San Lucas 9:11 - Ti Biblia (1973)

¹¹ Ngem idi maammoan daytoy dagiti adu a tao, simmurotda kencuana; ket inawatna ken kinasaona ida ti maipapan iti pagarian ti Dios, ket inagasanna dagiti macasapul ti pannacaagas.

Ti Baro a Naimbag a Damag Biblia

¹¹ Nadamag daytoy dagiti tattao ket simmurotda kenkuana. Inawatna ida ket inkasabana kadakuada ti Pagarian ti Dios. Pinaimbagna dagiti masapul a maagasan.

San Lucas 9:11 Iomraidhean Croise

Isaias 61:1

Ti Espiritu ni Apo Jehova adda caniac; ta ni Jehova pinulotannac a mangicasaba cadagiti naimbag a damdamag cadagiti naemma: imbaonnac a mamatapat iti puso a nadunor, a mangiwarragawag iti wayawaya cadagiti nacayawan, ken ti pannacaluc-at cadagiti nabalud;

San Mateo 12:15

Ngem idinto a nadlawan ni Jesus, immadayu sadiay; ket simmurotda kencuana dagiti adu a tattao, ket inagasanna ida amin.

San Mateo 14:14

Ket idi rummuar ni Jesus, nakitana ti umariwecwec a tao, ket simnec ti asina cadacuada, ket pinaimbagna dagiti masakitda.

San Mateo 21:31

Asino cadagiti dua ti nangaramid iti pagayatan ni amana? Cunada: Ti immuna. Ni Jesus cunana cadacuada: Pudno cunac cadacayo a dagiti agsingsingir ti buis ken dagiti balangcantis mapanda nga umununa ngem dacayo iti pagarian ti Dios,

San Mateo 21:43

Gapuna cunac cadacayo a ti pagarian ti Dios maiccatto cadacayo, ket maitedto iti maysa a nacion, a mangpataud cadagiti bungbungana.

San Lucas 1:53

Dagiti mabisbisinan pinennecna ida cadagiti naimbag a sagsagut, Ket dagiti nabacnang pinapanawna ida nga onga-ong;

San Lucas 5:31

Ket simmungbat ni Jesus ket kinunana cadacuada: Dagiti sisasalun-at saanda a masapul ti mangngagas, no di ket dagiti masakit.

San Lucas 8:1

Ket naaramid iti calpasanna, nga isu magmagna cadagiti amin nga Il-ili ken purpuroc a mangascasaba ken ipacaammona ti naimbag a damag ti pagarian ti Dios; ket dagiti sangapulo ket dua cumuycuyogda kencuana,

San Lucas 8:10

Ket kinunana: Cadacayo maited ti panangammo cadagiti palimed ti pagarian ti Dios; ngem cadagiti sabali biig a pangngarig, tapno uray kitkitaenda saanda a mailasin, ket uray dengdenggenda dida maawatan,

San Lucas 9:10

Ket idi nagsubli dagiti apostol, sinaritada kencuana dagiti isu-amin nga inararamidda, Ket innalana ida napanda a nalimed iti maysa a disso a putputong a masacupan ti Betsaida,

San Lucas 9:12

Ket idi a mumalemen immasideg dagiti sangapulo ket dua ket kinunada kencuana: Pagawidemon dagiti adu a tao, tapno mapanda cadagiti purpuroc ken awaway iti arubayan, nga agdagus ken agsapul ti pagtaraonda; ta addatayo ditoy disso nga awan matatao.

San Lucas 9:2

Ket imbaonna ida a mangicascasaba iti pagarian ti Dios ken mangagas cadagiti masacsakit.

San Juan 4:34

Ni Jesus cunana cadacuada: Ti taraonco isu ti panangaramidco iti pagayatan ti nangibaon caniac, ken panangturpos ti aramidna.

San Juan 6:37

Isu-amin nga ited caniac ni Ama, umayto caniac; ket ti umay caniac, diacto pagtalawen.

Dagiti Aramid 28:31

Nga incascasabana ti pagarian ti Dios ket insursurona dagiti banag a maipapan ken Apo Jesu-Cristo, a situtured, nga awan ket ti nanglapped kencuana.

Taga-Roma 10:14

Casanonto ngarud ti panangawagda iti daydiay dida pinati? ket casano ti pammatidanto iti daydiay dida nangnangngeg? Ket casanonto ti pannacangngegda, no awan ti mangascasaba?

Taga-Roma 10:17

Iti casta, ti pammati agtaud iti panagdengngeg; ket ti panangdengngeg agtaud gapu iti sao ni Cristo.

Taga-Roma 15:3

Ta uray ni Cristo saanna nga inay-ayo ti bagina; no di ket cas iti naisurat; Dagiti panangum-umsi dagiti nangum-umsi kenca nagtinnagda caniac.

2 Timoteo 4:2

Nga icascasabam ti sao; umagawaca iti tiempona man ken saanna a tiempo, tumubngarca, mangbabalawca, mamagbagaca, a buyugen ti amin a panaganus ken ti panangisursuro.

Hebreo 4:16

Umadanitay ngarud a sitatalged iti trono ti parabur awatentayo ti asi ken macasaractayo ti parabur; a tumulong cadatayo iti aldaw ti pannacasapul.