San Lucas 7:14 - Ti Biblia (1973)

¹⁴ Ket immasideg ket sinagidna ti lungon; ket dagiti nagawit nagsardengda. Ket cunana: Baro, cunac kenca, Bumangonca.

Ti Baro a Naimbag a Damag Biblia

¹⁴ Immasideg ni Jesus ket sinagidna ti lungon. Nagsardeng dagiti mangbakbaklay iti lungon. Kinuna ni Jesus, “Barok, bumangonka!”

San Lucas 7:14 Iomraidhean Croise

1 Ar-ari 17:21

Ket isu immunnat iti rabaw ti ubing iti namitlo a daras, ket immasug ken Jehova, ket kinunana, O Jehova a Diosco, agdawatac kenca, nga ipalubosmo a ti cararua daytoy nga ubing umay coma manen kencuana.

1 Ar-ari 17:22

Ket ni Jehova impangagna ti timec ni Elias; ket ti cararua ti ubing simrec manen kencuana, ket isu nagungar.

Ti Libro ni Job 14:12

Casta ti panagpasag ti tao ket saanen a bumangon: agpapan agawanen dagiti langlangit, didanto agriing, didanto mariing iti turogda.

Ti Libro ni Job 14:14

No matay ti tao, agbiagto aya manen? Amin nga aldaw ti pannakigubatco, agurayac coma, agingga a ti pannacawayawayac dumteng,

Dagiti Salmo 33:9

Ta nagsao, ket natungpalen; nagbilin, ket napatibkeran.

Isaias 26:19

Dagiti minataymo agbiagdanto; dagiti bancay a cucuac bumangondanto. Agriingcayo ken agcantacayo, dacayo nga agnaed iti tapoc; ta ti linnaawmo cas la iti linnaaw dagiti natnateng, ket ti daga iruarnanto dagiti natnatay.

San Marcos 5:41

Ket idi nga inigganana iti ima ti ubing kinunana: Talitha cumi; a no mayulog, cayatna a saoen; Balasang, tumacderca.

San Lucas 7:13

Ket idi nakita ti Apo nakipagricna ket kinunana kencuana: Dica agsangit.

San Lucas 7:15

Ket bimmangon daydi natay ket nangrugi a nagsao. Ket inyawatna ken inana.

San Lucas 7:17

Ket nagracurac daytoy a damagna iti isu-amin a Judea, ken iti pay met amin a daga a cabangibang.

San Juan 11:25

Cuna kencuana ni Jesus: Siac ti panagungar ken ti biag: ti mamati caniac, uray no matay, agbiagto pay.

San Juan 5:21

Ta cas ti Ama pagungarenna dagiti natay ket iccanna ida ti biag, casta met ti Anac iccanna ti biag dagiti cayatna.

San Juan 5:25

Pudno, pudno, cunac cadacayo. Umay ti horas, ket adda itan, a dagiti natay mangngegdanto ti timec ti Anac ti Dios; ket dagiti agdengngeg, agbiagdanto.

Taga-Roma 4:17

(Cas adda a naisurat: Insaadca nga ama dagiti adu a pagpagarian nacion) iti imatang ti Dios a pinatina a mangpabiag cadagiti natay ket ibilangna dagiti banbanag nga awan pay, a cas la addadan.

Taga-Efeso 5:12

Ta dagiti banbanag nga aramidenda iti nalemmeng, nacababainda uray saritaen laeng ida.