San Lucas 9:26 - Ti Biblia (1973)

²⁶ Ta uray siasino a mangibain caniac ken cadagiti saoc, ibainto met ti Anac ti tao, inton umay a sidadayag ken ni Ama ken dagiti nasantoan nga anangel.

Ti Baro a Naimbag a Damag Biblia

²⁶ Ti mangibain kaniak ken iti pannursurok, ibainto met ti Anak ti Tao inton umay iti bukodna a dayag, iti dayag ti Ama ken dagiti nasantoan nga angheles.

San Lucas 9:26 Iomraidhean Croise

Isaias 53:3

Isu nauy-uyaw, ken binaybay-an dagiti tattao; maysa a tao ti ladladingit, ken nacaamammo iti liday: ket naumumsi a cas iti maysa a tao a kencuana dagiti tattao ilingedda ti rupada; ket ditayo impatpateg.

Daniel 7:10

Maysa nga umap-apuy nga ayus timpuar ken rimmuar iti sangona: rinibribu a ribu dagiti nagservi kencuana, ket sangalacsa a lacsa ti nagtatacder iti saclangna: ti panangocom naikeddeng, ket dagiti liblibro naluctanda.

San Mateo 16:27

Ta ti Anac ti tao umayto agraman iti dayag ni Amana ken dagiti angelna: ket iti dayta gungunaannanto ti tunggal maysa cas cadagiti aramidna.

San Mateo 25:31

Ngem intono ti Anac ti tao umayto agraman iti dayagna, ken amin dagiti angel maicuyog kencuana, isu ti panagtugawnanto iti trono ti gloriana.

San Mateo 26:64

Ni Jesus cunana kencuana: Sinaomon: Ket cunac pay cadacayo nga iti masangoanan makitayonto toy Anac ti tao nga agtugaw iti macanawan ti Pannacabalin nga umay iti rabaw dagiti ulep ti langit.

San Marcos 8:38

Ta siasinoman a mangibain caniac ken cadagiti saoc iti daytoy a caputotan a naabig ken managbasol, toy Anac ti tao ibainnanto met intono umay iti gloria ni Amana, agraman dagiti sasanto nga angelna.

San Juan 12:43

Ta adadda nga inayatda ti dayaw a nataoan ngem dayaw a nadiosan:

San Juan 5:44

Casano ti pannacabalinna a mamaticayo, nga awatenyo ti dayaw iti maysa ken maysa, ket dicay biruken ti dayaw nga aggapu iti maymaysa laeng a Dios?

Dagiti Aramid 10:22

Ket kinunada: Ni Cornelio, a capitan, lalaki a nalinteg ken managbutbuteng iti Dios, ken naimbag ti damagna iti amin a nacion dagiti Judio, nabagbagaan iti Dios gapu iti maysa a santo nga angel, a paayabannaca iti balayna ket denggenna kenca dagiti sao.

Taga-Roma 1:16

Ta diac ibain ti evangelio; ta isu ti pannacabalin ti Dios a maipaay iti pannacaisalacan ti tunggal maysa a mamati; umuna iti Judio, ken iti met Griego.

2 Taga-Corinto 12:10

Gapuna mapnecac cadagiti kinacapuy, cadagiti pannacauy-uyaw, cadagiti pacasapsapulan, pannacaidadanes, cadagiti rigrigat gapu ken Cristo: ta inton nacapuyac, isu ti capigsa.

Taga-Galacia 6:14

Ngem di coma maaramid nga agpasindayawac, no saan nga iti cruz ni Apotayo a Jesu-Cristo; a gapu kencuana ti lubong nailanza iti cruz no maipapan caniac, ket siac, iti lubong.

1 Timoteo 5:21

Dawatec unay, iti imatang ti Dios ken ni Cristo Jesus, ken dagiti anangel a tungpalem dagitoy a banbanag nga awan ti panangipilpili nga awan ti aramidem nga adda pannacaidumdumana.

2 Timoteo 1:12

Gapu met itoy sagabaec dagitoy a banag; nupay casta, saanac a mabain; ta ammoc daydiay pinatic, ket mapnecac unay nga isu mannacabalin a mangaywan iti intalecco kencuana a maipaay iti daydiay nga aldaw.

2 Timoteo 2:12

No macaituredtayo, agaritayto met a mairanud kencuana; no isu paglicudantayo, paglicudannatayto met:

Hebreo 11:26

A pinagarupna a dacdackel a kinabacnang ti pannacaumsi ken Cristo, ngem dagiti kinabacnang ti Egipto; ta kitkitaenna idi ti gunguna.

Hebreo 13:13

Mapantayo ngarud kencuana, iti ruar ti pacarso, a sagabaentayo ti pannacauy-uyawna.

San Judas 1:14

Ket cadagitoy met impadto ni Enoc, daydi maicapito nanipud ken Adam, a kinunana: Adtoy nga immay ti Apo, a cuyugen dagiti linaclacsa a sasantona,

Paltiing 1:7

Adtoy isu umay a buyugen dagiti ululep ket makitanto dagiti isu-amin a matmata, ken castamet dagidi nangduyuc kencuana; ket dagiti isu-amin a capcaputotan ditoy daga agdung-awdanto gapu kencuana. Casta coma; Amen.

Paltiing 20:11

Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.

Paltiing 21:8

Ngem no maipapan cadagiti natacrut, ken cadagiti di mammati, ken dagiti nasabrac, ken dagiti nacapapatay, ken dagiti mannakicamalala, ken dagiti managanito, ken dagiti agrucbab cadagiti didiosen, ken dagiti isu-amin nga agululbod ti bingayda addanto idiay danaw a sumsumged ti apuy ken azufre: daytoy ti ipapatay a maicadua.

Paltiing 3:5

Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.