San Lucas 9:22 - Ti Biblia (1973)

²² A cunana: Masapul a ti Anac ti tao aglac-am ti adu a banag, ken lacsiden dagiti lallacay ken turayen dagiti papadi ken dagiti escriba, ket mapapatay ken agungar iti maicatlo nga aldaw.

Ti Baro a Naimbag a Damag Biblia

²² Kinunana pay: “Masapul nga agsagabanto iti napalalo ti Anak ti Tao ken laksiden dagiti panglakayen, dagiti panguloen a papadi ken dagiti mamaestro iti Linteg. Mapapatayto, ngem mapagungarto iti maikatlo nga aldaw.”

San Lucas 9:22 Iomraidhean Croise

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Daniel 9:26

Ket calpasan dagiti innem a pulo ket dua a lawasna madadaelto ti napulotan, ket awanto ti mabati kencuana: ket ti ili ti principe nga umayto racrakennanto ti ciudad ken ti santuario; ket ti panungpalanna maaramidto agraman ti maysa a layus, ket agingga iti canibusanan maaramidto ti gubat; maikeddeng dagiti pannacalangalang.

Zacarias 13:7

Agriingca, O campilan, a maibusor iti pastorco, ken maibusor iti lalaki a caduac, cuna ni Jehova dagiti buybuyot: sugatem ti pastor, ket dagiti carneroc mawarawaradanto; ket siac idissocto ti imac cadagiti babassit.

San Mateo 17:12

Ngem cunac cadacayo, nga immayen ni Elias, ket isu dida nailasin; no di ket inaramidda kencuana ti amin a kinayatda: casta met ti Anac ti tao agsagabanto cadacuada.

San Mateo 17:22

Ket idi addada idiay Galilea, ni Jesus kinunana cadacuada: Ti Anac ti tao mayawatto cadagiti imima dagiti tattao.

San Mateo 27:63

Acuncunada: Apo, malagipmi a daydi manangulbod kinunana idi sibibiag pay: Inton malpas ti tal-lo nga aldaw agungaracto.

San Marcos 8:31

Ket rinugianna nga insursuro ida a masapul a ti Anac ti tao agsagaba cadagiti adu a banag, ket isu ipusay dagiti lallacay, ken dagiti turayen dagiti papadi, ken dagiti escriba, ket matay ken agungar inton malpas ti tal-lo nga aldaw.

San Marcos 9:31

Ket insursurona dagiti adalanna, a cuncunana cadacuada: Toy anac, ti tao mayawat cadagiti imima dagiti tao, ket papatayendanto; ket inton mapapatayen, iti maicatlo nga aldaw agungarto met laeng.

San Lucas 17:25

Ngem umuna pay a masapul nga isu agsagaba ti adu, ket pagtalawen daytoy a caputotan.

San Lucas 24:26

Saan aya a masapul idi a ni Cristo lac-amenna dagitoy a banag ken sumrec iti gloriana?

San Lucas 24:44

Ket kinunana cadacuada: Dagitoy dagiti sao nga insaoc cadacayo, idi addaac pay laeng cadacayo: A masapul a matungpal dagiti isu-amin a banag a naisurat a maipapan caniac iti Linteg ni Moises, ken cadagiti mammadto ken cadagiti Salmos.

San Lucas 24:7

A cuna: Masapul a ti Anac ti tao maiyawat cadagiti ima dagiti tao a managbasol, ken mailansa iti cruz, ken agungar iti maicatlo nga aldaw.

San Lucas 9:44

Tandaananyo a naimbag dagitoy a sao: ta toy Anac ti tao mayawatto cadagiti ima dagiti tao.

1 Taga-Corinto 15:4

Ket naitanem, ket nagungar iti maicatlo nga aldaw, cas maiyalubog cadagiti Sursurat;

1 Pedro 1:11

A sinucsukimatda no ania wenno casano ti tiempo nga imbaga ti Espiritu ni Cristo, nga adda idi cadacuada, idi impacpacaunana a sinacsian dagiti tutuoc a maipaay ken Cristo ken dagiti daydayag a sumarunonto cadacuada.