San Mateo 2:2 - Ti Biblia (1973)

² Sadino ti yan ti nayanac nga Ari dagiti Judio? Ta nakitami ti bituenna idiay daya, ket immaycam nga agdayaw kencuana.

Ti Baro a Naimbag a Damag Biblia

² “Sadino ti ayan ti ubing a nayanak nga ari dagiti Judio?” sinaludsodda. “Nakitami ti bituenna a nagparang idiay daya ket immaykami agdaydayaw kenkuana.”

San Mateo 2:2 Iomraidhean Croise

Dagiti Salmo 2:6

Nupay no casta insaadco ti aric, iti rabaw ti nasantoan a turodco a Sion.

Dagiti Salmo 45:11

Iti casta ti ari esmannanto ta imnasmo; ta isu ti agturaymo, ket pagraemam.

Isaias 60:3

Ket dagiti nasnacion umaydanto ita lawagmo, ken dagiti ar-ari iti raniag ta ileleggacmo.

Jeremias 23:5

Adtoy, dagiti al-aldaw dumtengda, cuna ni Jehova, a bangonecto ken David ti maysa a nalinteg a Sanga, ket isu agturayto a cas ari ken agaramid a sisisirib, ket agaramidto iti kinajusticia ken kinalinteg iti daga.

Jeremias 30:9

Ngem isuda agservidanto ken Jehova a Diosda, ken ni David nga arida, nga ibangonconto cadacuada.

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

Numero 24:17

Makitac ngem saan nga ita; Masirpatco ngem saan nga asideg: Ken Jacob rumuarto ti maysa a bitwen. Ket tumaudto ti maysa a cetro iti Israel, Ket sugatennanto amin nga igigid ti Moab, Ket ipadsonanto amin nga annac ti riri.

San Mateo 2:3

Idi mangngeg daytoy ni Ari Herodes, naglagaw ket ti amin a taga Jerusalem nakipaglagawda met.

San Mateo 21:5

Ibagayo iti anac a babai ni Sion: Adtoy ti arim umay kenca, Naemma ket sisasacay iti maysa nga asna, Ken iti maysa nga urbon, nga anac ti asna.

San Mateo 27:11

Ket ni Jesus adda a sitatacder iti sangoanan ti gobernador; ket daydi gobernador inintuudna kencuana, a kinuna: Sica ti ari dagiti Judio? Ni Jesus kinunana kencuana: Isu ti cunam.

San Lucas 19:38

A cuncunada: Naingasatan ti Ari, nga umay iti nagan ti Apo. Talna idiay langit, ket dayaw iti cangatoan.

San Lucas 2:11

Ta ita nga aldaw nayanac cadacayo idiay ili ni David, ti maysa a Manangisalacan, isu ti Cristo nga Apo.

San Lucas 23:3

Ket ni Pilato inintuudna kencuana a cunana: Sica ti Ari dagiti Judio? Ket isu simmungbat ket kinunana: Casta ti cunam.

San Lucas 23:38

Ket adda met iti oloanna ti maysa a galad a naisurat: DAYTOY ISU TI ARI DAGITI JUDIO.

San Juan 1:49

Ni Natanael simmungbat kencuana: Rabbi, sica ti Anac ti Dios; sica ti Ari ti Israel.

San Juan 12:13

Nangalada cadagiti bulbulong dagiti cayo a palma, ket rimmuarda a simmabet kencuana, ket inpucpuccawda ti: Hosana: Madaydayaw ti umay iti nagan ti Apo, ti Ari ti Israel.

San Juan 18:37

Kinuna ngarud ni Pilato kencuana: No casta ngarud, arica? Simmungbat ni Jesus; Cunam nga ariac, Nayanacac gapu itoy, ken gapu itoy immayac ditoy lubong, tapno panecnecac ti pudno, Isu-amin nga aggapu iti pudno, denggenna ti timecco.

San Juan 19:19

Ket insurat met ni Pilato ti maysa a galad, ket incabilna iti oloan ti cruz: ket ti naisurat castoy: NI JESUS A NAZARENO, ARI DAGITI JUDIO.

San Juan 20:28

Simmungbat ni Tomas, ket kinunana kencuana: Apoc ken Diosco.

San Juan 5:23

Tapno dagiti isu-amin padayawanda ti Anac a cas met iti panangpadayawda iti Ama. Ti saan a mangpadayaw iti Anac, saanna a padayawan ti Ama a nangibaon kencuana.

San Juan 9:38

Ket kinunana: Mamatiac, Apo; ket nagdayaw kencuana.

Hebreo 1:6

Ket sabali manen: Idi inyegna ti inauna nga Anac ditoy lubong, cunana: Isu ti pagrucbaban coma dagiti isu-amin nga anangel ti Dios.

Paltiing 22:16

Siac ni Jesus imbaonco ti angelco tapno sacsianna cadacayo dagitoy a banbanag cadagiti Iglesia. Siac ti capuonan ken ti caputotan ni David, siac ti naraniag, siac ti baggac.