San Mateo 10:1 - Ti Biblia (1973)

¹ Ket idi nga inayabanna dagiti sangapulo ket dua nga adalanna, iniccanna ida ti pannacabalin cadagiti espiritu a narugit, tapno pagtalawenda ida, ket paimbagenda ti amin a kita ti sakit ken amin a kita ti anannayen.

Ti Baro a Naimbag a Damag Biblia

¹ Inayaban ni Jesus dagiti sangapulo ket dua nga adalanna. Inikkanna ida iti pannakabalin a mangpaksiat kadagiti dakes nga espiritu, ken mangpaimbag kadagiti agsagsagaba iti amin a kita ti sakit ken an-annayen.

San Mateo 10:1 Iomraidhean Croise

San Mateo 19:28

Ket ni Jesus kinunana cadacuada: Pudno cunac cadacayo, dacayo a simmurot caniac, intono baro a pannacaparsua, intono ti Anac ti tao agtugawto iti trono ti gloriana, agtugawcayto met cadagiti sangapulo ket dua a trono a mangocom cadagiti sangapulo ket dua a tribu ti Israel.

San Mateo 26:20

Ket idi mumalemen, isu adda a sisasango iti panganan agraman cadagidi sangapulo ket dua nga adalan.

San Mateo 26:47

Ket idi madama pay laeng nga agsasao, adtoy, ni Judas, maysa cadagiti sangapulo ket dua, immay: ket kimmuyog kencuana ti adu unay a tao a nagtagicampilan ken nagtagipang-or, iti biang dagiti turayen dagiti papadi ken panglacayen dagiti umili.

San Mateo 4:23

Ket ni Jesus linawlawna ti amin a Galilea, a nangisursoro cadagiti sinagogada, ken nangicascasaba ti evangelio ti pagarian, ket nangpapaimbag cadagiti amin a kita ti sakit ken amin a kita ti an-annayen cadagiti umili.

San Mateo 6:13

Ket dinacam iyeg iti pannacasulisog, no di ket isalacannacami iti dakes.

San Mateo 9:35

Ket ni Jesus linawlawna dagiti amin nga il-ili ken purpuroc a nangisursuro cadagiti sinagogada, ken nangicascasaba ti naimbag a damag ti pagarian, ket pinapaimbagna amin a sakit ken amin a kita ti anannayen.

San Mateo 9:38

Dawatenyo ngarud iti Apo ti anien, tapno mangibaon coma cadagiti agani iti paganianna.

San Lucas 10:19

Adtoy iniccancayo ti pannacabalin a pumayat cadagiti ul-uleg ken manggagama ken iti amin a pannacabalin ti cabusor; ket awanto ti manganano cadacayo.

San Lucas 21:15

Ta siac iccancayto ti ngiwat ken sirib a di matngelan ken masalungasing dagiti isu-amin a cabusoryo.

San Lucas 24:49

Ket adtoy, ibaonco ti cari ni Amac cadacayo; ngem agnaedcayo iti ciudad a Jerusalem, agingga iti maramenancayo iti pannacabalin ti ngato.

San Lucas 6:13

Ket idi bimmigaten inayabanna dagiti adalanna ket pimmili ti sangapulo ket dua cadacuada, isuda a ninaganna met ti apostoles:

San Juan 17:2

Cas iti pannangtedmo kencuana ti pannacabalin iti amin a lasag, tapno dagiti amin nga intedmo kencuana iccana coma ida ti biag nga agnanayon.

San Juan 3:27

Simmungbat ni Juan ket kinunana: Ti maysa a tao saanna a mabalin ti umawat ti uray ania no saan a naited kencuana nanipud langit.

San Juan 3:35

Ti Ama ayatenna ti Anac, ket amin dagiti banag impaimanan kencuana.

San Juan 6:70

Ni Jesus simmungbat kencuana: Dicay aya pinili a sangapulo ket dua, ket maysa cadacayo isu diablo?

Dagiti Aramid 1:8

Ngem umawatcayto ti pannacabalin, inton umay cadacayo ti Espiritu Santo; ket dacayto ti sacsic sadi Jerusalem, ken iti isu-amin a Judea, ken Samaria, ken agingga iti ungto ti daga.

Dagiti Aramid 19:15

Ngem daydi espiritu a dakes simmungbat cadacuada, ket kinunana: Am-ammoc ni Jesus, ket ammoc ni Pablo: ngem, asinocayo?

Paltiing 12:1

Ket maysa a dackel a pagilasinan nakita idiay langit: Maysa a babai a sicacawes iti init, ket ti bulan iti baba dagiti sacsacana ket iti olona maysa a balangat a sangapulo ket dua a bituen;