San Lucas 7:47 - Ti Biblia (1973)

⁴⁷ Gapuna cunac kenca, dagiti basbasolna, nga adu mapacawanda, ta nagayat ti adu; ngem iti mapacawan ti bassit, bassit ti panagayatna.

Ti Baro a Naimbag a Damag Biblia

⁴⁷ Ngarud, ibagak kenka, gapu iti dakkel a panagayat nga impakitana, napakawanen dagiti adu a basbasolna. Ngem ti tao a bassit ti mapakawan kenkuana, bassit met ti panagayatna.”

San Lucas 7:47 Iomraidhean Croise

Isaias 1:18

Umaycayo ita, ket agsusurottayo coma, cuna ni Jehova: uray no dagiti basbasolyo casda la coma iti escarlata, mapapudawdanto a cas la nieve; nupay no nalabbasitda a cas la carmesi, agbalindanto a cas la napudaw a de lana.

Isaias 55:7

Ti managdacdakes bay-anna coma ti dalanna, ken ti tao a saan a nalinteg dagiti pampanunotna; ket agsubli coma ken ni Jehova, ket isu caasiannanto; ken iti Diostayo, ta isu pacawanennanto iti nawadwad.

Ezekiel 16:63

Tapno malagipmo, ket mariroca, ket nicaanoman dicanto agtimeken, a gapu iti bainmo; intono pacawanec kenca dagiti amin nga inaramidmo, cuna ni Apo Jehova.

Mikias 7:19

Isu caasiannatayto manen; baddekennanto dagiti kinadakestayo; ket ipurruacmonto amin dagiti basbasolda cadagiti caadalman ti baybay.

San Mateo 10:37

Ti agayat iti ama wenno ina a nangnangrona ngem siac saan a maicari caniac; ket ti agayat iti anac a lalaki wenno babai a nangnangrona ngem siac saan a maicari caniac.

San Lucas 7:39

Ngem idi nakita daytoy daydi Fariseo a nangawis kencuana, kinuncunana iti pununotna: Daytoy, no coma no mammadto, ammona coma no asino ken no ania a kita ti babai daytoy a mangsagid kencuana, ta isu managbasol.

San Lucas 7:46

Saanmo a sinapsapoan toy oloc iti lana; ngem daytoy sinapsapoanna ti bangbanglo dagiti sacsacac.

San Lucas 7:48

Ket kinunana kencuana: Dagiti basbasolmo mapacawanda.

Dagiti Aramid 5:31

Isu intan-oc ti Dios iti macanawanna a cas maysa a Principe ken Manangisalacan, tapno itdenna iti Israel ti panagbabawi ken ti panangiccat dagiti basbasol.

Taga-Roma 5:20

Ket ti linteg simrec pay tapno paaduenna coma ti basol; ngem no immadu, ti basol immadu, ti parabur immad-adu pay iti casta unay:

2 Taga-Corinto 5:14

Ta ti ayat ni Cristo pilitennacami, idinto nga ipatomi a castoy: Nga no ti maysa natay gapu cadagiti isu-amin; no casta dagiti isu-amin addada idi a natay;

Taga-Galacia 5:6

Ta ken Cristo Jesus uray ti pannacacugit, uray pay met ti saan a pannacacugit awan ti pannacabalinda no di ket ti pammati nga agaramid gapu iti ayat.

Taga-Efeso 6:24

Ti parabur adda coma cadagiti isu-amin nga agayat a di-agressat ken Apotayo a Jesu-Cristo.

Taga-Filipos 1:9

Ket daytoy ti cararagco: A ti ayatyo umadu coma la nga umadu, iti kinasirib ken iti amin a pannacaawat;

1 Timoteo 1:14

Ngem ti parabur ni Apotayo agluplupias a maibuyog iti pammati ken ayat ken Cristo Jesus.

1 Juan 1:7

Ngem no magnatayo iti lawag, cas isu adda iti lawag, adda pannakicadcadduatayo iti maysa ken maysa, ket ti dara ni Jesus nga Anacna ugasannatayo iti amin a basol.

1 Juan 3:18

Annacco a dongdongngoen, saantay coma a pagayat ti sao ket saan met ti dila, no di ket ti aramid ken ti napudno.

1 Juan 4:19

Datayo agayattayo, agsipud ta isu inayatnatayo nga immuna.

1 Juan 5:3

Ta daytoy ti ayat ti Dios, a tungpalentayo coma dagiti bilbilinna; ket dagiti bilbilinna saanda a macapadagsen.