San Lucas 8:24 - Ti Biblia (1973)

²⁴ Ket immasidegda kencuana, ket riniingda a kinunada: Mannursuro, mannursuro, mapucawtayon! Ket idi nacariing, tinubngarna di angin ken ti daleg ket nagtalnada, ket naglinac.

Ti Baro a Naimbag a Damag Biblia

²⁴ Napan dagiti adalan ken ni Jesus ket riniingda. “Apo! Apo!” kinunada, “lumnedtayon.” Bimmangon ni Jesus ket binilinna ti angin ken dagiti nadawel a dalluyon. Nagtalnada ket nalinak manen ti dan-aw.

San Lucas 8:24 Iomraidhean Croise

Dagiti Salmo 65:7

Daydiay pagtalnaenna ti daranudor dagiti baybay, ti daranudor dagiti dalluyon, ken ti gulogulo dagiti tattao.

Isaias 50:2

Apay ngarud, nga idi immayac nga awan ti tao? idi immayabac, awan ti simmungbat? Napaababa aya ti imac, tapno saanna a mabalin ti manubbot? wenno awan aya ti pannacabalinco a mangisalacan? Adtoy, iti panangtubngarco paatianac ti baybay, aramidec dagiti carcarayan a let-ang: dagiti icanda agbuyocda, ta awan ti danum, ket matayda iti waw.

Jeremias 5:22

Saancayo aya nga agbuteng caniac? cuna ni Jehova: saancayo aya nga agpigergerto iti sangoanac, siac a nangicabil ti darat a beddeng ti baybay, ti agnanayon a bilin, nga isu saannanto a malasat? ket uray dagiti dalluyonna agpallatocda, nupay casta saanda nga umartap: uray pay no agungorda, nupay casta saanda a malasat.

Nahum 1:4

Isu ungtanna ti baybay, ket pagmagaenna, ket patiananna dagiti isu-amin a carayan: ti Basan aglaylay, ken ti Carmelo; ket ti sabong ti Libano aglaylay.

San Mateo 14:30

Ngem idi nakitana ti angin, nagbuteng; ket idi mangrugi a lumned, nagickis a cunana: Apo, isalacannac.

San Mateo 8:25

Ket dagidi adalanna, immasidegda kencuana ket riniingda a cuncunada: Apo, isalacannacami, mapucawtayon!

San Marcos 4:39

Ket idi a nacariing, tinubngarna ti angin ket kinunana iti baybay: Agulimecca, agtalnaca. Ket nagtalna ti angin, ket immay ti dackel a linac.

San Lucas 4:35

Ket ni Jesus inungtanna a kinuna: Agulimecca, ket rumuarca kencuana. Ket ti sairo idi impadsona iti tengnga, pimmanaw kencuana ket saanna nga inanano.

San Lucas 4:39

Ket immasideg kencuana, ket inungtanna daydi gorigor, ket pimmanaw di gorigor ket dagus a timmacder ket nagservi cadacuada.

San Lucas 5:5

Ket simmungbat ni Simon ket kinunana kencuana: Mannursuro, nagbannogcami a nagpatpatnag ket awan ti naalami; nupay casta gapu iti saom iwayatco.

San Lucas 8:25

Ket kinunana cadacuada: Adino ti yan ti pammatiyo? Ket isuda nagbutengda a sisisiddaaw a cuncuna ti maysa ken maysa cadacuada: Ania a cababalin ti tao daytoy ta uray ti angin ken danum bilinenna ida ket agtulnogda kencuana?