San Lucas 8:15 - Ti Biblia (1973)

¹⁵ Ket dagiti nagdisso iti nasayaat a daga, isu dagitoy dagiti tao nga iti nasayaat ken nalinteg a puso dinengngegda ti sao ket salimetmetanda ket agbungada a siaanus.

Ti Baro a Naimbag a Damag Biblia

¹⁵ Dagiti nagdisso iti nadam-eg a daga, iladawanda dagiti tattao a dumngeg iti mensahe, salimetmetanda iti naimbag ken natulnog a puso, ket agtalinaedda agingga iti agbungada.”

San Lucas 8:15 Iomraidhean Croise

Dagiti Salmo 119:11

Ti saom indulinco itoy pusoc, tapno diac agbasol kenca.

Dagiti Salmo 51:10

Parsuaem caniac ti nadalus a puso, O Dios; ket pabaroem ti maysa a nalinteg nga espiritu itoy unegco.

Dagiti Proverbio 3:1

Anacco, dica lipaten ti lintegco ngem salimetmetam coma dita pusom dagiti bilbilinco:

Jeremias 15:16

Dagiti saom nasaracanda, ket kinnanco ida; ket dagiti saom nagbalinda caniac a ragsac ken rag-o ti pusoc: ta mainagananac iti naganmo O Jerova, Dios dagiti buybuyot.

Jeremias 31:33

Ngem daytoy ti tulag nga aramidecto iti balay ti Israel iti calpasan dagidiay nga aldaw, cuna ni Jehova; Isaadconto ti lintegco iti unegda, ken isuratconto iti pusoda; ket siacto ti Diosda, ket isudanto ti ilic.

Jeremias 32:29

Ket dagiti Caldeos a gumubat a maibusor itoy nga ili, umaydanto ket pasgedandanto daytoy nga ili, ket puurandanto agraman cadagiti balbalay, a cadagiti atepda nagidatdatonda, iti incienso ken Baal, ken nangibucbucda cadagiti datdaton a mainum cadagiti sabali a diosen tapno panggargarida caniac nga agpungtot.

San Mateo 24:13

Ngem ti agtalinaed agingga iti panungpalan maisalacanto.

San Lucas 11:28

Ngem isu kinunana: Adadda a nagasgasat pay dagiti agdengngeg iti sao ti Dios ken tungpalenda ida.

San Lucas 6:45

Ti naimbag a tao iti nasayaat a gameng ti pusona iruarna ti naimbag; ket ti dakes a tao iti dakes a gameng iruarna ti dakes: ta iti nawadwad iti puso saoen ti ngiwatna.

San Lucas 8:14

Ket dagiti nagdisso cadagiti cacalunayan, isu dagitoy dagiti nagdengngeg; ket idinto a mapanda iti dalanda, malpesda cadagiti agagawa ken gamgameng ken ragragsac ti daytoy a biag ket dida agbunga ti maloom.

San Lucas 8:16

Ket awan ti tao nga inton nagangatanna ti maysa a silaw, calubanna iti banga, wenno icabilna iti siroc ti maysa a pagidaan; no di ket icabilna iti maysa a pagsilawan tapno dagiti sumrec makitada ti silaw.

San Juan 14:15

No ayatendac, tungpalenyo dagiti bilbilinco.

San Juan 15:10

No tungpalenyo dagiti bilbilinco, agtaengcayto iti ayatco; cas la iti panagtungpalco cadagiti bilbilin ni Amac, ket agtaengac iti ayatna.

Taga-Roma 2:7

Cadagiti agtalinaed iti panagaramid ti naimbag a sapsapulenda ti gloria, ti dayaw ken ti saan nga ipapatay; ti biag nga agnanayon:

Taga-Roma 6:22

Ngem ita, ta naluc-atancayo iti basol ket nagbalincayo nga adipen ti Dios, adda bungayo a maipaay iti kinasanto ket ti panungpalanna, biag nga agnanayon.

Taga-Roma 7:18

Ta ammoc a saan nga agnaed ti naimbag a banag caniac, cayatco a sao-en, iti lasagco; ta ti panagpanggep nalaca caniac, ngem ti panagtungpal iti naimbag, awan.

Taga-Roma 7:4

Gapuna, dacayo met, cacabsatco, natay cayon iti maipapan iti linteg gapu iti bagi ni Cristo, tapno maicallaysacayo iti sabali nga isu daydi napagungar cadagiti natay; tapno mangpataudtayo iti bunga a maipaay iti Dios.

Taga-Roma 8:25

Ngem no namnamaentayo ti ditay pay makita ur-urayentayo a siaanus.

1 Taga-Corinto 7:19

Ti pannacacugit awan papaayna, ket ti saan a pannacacugit awan papaayna; ngem ti napateg isu ti panangtungpal cadagiti bilbilin ti Dios.

Taga-Efeso 2:8

Ta gapu iti parabur naisalacancayo gapu iti pammati; ket daytoy saan a nagtaud cadacayo ta sagut ti Dios;

Deuteronomio 30:6

Ket ni Jehova a Diosmo cugitennanto ta pusom, ken ti puso ti putotmo, tapno agayatca ken Jehova a Diosmo iti isu-amin a pusom, ken iti isu-amin a cararuam, tapno agbiagca.

Taga-Filipos 1:11

A mapnocayo cadagiti bungbunga ti kinalinteg, a maipaay iti dayag ken pacaidayawan ti Dios, gapu ken Jesu-Cristo.

Taga-Colosas 1:10

A magnacayo a maicari iti Apo, a maipaay iti amin a pacaayaywan, nga agbungacayo iti isu-amin nga aramid a naimbag, ket rumangay cayo iti pannacaammo iti Dios;

Taga-Colosas 1:6

A dimteng cadacayo, a cas met iti isu-amin a lubong adda nga agbungbunga ken dumackel; a cas met cadacayo, nanipud iti aldaw a pannacangngeg ken pannacaammoyo iti parabur ti Dios iti pudno;

Hebreo 10:36

Ta masapulyo ti anus, tapno iti calpasan ti panangaramidyo iti pagayatan ti Dios, awatenyo ti naicari.

Hebreo 2:1

Gapuna rebbengtayo a regtaan nga imatangan dagiti banbanag a nangngegtayo, di la ket ta mayayustayo a mayadayo cadacuada.

Santiago 1:4

Ket patauden coma ti kinaanus ti aramid a naananay, tapno maananaycayo iti isu-amin, nga awan ket ti aniaman a pagkuranganyo.

1 Juan 2:3

Ket gapu itoy, maammoantayo nga isu am-ammotayo, no salimetmetantayo dagiti bilbilinna.