San Lucas 8:17 - Ti Biblia (1973)

¹⁷ Ta awan ti nailemmeng a dinto maiparangarang; ken aniaman a nalimed a dinto maamoan wenno maipanayag.

Ti Baro a Naimbag a Damag Biblia

¹⁷ Ta awan ti nailemmeng a dinto mailatak, ket awan ti palimed a dinto maammoan ken maiparangarang.

San Lucas 8:17 Iomraidhean Croise

Dagiti Proverbio 26:26

Nupay ti gurana abbonganna iti kinasicap, ti kinadangkesna maiparangarangto a sibabatad iti saclang ti gimong.

Eclesiastes 12:14

Ta ti Dios iyegnanto ti tunggal aramid iti pannacaocom, agraman tunggal nailemmeng a banag, no isu naimbag, wenno dakes.

San Mateo 10:26

Gapuna dicayo cabuteng ida ta awan ti naabbungan, a di maipanayagto ken nailemmeng, a di maammoanto.

San Marcos 4:22

Ta awan ti maabbongan no di ket tapno maipanayag, ket awan met ti aniaman a palimed; no di ket tapno umay iti naananay a pannacaipayayag.

1 Taga-Corinto 4:5

Iti casta ngarud awan coma ti ocomenyo no dina pay pannacaipaay, agingga iti umay ti Apo; isu a mangipanayagto iti lawag cadagiti nailemmeng a banag dagiti sipnget, ket iparangarangnanto dagiti panagem dagiti puspuso; ket iti dayta addanto dayaw iti tunggal maysa iti Dios.