San Lucas 7:34 - Ti Biblia (1973)

³⁴ Immay toy Anac ti tao, a mangan ken uminum, ket cunayo: Adtoy ti maysa a tao a manangan ken managinum ti arac, gayyem dagiti agsingsingir ti buis ken dagiti managbasol!

Ti Baro a Naimbag a Damag Biblia

³⁴ Immay ti Anak ti Tao. Nangnangan ken immin-inum ket kinunayo: ‘Kitaenyo daytoy a tao! Narawet ken mammartek. Gayyem dagiti agsingsingir iti buis ken dadduma pay a dakes a tattao!’

San Lucas 7:34 Iomraidhean Croise

San Mateo 11:19

Immay toy Anac ti tao, a mangan ken uminum, ket cunada: Adtoy ti maysa a tao a mannangan ken managinum ti arac, pagayam dagiti agsingsingir ti buis ken dagiti managbasol. Ngem ti kinasirib mapanecnecan gapu cadagiti gapuananna.

San Mateo 5:46

Ta no ayatenyo dagiti agayat cadacayo. Ania ti magungunayo? Saan a casta aya ti aramiden met dagiti agsingsingir ti buis?

San Mateo 9:11

Ket dagiti Fariseo, idi nakitada daytoy, kinunada cadagiti adalanna: Apayapay makipangan ti manursuro cadacayo cadagiti agsingsingir ti buis ken cadagiti managbasol?

San Lucas 11:37

Ket idi nga agsasao, inawis ti maysa a Fariseo a makipangan coma kencuana: ket simrec ni Jesus ket simmango a mangan.

San Lucas 14:1

Ket naaramid nga idi simrec iti balay ti maysa a panguloen dagiti Fariseo iti maysa nga aldaw a panaginana a mangan ti tinapay, isu sinisiimda.

San Lucas 15:2

Ket agtantanabutob dagiti Fariseo ken dagiti escriba a cuncunada: Daytoy awatenna dagiti managbasol ket makipangan cadacuada.

San Lucas 19:7

Ket idi nakitada daytoy, nagtanabutobda amin a cuncunada: Napan nakidagus iti maysa a tao a managbasol.

San Lucas 5:29

Ket inyaramidan ni Levi ti dackel a daya iti balayna ket adda idi ti dackel a gimong dagiti agsingsingir ti buis ken sabsabali nga adda idi a nakisango cadacuada iti panganan.

San Lucas 7:33

Ta immay ni Juan a Bautista, a di mangan ti tinapay, ken di met uminum ti arac, ket cunayo: Adda sairona.

San Lucas 7:35

Nupay casta ti kinasirib mapanecnecan gapu cadagiti amin nga annacna.

San Lucas 7:36

Ket dinawat ti maysa cadagiti Fariseo a makipangan coma kencuana. Ket simrec iti balay ti Fariseo ket simmango iti panganan.

San Juan 12:2

Iti casta inyaramidanda idiay ti maysa a panangrabii; ket ni Marta nagrservi, ngem ni Lazaro maysa cadagidi nakisango kencuana iti panganan.

San Juan 2:2

Ket naawis met ni Jesus ken dagiti adalanna idi pagbodaan.