangit, ni Jesus, nga Anac ti Dios, salimetmetantayo coma a sititibker ti pammatitayo.

Hebreo 7:3

Awan amana, awan inana, awan ti capuonan ket awan ti pangrugian dagiti al-aldawna, wenno tungpal ti biagna, ngem naaramid nga umasping iti Anac ti Dios, agtaeng a padi iti agnanayon.

1 Juan 3:8

Ti agaramid iti basol cucua ti diablo, ta nanipud idi damo, ti diablo agbasbasol. Gapu itoy a panggep naiparangarang ti Anac ti Dios, tapno pucawenna dagiti ar-aramid ti diablo.

Paltiing 2:10

Dica cabuteng dagiti banbanag nga inca lac-amen: Adtoy, ti diablo mapanna ipisoc iti pagbaludan dagiti dadduma cadacayo, tapno masuutcayo; ket addanto rigatyo bayat ti sangapulo nga aldaw. Agtalgedca agingga ken patay, ket itdecto kenca ti balangat ti biag.