San Mateo 1:12 - Ti Biblia (1973)

¹² Ket idi calpasan ti pannacaipanda sadi Babilonia, ni Jeconias pinutotna ni Salatiel; ket ni Salatiel pinutotna ni Zorobabel;

Ti Baro a Naimbag a Damag Biblia

^12-16 Dagiti kaputotan kalpasan ti pannakaipan dagiti Israelita idiay Babilonia agingga iti pannakayanak ni Jesus: Jeconias, Salatiel, Zorobabel, Abiud, Eliakim, Azor, Sadoc, Akim, Eliud, Eleazar, Matan, Jacob, Jose nga asawa ni Maria nga ina ni Jesus a maawagan iti Cristo.

San Mateo 1:12 Iomraidhean Croise

2 Ar-ari 24:14

Ket impanna ti dagup ti Jerusalem, ken isu-amin a pangpanguloen, ken isu-amin dagiti tattao a maingel ken napigsa, sangapulo ribu a kinayawan, ken isu-amin dagiti nalaing nga agaramid, ken dagiti mammanday; awan nalabasan, malacsid dagiti capapanglawan unay iti umili ti daga.

2 Ar-ari 25:27

Ket naaramid idi iti maicatlopulo ket pito a tawen ti pannacacayaw ni Joaquin nga ari ti Juda, idi bulan a maicasangapulo ket dua, iti maicaduapulo ket pito nga aldaw ti bulan, a ni Evil-merodach nga ari ti Babilonia, idi tawen a pinangrugina nga agari, inngatona ti olo ni Joaquin nga ari ti Juda nanipud iti pagbaludan;

1 Cronicas 3:17

Ket dagiti annac a lallaki ni Jeconias, a nacayawan: da Salatiel nga anacna,

ESDRAS 3:2

Idin nagtacder ni Jesua nga anac ni Josadec, ken dagiti cacabsatna a papadi, ken ni Zorobabel nga anac ni Sealtiel, ken cadagiti cacabsatna a lallaki, ket binangonda ti altar ti Dios ti Israel, tapno idatagda iti rabawna dagiti datdaton a mapuuran, cas naisurat iti linteg ni Moises a lalaki ti Dios.

ESDRAS 5:2

Idin timmacder ni Zorobabel nga anac ni Sealtiel, ken ni Jesua nga anac ni Josadec, ket rinugianda a bangonen ti balay ti Dios nga adda idiay Jerusalem; ket cadacuada adda idi dagiti mammadto ti Dios, a tumultulong cadacuada.

Nehemias 12:1

Dagitoy isuda dagiti papadi ken dagiti Levitas a nakipagsang-at cada Zorobabel nga anac a lalaki ni Salatiel, ken Jesua: da Saraias, Jeremias, Esdras,

Jeremias 22:24

Cas sibibiagac, cuna ni Jehova, uray no ni Conias nga anac a lalaki ni Joakim nga ari ti Juda isu coma ti singsing a pagtanda iti macanawan nga imac, nupay casta lapsutenca coma iti imac;

Jeremias 22:28

Daytoy lalaki a Conias maysa aya a mauyaw-uyaw ken buong nga alicamen? Maysa aya nga alicamen nga awan kencuana timaay-ayo? Agpay ngarud nga isuda maibellengda, isu ken ti putotna, ket maipurruacda iti daga a dida ammo?

Jeremias 22:30

Castoy ti cuna ni Jehova, Isuratyo a daytoy a lalaki nga awan ti anacna, maysa a lalaki a dinto rumang-ay cadagiti al-aldawna: ta awanton ti tao cadagiti caputotanna ti rumang-ay, nga agtugaw iti trono ni David ken agturay iti Juda.

Jeremias 27:20

A saan nga innala ni Nabucodonosor nga ari ti Babilonia, idi impanawna a nacayawan ni Jeconias nga anac a lalaki ni Joakim, nga ari ti Juda, manipud Jerusalem agingga iti Babilonia ken amin dagiti natatan-oc ti Juda ken Jerusalem;

Haggeo 1:1

Idi maicadua a tawen ni ari Dario, idi maicanem a bulan, idi umuna nga aldaw ti bulan, babaen ken ni Haggeo a mammadto immay ti sao ni Jehova ken ni Zorobabel nga anac ni Sealtiel, a gobernador iti Juda, ken ni Josue nga anac ni Josadac, a cangatoan a padi, a cunana.

Haggeo 1:12

Idin ni Zorobabel nga anac ni Sealtiel, ken ni Josue nga anac ni Josadac cangatoan a padi, agraman iti isu-amin a natda iti umili, nagtulnogda iti timec ni Jehova a Diosda, ken cadagiti sasao ni Haggeo a mammadto, agsipud ta ni Jehova a Diosda isu imbaonna; ket ti umili nagbuteng iti sango ni Jehova.

Haggeo 1:14

Ket ni Jehova tinignayna ti espiritu ni Zorobabel nga anac ni Sealtiel, a gobernador ti Juda, ken ti espiritu ni Josue nga anac ni Josadac, a cangatoan a padi, ken ti espiritu ti amin a natda iti umili; ket immayda ket nagaramidda iti balay ni Jehova dagiti buybuyot, a Diosda.

Haggeo 2:2

Agsaoca ita ken ni Zorobabel nga anac ni Sealtiel, a gobernador ti Juda, ken ni Josue nga anac ni Josadac, a cangatoan a padi, ken iti natda iti umili, a cunaem,

Haggeo 2:23

Iti daydiay nga aldaw, cuna ni Jehova dagiti buybuyot, alaencanto, O Zorobabel, nga adipenco, nga anac ni Sealtiel, cuna ni Jehova, ket aramidencanto a cas maysa a singsing a pagsello; ta siac pinilica, cuna ni Jehova dagiti buybuyot.

San Mateo 1:11

Ket ni Josias pinutotna ni Jeconias ken dagiti cacabsatna, idi pannacaipanda sadi Babilonia.

San Mateo 1:13

Ket ni Zorobabel pinutotna ni Abiud; ket ni Abiud pinutotna ni Eliaquim; ket ni Eliaquim pinutotna ni Azor;

San Mateo 1:17

Iti casta amin dagiti caputotan a mangrugi ken Abraham agtungpal ken David, sangapuloda ket uppat a caputotan; ket mangrugi ken David agpapan idi pannacaipanda sadi Babilonia, sangapulo ket uppat a caputotan; ket nanipud idi pannacaipanda sadi Babilonia agtungpal ken Cristo, sangapulo ket uppat a caputotan.

San Lucas 3:27

Nga anac ni Joana, nga anac ni Resa, nga anac ni Zorobabel, nga anac ni Sealtiel, nga anac ni Neri.