San Mateo 2:3 - Ti Biblia (1973)

³ Idi mangngeg daytoy ni Ari Herodes, naglagaw ket ti amin a taga Jerusalem nakipaglagawda met.

Ti Baro a Naimbag a Damag Biblia

³ Idi madamag daytoy ni Ari Herodes, napalalo ti pannakariribukna, kasta met ti tunggal maysa a taga-Jerusalem.

San Mateo 2:3 Iomraidhean Croise

2 Ar-ari 6:11

Ket ti puso ti ari ti Siria nariribuc unay a gapu iti daytoy a banag: ket inayabanna dagiti ad-adipenna, ket kinunana cadacuada, Saanyonto nga ipalgac caniac, no siasino cadatayo ti agpaay iti ari ti Israel?

San Mateo 2:2

Sadino ti yan ti nayanac nga Ari dagiti Judio? Ta nakitami ti bituenna idiay daya, ket immaycam nga agdayaw kencuana.

San Mateo 2:4

Ket idi nga inurnongna amin a panguloen dagiti sacerdote ken dagiti escriba ti umili, inintuudna no sadino ngata ti pacayanacan ti Cristo.

San Mateo 23:37

O Jerusalem, Jerusalem a mamapatay cadagiti mammadto, ken mangubor cadagiti maibaon kenca! Naminano a kinayatco nga urnongen coma dagiti annacmo, a cas iti maysa nga upa urnongenna dagiti piecna iti siroc dagiti payacna, ket dica kinayat!

San Mateo 24:6

Ket macangngegcayto cadagiti gubgubat, ken damdamag ti gubgubat; kitaenyo ta dicay aglagaw; ta masapul a maaramid dagitoy; ngem saan pay nga isu ti panungpalan.

San Mateo 8:29

Ket adtoy, nagickisda a cuncunada: Sica Anac ti Dios. Ania tibibiangmi kenca? Immayca ditoy tapno parigatennacami iti dina pay tiempo?

San Marcos 13:7

Ngem inton mangngegyo ti maipapan cadagiti gubat ken damag ti gubat, dicay aglagaw: masapul a mapasamac; ngem saan pay nga isu ti panungpalan.

Dagiti Aramid 4:2

A silulucsawda agsipud ta sursuroanda dagiti umili ken ipacpacaammoda ti panagungar dagiti natay, gapu ken Jesus.