San Mateo 26:3 - Ti Biblia (1973)

³ Idin dagiti panguloen dagiti sacerdote, ken dagiti panglacayen dagiti umili naggigimongda iti palacio ti cangatoan a padi, a managan Caifas;

Ti Baro a Naimbag a Damag Biblia

³ Naguurnong dagiti panguloen a papadi ken dagiti panglakayen dagiti Judio iti palasio ni Caifas a Kangatoan a Padi.

San Mateo 26:3 Iomraidhean Croise

Dagiti Salmo 56:6

Agbubonggoyda amin, ken aglingedda, itugtugotandac, wen sinegseggaanda toy cararwac.

Jeremias 11:19

Ngem caslaac idi maysa a naamo a cordero a maiturong iti pagpartian; ket diac naammoan nga isuda insicatda dagiti panagem a maibusor caniac, a kinunada, Dadaelentayo coma ti cayo agraman ti bungana, ket isu keltayentayo iti daga dagiti nabiag, tapno ti naganna saanen a malagip.

Jeremias 17:27

Ngem no didac ipangag maipuon iti panagngilinyo ti aldaw a panaginana, ken iti saan a panagawit iti maysa nga awiten ken iseserrec cadagiti ruangan ti Jerusalem iti aldaw a panaginana; pasgedacto ngarud ti maysa nga apuy cadagiti ruanganna, ket alun-unennanto dagiti palacio ti Jerusalem, ket saanto a maiddep.

San Mateo 26:69

Idin, ni Pedro adda nga agtutugaw iti ruar idiay paraangan, ket immasideg kencuana ti maysa nga adipen a babai, a cuncunana: Ket sica nakicuycuyogca met ken Jesus a taga Galilea.

San Mateo 27:27

Idin dagiti soldado daydi gobernador, impanda ni Jesus iti Pretorio, ket inurnongda iti sibayna ti amin a compania.

San Marcos 14:54

Ket ni Pedro simmurot kencuana iti adayu, agingga iti uneg ti paraangan ti cangatoan a padi; ket nakicatugaw cadagiti adipen, nga agin-inudoda iti apuy.

San Marcos 14:66

Ket idi adda ni Pedro iti baba idiay paraangan, immay ti maysa cadagiti babbai nga adipen ti cangatoan a padi;

San Marcos 15:16

Dagiti soldado idi nga isu impanda idi uneg ti patio, ti pangocoman, inayabanda ti amin a cabonggoyda.

San Lucas 22:55

Ket idi a nangpasgedda iti tengngati patio, ket nagtutugawda a nagtataripnong nakicatugaw ni Pedro cadacuada.

San Lucas 3:2

Ken idi agdama a panguloen dagiti papadi da Anas ken Caifas, immay ti sao ti Apo ken Juan, anac ni Zacarias, iti let-ang.

San Juan 11:57

Ket dagiti cangatoan a papadi ken dagiti Fariseo nagbilinda, a no adda macaammo ti yanna, ibagana coma tapno tiliwenda.

San Juan 18:24

Ni Anas ngarud imbaonna a sirereppet ken Caifas a cangatoan a padi.

San Juan 18:28

Impanda ngarud ni Jesus nanipud ken Caifas, idiay Pretorio: ket agsapa idi: ket saanda a simrec idiay Pretorio, tapno dida matulawan tapno mabalinda coma a canen ti pascua.