San Lucas 8:13 - Ti Biblia (1973)

¹³ Ket dagiti agdisso iti bato, isuda dagiti idinto a nagdengngegda, awatenda ti sao a siraragsac; ket dagitoy awan ti ramutda; ket mamatida iti apagbiit, ket iti aldaw ti pannacasulisog suminada.

Ti Baro a Naimbag a Damag Biblia

¹³ Dagiti nagdisso iti kabatoan, iladawanda dagiti tattao a dumngeg iti mensahe ken awatenda a siraragsak. Ngem saan nga umuneg ti mensahe kadakuada. Mamatida iti apagbiit, ngem suminada no dumteng ti tiempo a pannakasuot.

San Lucas 8:13 Iomraidhean Croise

Ti Libro ni Job 19:28

No cunayo, Anian ti panangidadanesminto kencuana! Ket ti ramut ti panggep masaracan caniac;

Dagiti Proverbio 12:12

Ti nadangkes tarigagayanna ti bateng dagiti dakes a tattao; ngem ti ramut ti nalinteg agbunganto.

Dagiti Proverbio 12:3

Ti tao saanto a mapasingkedan a gapu iti kinadangkes; ngem ti ramut ti nalinteg dinto magaraw.

Isaias 58:2

Nupay casta isuda birukendac iti inaldaw, ken agrag-oda nga umammo cadagiti dalanco: cas maysa a nacion a nagaramid iti kinalinteg, ket dina indian ti impaannurot ti Diosda, agdawatda caniac iti nalinteg a panangocom; agrag-oda nga umadani iti Dios.

Ezekiel 33:32

Ket, adtoy, maipaay cadacuada sica ti cas naimnas a cancion ti maysa nga addaan macaay-ayo a timecna, ken macatocar a naimbag iti pagtocaran; ta mangngegda dagiti saom, ngem saanda ida a tungpalen.

Oseas 6:4

Ania ti aramidecto kenca, O Efraim? Ania ti aramidecto kenca, O Juda? Ta ti kinaimbagmo mayarig iti ulep iti agsapa, ken cas iti linnaaw a pumanaw a masapa.

San Marcos 6:20

Ta ni Herodes cabutengna idi ni Juan, ta ammona nga isu tao a nalinteg ken santo, ket isakitna; ket no denggenna idi, adu a banbanag ti gapuananna ket pagayayatanna a denggen.

San Lucas 8:12

Ket dagiti nagdisso iti asideg ti dalan, isuda dagiti nagdengngeg; iti calpasanna umay ti sairo, ket iccatenna ti sao iti pusoda, tapno dida patien ket dida maisalacan.

San Lucas 8:14

Ket dagiti nagdisso cadagiti cacalunayan, isu dagitoy dagiti nagdengngeg; ket idinto a mapanda iti dalanda, malpesda cadagiti agagawa ken gamgameng ken ragragsac ti daytoy a biag ket dida agbunga ti maloom.

San Juan 15:2

Isu-amin a santacco a di agbunga iccatennanto: ket amin dagiti sanga nga agbunga isu ti dalusanna, tapno mangted coma ti adadu a bunga.

San Juan 15:6

No adda saan nga agnaed caniac, maibel-lengto iti ruar a cas ti santac ket magangonto: ket urnungendanto ken ibel-leng iti apuy, ket mapuuranto:

San Juan 5:35

Isu idi ti silaw a sumged ken manglawag: ket kinayatyo ti nagrag-o iti apagbiit iti lawagna.

1 Taga-Corinto 13:2

Ket no cupicupac coma ti talunggading ti pammadto, ket ammoc coma dagiti isu-amin a palimed, ken ti amin a sirib; ket no cupicupac coma ti isu-amin a pammati, a mabalinco coma a garawen dagiti banbantay, ngem awan ti ayatco, awan met pategco.

1 Taga-Corinto 15:2

Ket gapu kencuana maisalacancayo, no icutanyo nga agnanayon ti sao nga incascasabac cadacayo, malacsid no namaticayo a barengbareng.

Taga-Galacia 3:1

O taga Galacia nga awanan pannacaawat, asino ti nangcayaw cadacayo, idinto a naipakita iti nalawagen cadacayo a ni Jesu-Cristo nailansa iti cruz?

Taga-Galacia 3:4

Nagsagabacayo aya cadagiti casta unay a caadu a banbanag nga awan capapay-anna, no pudno nga awan capapay-anna?

Taga-Efeso 3:17

Tapno agnaed coma ni Cristo cadagiti puspusoyo, gapu iti pammati; tapno idinto nga agramutcayo ket macimientoancayo ken ayat,

Taga-Colosas 1:23

No, pudno nga agtalinaedcayo iti pammati, naipasdec ken natibker, ket dicay pacuti iti pananginanama iti evangelio a nangngegyo, a naicascasaba iti amin a parsua iti baba ti langit; a gapu kencuana nagbalinac a ministro, siac ni Pablo.

Taga-Colosas 2:7

A maparamutcayo, ken mapadackelcayo kencuana, ket mapalagdacayo iti pammati, a cas met iti pannacaisuroyo ket mapnocayo iti panagyaman.

1 Taga-Tesalonica 3:5

Gapu met itoy idinto a diac macaibturen, nangibaonac tapno maammoac ti pammatiyo, di la ket ta adda nacasulisuganyo, ket ti aramidmi agbalinto a barengbareng.

1 Timoteo 1:19

A taginayonem ti pammati ken ti naimbag a nakem; isu nga idinto a tinal-licudan dagiti dadduma, narbada iti maipapan iti pammati.

Hebreo 10:39

Ngem awancami cadagidiay agsanud nga agturong iti pannacapucaw no di ket addacami cadagidiay mamati nga agpaay iti pacaisalacanan ti cararua.

Santiago 2:26

Ta cas iti bagi, a no maisina iti cararua, natay, casta met ti pammati nga awanan ar-aramid, natay.

2 Pedro 2:20

Ta no iti calpasan ti pannacalapsutda cadagiti pacarugitan ti lubong gapu iti pannacaammoda ken Apo ken Manangisalacan a Jesu-Cristo, masiloanda manen cadacuada ken maabacda, nagbalin a dacdakes ti maudi a casasaadda ngem ti immuna.

2 Pedro 2:22

Ti napasamac cadacuada daydi pudno a masasao: “Nagsubli manen ti aso iti sarruana, ken ti tacong a nabuggoan, nagsubli nga agtultulid iti lugnac.”

1 Juan 2:19

Rimmuarda cadatayo, ngem ditay ida caddua; ta no cadduatay coma ida, nakipagtaengda coma cadatayo; ngem tapno iparangarangda a saan nga isuda amin, cadcaduatay ida.

San Judas 1:12

Dagitoy a tao isuda dagiti batbato a nalemmeng cadagiti pagdadayaanyo iti ayat, a no makidayada cadacayo, makipanganda nga awanan bain; ul-ulep nga awan danumda, nga itayab dagiti angin; caycayo nga awan bungada iti panagapit, a naminduada a natay, ken naparut a siraramut.