San Lucas 8:10 - Ti Biblia (1973)

¹⁰ Ket kinunana: Cadacayo maited ti panangammo cadagiti palimed ti pagarian ti Dios; ngem cadagiti sabali biig a pangngarig, tapno uray kitkitaenda saanda a mailasin, ket uray dengdenggenda dida maawatan,

Ti Baro a Naimbag a Damag Biblia

¹⁰ “Naipakaammo kadakayo dagiti palimed ti Pagarian ti Dios,” insungbat ni Jesus. “Ngem maipakaammo dagitoy kadagiti dadduma babaen kadagiti pangngarig, tapno ‘uray kitkitaenda, dida mailasin, ken uray dengdenggenda, dida maawatan.’”

San Lucas 8:10 Iomraidhean Croise

Dagiti Salmo 25:14

Ti kinapagayam ni Jehova addanto cadagiti agbuteng kencuana; ket iparangnanto cadacuada ti tulagna.

Isaias 29:14

Gapuna, adtoy, baliwacto nga aramiden ti maysa a nacascasdaaw nga aramid iti tengnga daytoy nga ili, maysa met laeng a nacascasdaaw nga aramid ken datdatlag; ket ti kinasirib dagiti tattaoda a mamasirib mapucawto, ken ti pannacaawat dagiti tattaoda a manakem mailemmengto.

Isaias 44:18

Isuda saanda nga ammo, ken dida met utoben? ta isu inabbonganna dagiti matada, tapno dida macakita; ken dagiti pusoda, tapno dida macaawat.

Isaias 6:9

Ket isu kinunana, Inca, ket ibagam cadagitoy a tattao, Pudno a mangn gegyo, ngem dicayo maawatan; ken pudno a makitayo ngem dicayo mailasin.

Jeremias 5:21

Denggenyo ita daytoy, O maag nga umili, ken awan ti pannacaawatna; nga adda matana, ngem saan a macakita; nga adda lapayagna, ngem saan a macangngeg;

Ezekiel 12:2

Anac ti tao, sica agnaedca iti nagtengngaan ti balay a nasukir, nga addaanda matmata a pagkitada, ket dida cumita, nga addaanda laplapayag a pagdengngeg, ket dida dumngeg; ta isuda ti maysa a balay a nasukir.

San Mateo 11:25

Iti daydi a tiempo ni Jesus immawag ket kinunana: Daydayawenca O Ama, Apo ti langit ken daga ta inlemmengmo dagitoy a banag cadagiti mamasirib ken mannacaawat, ket impaltiingmo ida cadagiti ububbing:

San Mateo 16:17

Ket simmungbat ni Jesus, ket kinunana kencuana: Nagasatca, Simon, anac ni Jonas; ta saan nga ti lasag wenno dara, ti nangipaltiing kenca no di ket ni Amac nga adda sadi langit.

San Marcos 4:11

Ket isu kinunana cadacuada: Maited cadacayo ti panangammo iti palimed ti pagarian ti Dios; ngem cadagiti taga ruar, amin maipalawag cadacuada cadagiti pangngarig.

San Marcos 4:12

Iti casta: kitkitaenda, makitada, ket dida mailasin; ket no dengdenggenda, mangngegda ket dida maawatan; di la ket ta addanto aldaw a panagsublida ket dagiti basbasol mapacawan cadacuada.

San Juan 12:40

Pinagbulsecna dagiti matada, ket pinatangkenna ti pusoda; Di la ket ta macakitada cadagiti matada, ken macaawatda iti pusoda, ket agbalbaliwda coma ket siac agasac coma ida.

Taga-Roma 16:25

Ket iti dayta macabalin a mangaramid cadacayo a mamagtalinaed, cas iti evangelio ken ti pannacaicascasaba ni Jesu-Cristo, cas mayannurot iti pannacayammo ti palimed a nailemmeng iti kinaulimec agpapan cadagiti panawen, nga agnanayon.

1 Taga-Corinto 12:11

Ngem isu-amin dagitoy a banbanag gapuanan ida daydiay maymaysa ken isu met laeng nga Espiritu, nga agibunong iti tunggal maysa cas iti cayatna.

Deuteronomio 29:4

Ngem ni Jehova dina inted kenca ti puso a pangammo, ken matmata a pagkita, ken laplapayag a pagdengngeg agpapan ita nga aldaw.

Taga-Colosas 2:2

Tapno maliwliwa coma dagiti puspusoda, nga agsisinggalutda coma ken ayat ken maipaay iti amin a kinabacnang ti naan-anay a pannacaawat, a maipaay iti panangammo iti palimed ti Dios, isu ni Cristo,

1 Timoteo 3:16

Ket awan duadua, dackel ti palimed ti kinasanto: Daydi naiparang iti lasag, Napanecnecan iti espiritu, Nakita dagiti angel, Naicascasaba cadagiti nacion, Napapati ditoy lubong, Naipangato sadi gloria.