San Lucas 9:12 - Ti Biblia (1973)

¹² Ket idi a mumalemen immasideg dagiti sangapulo ket dua ket kinunada kencuana: Pagawidemon dagiti adu a tao, tapno mapanda cadagiti purpuroc ken awaway iti arubayan, nga agdagus ken agsapul ti pagtaraonda; ta addatayo ditoy disso nga awan matatao.

Ti Baro a Naimbag a Damag Biblia

¹² Mumalemen idi napan kenkuana dagiti sangapulo ket dua nga adalan. “Pagawidemon dagiti tattao,” kinunada, “tapno mapanda kadagiti kabangibang nga il-ili ken barbarrio ket agbirokda iti kanen ken pagdagusanda, ta adayotayo kadagiti balbalay.”

San Lucas 9:12 Iomraidhean Croise

Ezekiel 34:25

Ket mangaramidacto cadacuada iti maysa a tulag ti cappia, ket pasardengecto dagiti dakes nga an-animal iti daga; ket agnaeddanto a sitatalged iti let-ang, ken maturog iti bakir.

Oseas 13:5

Siac naammoanca idiay let-ang, idiay daga ti dackel a ticag.

San Mateo 14:13

Ket idi nangngegan ni Jesus, pimmanaw sadiay, a nagbarangay, a napan iti maysa a disso nga awan matagtagitao ken putputong; ket idi maammoan dagiti adu a tattao simmurotda kencuana a nagnagna nanipud cadagiti ciudad.

San Mateo 15:23

Ngem isu saan a simmungbat kencuana ti uray maysa a sao. Ket immasideg dagidi addalanna ket dinawatda kencuana a cuncunada: pagawiddem, ta isu agic-ickis iti licudantayo.

San Mateo 15:32

Ket ni Jesus inayabanna dagiti adalanna, ket kinunana: Cacaasiac dagitoy adu a tao, ta tal-lo nga aldawen nga addada caniac ket awan ti macanda: ket diac cayat a pagawiden ida a dida mangan, di la ket ta agcapuyda iti dalan.

San Lucas 9:11

Ngem idi maammoan daytoy dagiti adu a tao, simmurotda kencuana; ket inawatna ken kinasaona ida ti maipapan iti pagarian ti Dios, ket inagasanna dagiti macasapul ti pannacaagas.

San Lucas 9:13

Ngem cunana cadacuada: Iccanyo ida ti canen, Ket kinunada: Awan cadacami no di laeng lima a tinapay ken dua nga ican, no dicam mapan gumatang ti pagtaraon a maipaay cadagitoy amin a tattao.

San Juan 6:1

Idi nalpas dagitoy, napan ni Jesus idiay bal-lasiw ti baybay ti Galilea nga isu ti baybay ti Tiberias.

Taga-Filipos 1:19

Ta ammoc a daytoy rumsuanto a pacaisalacanac, gapu cadagiti panangidawdawatyo, ken ti pannacaipaay ti Espiritu ni Jesu-Cristo,