San Lucas 7:42 - Ti Biblia (1973)

⁴² Ket gapu ta awan ti pagbayadda, pinacawanna ida nga agpadpada. Asino cadagitoy ngarud ti agayatto kencuana iti adadu?

Ti Baro a Naimbag a Damag Biblia

⁴² Agsipud ta dida makabayad, pinakawan ida ti immutanganda. Siasinonto kadagitoy ti dakdakkel ti panagayatna iti nagpautang?”

San Lucas 7:42 Iomraidhean Croise

2 Samuel 14:13

Ket ti babai kinunana, Apayapay ngarud a sica panunotem iti castoy a banag a maibusor iti ili ti Dios? ta ti pannacaisao daytoy ti ari isu ti cas la maysa a nacabasol, iti daydiay a ti ari dina pasangpeten iti balayna ti imbellengna.

Dagiti Salmo 103:3

Isu a mamacawan cadagiti amin a kinadangkesmo; isu a mamapia cadagiti amin a nasacsakitmo;

Isaias 43:25

Siac, siac met laeng daydiay nangpunas cadagiti labsingmo gapu caniac met laeng; ket diacto lagipenen dagiti basbasolmo.

Isaias 44:22

Siac pinucawco a cas la ulep a napuscol dagiti kinasukirmo, ken cas maysa nga ulep dagiti basbasolmo: agsublica caniac; ta siac sinubbotca.

San Mateo 18:27

Ket daydi apo ti adipen, idi natignay ti asina kencuana, pinalubusanna ket pinacawanna ti utang.

San Mateo 18:34

Ket ni apona nagpungtot ket isu inyawatna cadagiti mangsaplit agingga iti mabayadanna amin ni inutangna kencuana.

San Mateo 6:12

Ket pacawanennacami cadagiti ut-utangmi, a cas met panamacawanmi cadagiti nacautang cadacami.

San Lucas 7:43

Ket simmungbat ni Simon, a nagcuna: Pagarupec a daydiay nangpacawananna ti adu. Ket isu kinunana kencuana: Nalinteg ti panangipatom.

Taga-Roma 3:24

Idinto a maibilangda a nalinteg nga awan ti baybayadna gapu iti paraburna, a maaramat ti pannacasubbot nga adda ken Cristo Jesus:

Taga-Roma 5:6

Ta idi nacapsuttayo pay laeng idi tiempo a pannacaipaayna ni Cristo natay gapu cadagiti managdacdakes.

Taga-Galacia 3:10

Ta dagup dagiti isu-amin a sumurot cadagiti ar-aramid ti linteg, addada babaen ti pannacailunod; ta adda a naisurat: Mailunod ti isu-amin a di agtalinaed iti amin nga adda a naisurat iti Libro ti Linteg, tapno aramidenna.

Taga-Efeso 1:7

Ket kencuana maaddaantayo ti pannacasubbot gapu iti darana, ti pannacapacawan dagiti basbasol, a mayannurot iti kinabacnang ti paraburna,

Taga-Efeso 4:32

Ket managayanayatcayo, agkikinnaasi ken agpipinnacawancayo, a cas met ti Dios pinacawannacayo gapu ken Cristo.

Taga-Colosas 3:13

Nga agi-innanuscayo, ket agpipinnacawancayo, no ti asinoman adda pangidarumanna iti sabali; cas iti pammacawan ti Apo cadacayo, castacayo met.