San Lucas 7:22 - Ti Biblia (1973)

²² Ket simmungbat ni Jesus ket kinunana cadacuada: Incayo, ket saritaenyo ken Juan dagiti banbanag a nakita ken nangngegyo: a dagiti bulsec macakitada, dagiti pilay magnada, dagiti agcucutel nadalusanda, ket dagiti tuleng macangngegda, dagiti natay nagungarda, ket cadagiti napanglaw naicascasaba cadacuada ti naimbag a damag.

Ti Baro a Naimbag a Damag Biblia

²² Kinuna ni Jesus kadagiti imbaon ni Juan, “Agsublikayo ken ni Juan ket ibagayo kenkuana dagiti nakita ken nangngegyo: makakita dagiti bulsek, makapagna dagiti pilay, mapaimbag dagiti agkukutel, makangngeg dagiti tuleng, mapagungar dagiti natay ken maikaskasaba ti Naimbag a Damag kadagiti napanglaw.

San Lucas 7:22 Iomraidhean Croise

Ti Libro ni Job 29:15

Siac idi dagiti mata iti bulsec, ken siac idi dagiti saca iti pilay.

Dagiti Salmo 146:8

Ni Jehova luc-atanna dagiti mata dagiti bulsec; ni Jehova batakenna dagiti maparucob; ni Jehova ayatenna dagiti sililinteg;

Isaias 42:16

Ken yegconto ti bulsec iti maysa a dalan a dida ammo: cadagiti dandana a dida ammo ti pangidalanacto cadacuada; ti sipnget aramidecto a lawag iti sangoananda, ken palintegec ti nakillo a disso. Dagitoy a banbanag aramidecto, ken diacto ida baybay-an.

Isaias 43:8

Iparangmo dagiti bulsec a tattao nga adda matada, dagiti tuleng nga adda lapayagda.

Jeremias 31:8

Adtoy, siac iyegconto ida manipud iti daga iti amianan, ket urnongecto ida manipud cadagiti caadayuan a paspaset ti daga, ket maicuyog cadacuada ti bulsec ken ti pilay, ti babai a masicug ken castamet daydiay nga agpasical nga agipasngay: agsublidanto ditoy a dackel a bunggoy.

Sofonias 3:12

Ngem tiddaecto iti tengngam ti maysa a naparigat ken napanglaw nga ili ket isuda agcamangdanto iti nagan ni Jehova.

San Mateo 11:5

Dagiti bulsec macakitada ket dagiti pilay magnada: dagiti agcucutel madalusanda, ket dagiti tuleng macangngegda; dagiti natay mapagungarda, ket dagiti napanglaw macascasabaanda iti naimbag a damag.

San Mateo 21:14

Ket napanda kencuana dagiti bulbulsec ken pilpilay idiay Templo; ket pinaimbagna ida.

San Lucas 4:18

Ti Espiritu ti Apo adda caniac: ta pinulutannac a mangted cadagiti naimbag a damag cadagiti napanglaw; imbaonnac a mangipacaammo ti pannacaluc-at cadagiti nacayawan, ken ti pannacakita dagiti bulsec; tapno luc-atac dagiti maparparigat;

San Lucas 7:21

Iti daydi nga horas inagasanna dagiti adu cadagiti sacsakit ken an-annayen, ken cadagiti espiritu a dakes: ket iniccanna ti pannacakita dagiti adu a bulsec.

San Lucas 7:23

Ket nagasat ti siasinoman a dinto macasarac caniac ti pacaitibcolan.

San Juan 1:46

Ket kinuna kencuana ni Natanel; Mabalin aya nga agtaud idiay Nazaret ti aniaman a banag a naimbag? Cuna kencuana ni Felipe: Umayca ket kitaem.

Dagiti Aramid 26:18

Tapno lucatam dagiti matada, tapno manipud cadagiti sipnget agsublida iti lawag, ket manipud iti pannacabalin ni Satanas agsublida iti Dios; tapno awatenda ti pannacaiccat dagiti basbasol, ken pannakipagtawid cadagiti mapagsanto gapu iti pammati caniac.

Dagiti Aramid 8:7

Ta cadagiti adu nga addaan espiritu a narugit, rimmuarda nga nagririaw ti napigsa: ket adu dagiti saan a macagunay ken pilay a naagasan.

Santiago 2:5

Dumngegcayo, ay-ayatec a cacabsatco; saan aya a pinili ti Dios dagiti napanglaw no maipapan itoy lubong, a maipaay iti kinabacnang iti pammati, ken agtawid iti pagarian nga incarina cadagiti agayat kencuana?