San Lucas 9:2 - Ti Biblia (1973)

² Ket imbaonna ida a mangicascasaba iti pagarian ti Dios ken mangagas cadagiti masacsakit.

Ti Baro a Naimbag a Damag Biblia

² Kalpasanna, imbaonna ida a mangikasaba iti Pagarian ti Dios ken mangpaimbag kadagiti masakit.

San Lucas 9:2 Iomraidhean Croise

San Mateo 10:5

Dagitoy sangapulo ket dua imbaon ni Jesus idi nalpasna a binilbilin ida a cuncunana: Dicay mapan iti dalan dagiti Gentil ket dicay sumrec iti ili dagiti taga Samaria;

San Mateo 13:19

No uray siasino a macangngeg ti sao a maipapan iti pagarian ket dina maawatan, umay ti dakes, ket parutenna ti naimula iti pusona: daytoy ti naimula iti dinna ti dalan.

San Mateo 24:14

Ket daytoy evangelio ti pagarian maicascasabanto iti amin a lubong tapno mangpanecnec cadagiti isu-amin a nacion; ket iti casta umayton ti panungpalan.

San Mateo 3:2

Agbabawicayo; ta ti pagarian ti langit asidegen,

San Marcos 16:15

Ket kinunana cadacuada: incay iti isu-amin a lubong, ket icasabayo ti evangelio iti isu-amin a parsua.

San Marcos 6:12

Ket rimmuarda, ket incascasabada ti panagbabawi.

San Lucas 10:1

Ket iti calpasan dagitoy a naaramid, nangilasin ti Apo ti sabali a pito pulo, ket imbaonna ida a sagdudua, iti masangoananna, iti isu-amin nga Il-ili ken disso a dandani a papananna.

San Lucas 10:11

Uray pay ti tapoc ti Iliyo a kimpet cadagiti sacsacami, pampagenmi a maibusor cadacayo: nupay casta ammoenyo, a ti pagarian ti langit immasideg cadacayo.

San Lucas 10:9

Ket agasanyo dagiti masacsakit nga adda idiay a disso ket cunayo cadacuada: Immasideg cadacayo ti pagarian ti Dios.

San Lucas 16:16

Ti linteg ken dagiti mammadto agpatinggada ken Juan: nanipud idin ti evangelio ti pagarian ti Dios maipacaammo, ket tunggal maysa aggarasugas a sumrec kencuana.

San Lucas 9:11

Ngem idi maammoan daytoy dagiti adu a tao, simmurotda kencuana; ket inawatna ken kinasaona ida ti maipapan iti pagarian ti Dios, ket inagasanna dagiti macasapul ti pannacaagas.