San Lucas 8:44 - Ti Biblia (1973)

⁴⁴ Immasideg iti licudan ni Jesus, ket sinagidna ti gayadan ti pagan-anayna; ket naigiddato a nagsardeng ti panagbulos ti darana.

Ti Baro a Naimbag a Damag Biblia

⁴⁴ Nakilinnetlet kadagiti tattao ket napan iti likudan ni Jesus. Sinagidna ti gayadan ti kagay ni Jesus, ket dagus a nagsardeng ti panagbulos ti darana.

San Lucas 8:44 Iomraidhean Croise

Exodo 15:26

Ket kinunana, No ipangagmonto a sipapasnec ti timec ni Jehova a Diosmo, ket aramidemto ti nalinteg iti imatangna, ket imdengamto dagiti bilbilinna, ket salimetmetamto amin dagiti al-alagadenna awanto ti iccabilco kenca cadagiti sakit nga incabilco cadagiti Egipcios: ta siac ni Jehova a mamaimbag kenca.

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Mateo 20:34

Ket ni Jesus, simnec ti asina, inaprusanna dagiti matada ket naigiddato nga nacakitada; ket simmurotda kencuana:

San Mateo 8:3

Ket inunnatna ti imana ket sinagidna a kinunana kencuana, cayatco, madalusanca coma. Ket naigiddato a daydi cucutelna napunas.

San Mateo 9:20

Ket adtoy ti maysa a babai a masakit iti panagbulos ti dara iti sangapulo ket dua a tawenen, immasideg iti licudanna ket sinagidna ti pingir di pagan-anayna;

San Marcos 6:56

Ket uray sadino a sercanna, cadagiti purpuroc wenno cadagiti ilili wenno cadagiti awaway icabilda idi dagiti masacsakit cadagiti calcalsada, ket carcararaganda tapno ipalubosna cadacuada a sagiden uray laeng ti pingir ti pagananayna: ket dagup dagiti simmagid kencuana, naagasanda.

San Lucas 13:13

Ket impatayna kencuana dagiti imana, ket dagus a napalinteg ket dinaydayawna ti Dios.

San Lucas 7:38

Ket idinto nga agtatacder nga agsangsangit iti licudan dagiti sacsaca ni Jesus rinugianna a sinibugan ida cadagiti luluana ket pinunasanna ida cadagiti boocna ket inagagepanna ken sinapsapoanna ida ti bangbanglo.

San Lucas 8:43

Ket maysa a babai, nga agsagsagaba iti panagbulos ti dara iti sangapulo ket dua a taoenen, isu rinaritna cadagiti mangngagas ti amin a cucuana, ket awan ti nacapaimbag kencuana,

San Lucas 8:45

Ket kinuna ni Jesus: Asino ti nangsagid caniac? Ket idinto a naglibacda amin, kinuna ni Pedro ken dagiti caduana: Mannursuro, dagiti adu a tao iletandaca ken agaaribongbonda kenca.

San Juan 5:13

Ngem daydi napaimbag dina ammo no asino; ta ni Jesus immadayu ta adda adu unay a tattao iti daydi a disso.

Dagiti Aramid 19:12

Iti casta nga iti laeng panangipanda cadagiti pano wenno bidang a naggapu iti bagina cadagiti masakit, agpucaw cadacuada dagiti sacsakit ket dagiti dakes nga espiritu rumuarda.

Dagiti Aramid 5:15

Iti casta nga ipanda dagiti masacsakit cadagiti daldalan ket icabilda ida cadagiti pagiddaan ken cadagiti langcapi, ta inton lumabas ni Pedro, bareng no ti aniniwanna linonganna ti dadduma cadacuada.

Deuteronomio 22:12

Mangaramidcanto iti parparaypay cadagiti uppat nga igid ti cawcawesmo a pangarpawmo ita bagim.