San Lucas 7:25 - Ti Biblia (1973)

²⁵ Ngem ania ti rinuaranyo a kinita? Maysa a tao a nacawesan iti pagananay a nalapat? Adtoy, dagiti nacacawes iti pagananay a napateg, ken agbiag cadagiti nam-ay, addada cadagiti palacio dagiti arari.

Ti Baro a Naimbag a Damag Biblia

²⁵ Ania ti napanyo kinita? Maysa a tao a nagkawes iti napintas a pagan-anay? Kinapudnona, palasio ti pagnaedan dagiti agkawes iti kasta ken agbiag a sibubuslon!

San Lucas 7:25 Iomraidhean Croise

2 Samuel 19:35

Siac agtawenac ita nga aldaw iti walopulo a tawen: mapaglasinco aya ti naimbag ken ti dakes? Ti adipenmo mabalinna aya a nanamen iti aniaman a canec wenno iti aniaman nga inumec? Mabalinco pay aya a denggen ti timec dagiti lallaki ken babbai nga agcancanta? ania ti gapuna ngarud a ti adipenmo isunto pay la nga awit ken apoc nga ari?

1 Ar-ari 10:5

Ken ti canen iti lamesaanna, ken ti panagtutugaw dagiti ad-adipenna, ken ti panagtatacder dagiti ministrona, ken dagiti cawesda, ken dagiti coperona, ken ti ulianna isu a pagnaanna a mapan iti balay ni Jehova; awanen ti bileg kencuana.

2 Ar-ari 1:8

Ket isuda simmungbatda kencuana, Isu idi ti maysa a lalaki a muldotan, ket nagbarikes iti barikes a lalat iti aglicmut cadagiti lomona. Ket isu kinunana, Isu ni Elias a Tisbita.

Ester 1:11

Tapno iyegda ni reina Vasti a sibabalangat iti naarian a balangat iti sangoanan ti ari, tapno iparangna cadagiti tattao ken pangpangoloen ti kinaimnasna; ta isu naimnas idi ti buyana.

Ester 1:3

Iti maicatlo a tawen ti panagarina, inaramidna ti maysa a rambac a maipaay cadagiti amin a pangpangoloenna ken ad-adipenna; ti pannacabalin ti Persia ken Media, dagiti natacneng ken pangpangoloen dagiti provprovincia, nga addada idi iti sangona;

Ester 4:2

Ket immay met laeng iti sangoanan ti ruangan it ari: ta awan ti macabalin a sumrec iti uneg ti ruangan ti ari a nagcawes iti lupot a nakersang.

Ester 5:1

Naaramid iti maicatlo nga aldaw, a ni Ester nagkawes ti naarian a pagan-anay, ket nagtacder idiay naununeg a paraangan ti balay ti ari, iti sangoanan ti balay ti ari: ket nagtugaw ti ari iti tronona a naarian idiay balay a naarian, iti sangoanan ti pagsercan ti balay.

Ester 8:15

Ket rimmuar ni Mardokeo a naggapu iti saclang ti ari agraman naarian a pagan-anay nga azul ken puraw, ken agraman maysa a dackel a balangat a balitoc, ken agraman maysa a lambon a nalapat a lienzo ken purpura: ket nagdir-i ken nagragsac ti ili a Susan.

Isaias 59:17

Ket incawesna ti kinalinteg a cas maysa a cabal, ken maysa a cabal ti pannacaisalacan iti rabaw ti olona; ket nagcawes iti ibabales a pannacapagananayna, ket naabbongan iti regta a cas maysa a cagay.

San Mateo 11:8

Ngem ania ti rinuaranyo a kinita? Maysa a tao a nacawesan ti nalibnos a pagan-anay? Adtoy, dagiti agcawcawes cadagiti nalibnos a pagan-anay addada cadagiti balbalay dagiti ar-ari.

San Mateo 3:4

Ket ni Juan met laeng adda pagananayna idi a dutdot ti camello, ken maysa a barikes a lalat a nailicmut iti siketna ket ti taraonna idi dagiti dudon ken diro.

San Mateo 6:29

Ngem cunac cadacayo, nga uray pay ni Salomon agraman ti isu-amin a kinadayagna, saan a nacawesan a cas iti maysa cadacuada.

San Lucas 16:19

Adda idi maysa a tao a nabacnang ket nagpagpagananay ti purpura ken lupot a napateg, ket mangan a sibubuslon iti inaldaw:

San Lucas 7:24

Ket idi pimmanawdan dagiti imbaon ni Juan, nangrugi a nagsao cadagiti adu a tao iti maipapan ken Juan: Ania ti rinuaranyo a kinita idiay let-ang? Maysa a rono a ginargaraw ti angin?

San Lucas 7:26

Ngem ania ti rinuaranyo a kinita? Maysa a mammadto? Wen, cunac cadacayo, ket nangnangrona pay ngem maysa a mammadto.