San Lucas 9:44 - Ti Biblia (1973)

⁴⁴ Tandaananyo a naimbag dagitoy a sao: ta toy Anac ti tao mayawatto cadagiti ima dagiti tao.

Ti Baro a Naimbag a Damag Biblia

⁴⁴ “Diyo liplipatan daytoy ibagak kadakayo: Dandanin mayawat ti Anak ti Tao iti pannakabalin dagiti tattao.”

San Lucas 9:44 Iomraidhean Croise

2 Samuel 24:14

Ket ni David kinunana ken ni Gad, Naladingitac iti napalalo: coma iti ima ni Jehova; ta dagiti caasina dadackelda; ket saanac coma a matnag iti ima ti tao.

San Mateo 16:21

Nanipud idi nga aldaw rinugian ni Jesus nga imbaga cadagiti adalanna a masapul kencuana ti mapan idiay Jerusalem, ken aglac-am cadagiti adu a banag cadagiti lallacay ken cadagiti panguloen cadagiti sacerdote ken escriba; ken matay ken agungar iti maicatlo nga aldaw.

San Mateo 26:2

Ammoyo nga iti calpasan ti dua nga aldaw umay ti Pascua, ket ti Anac ti tao mayawat tapno mailansa iti cruz.

San Marcos 8:31

Ket rinugianna nga insursuro ida a masapul a ti Anac ti tao agsagaba cadagiti adu a banag, ket isu ipusay dagiti lallacay, ken dagiti turayen dagiti papadi, ken dagiti escriba, ket matay ken agungar inton malpas ti tal-lo nga aldaw.

San Marcos 9:31

Ket insursurona dagiti adalanna, a cuncunana cadacuada: Toy anac, ti tao mayawat cadagiti imima dagiti tao, ket papatayendanto; ket inton mapapatayen, iti maicatlo nga aldaw agungarto met laeng.

San Lucas 1:66

Ket amin dagiti nacangngeg cadacuada indulinda iti pusoda a cuncunada; anianto ngata daytoy nga ubing? Ta ti ima ti Apo adda idi kencuana.

San Lucas 18:31

Ket ni Jesus, innalana dagiti sangapulo ket dua, ket kinunana cadacuada; Adtoy sumang-attayo sadi Jerusalem, ket matungpalto amin dagiti banag nga insurat dagiti mammadto a maipapan iti Anac ti tao.

San Lucas 2:19

Ngem ni Maria sinalimetmetanna amin dagitoy a banbanag, a pinanpanunot iti pusona.

San Lucas 2:51

Ket simmalog a nakicuyog cadacuada ket simmangpet idiay Nazaret, ket nagtulnog cadacuada. Ket ni inana sinalimetmetanna iti pusona amin dagitoy a masasao.

San Lucas 24:44

Ket kinunana cadacuada: Dagitoy dagiti sao nga insaoc cadacayo, idi addaac pay laeng cadacayo: A masapul a matungpal dagiti isu-amin a banag a naisurat a maipapan caniac iti Linteg ni Moises, ken cadagiti mammadto ken cadagiti Salmos.

San Lucas 9:22

A cunana: Masapul a ti Anac ti tao aglac-am ti adu a banag, ken lacsiden dagiti lallacay ken turayen dagiti papadi ken dagiti escriba, ket mapapatay ken agungar iti maicatlo nga aldaw.

San Juan 16:31

Ni Jesus simmungbat cadacuada: Mamaticay ita?

San Juan 16:4

Ngem sinaoc cadacayo dagitoy, tapno inton umay ti horasda, malagipyo ida, nga insaoc cadacayo. Ngem dagitoy saanco nga insao cadacayo idi damo, ta addaac pay idi cadacayo.

San Juan 19:11

Simmungbat kencuana ni Jesus: Awan coma ti aniaman a pannacabalinmo caniac, no di coma naited kenca nanipud ngato: gapuna ti nangyawat caniac kenca dacdackel ti basolna.

Dagiti Aramid 2:23

Daytoy, nayawat a mayalubog iti natudingan a panggep ken sigud a pannacaammo ti Dios, pinapatayyo ken inlansayo iti cruz gapu cadagiti ima dagiti nadamsac a tattao;

Hebreo 2:1

Gapuna rebbengtayo a regtaan nga imatangan dagiti banbanag a nangngegtayo, di la ket ta mayayustayo a mayadayo cadacuada.