San Lucas 6:7 - Ti Biblia (1973)

⁷ Ket isu palpaliiwen dagiti escriba ken dagiti Fariseo no mangagas iti aldaw a panaginana, tapno macasaracda ti pangipulonganda kencuana.

Ti Baro a Naimbag a Damag Biblia

⁷ Palpaliiwen ti sumagmamano a mamaestro iti Linteg, kasta met dagiti Fariseo, no mangagas ni Jesus iti Aldaw a Panaginana tapno adda panggapuanda a mangidarum kenkuana.

San Lucas 6:7 Iomraidhean Croise

Dagiti Salmo 38:12

Dagiti met mangsibsibloc itoy biagco, agipacatda cadagiti sil-silo caniac; ken dagiti agbirbiroc iti pacadangrarac agsaoda cadagiti agcacaranggas, ket agpanpanunotda nga agmalmalem cadagiti sinicicap.

Isaias 29:21

Dagiti mangpabasol iti maysa a tao iti maysa laeng a sao, ken mangipacat iti silo daydiay a mangtubngar idiay ruangan, ken killoenna ti nalinteg iti maysa a banag nga ubbaw.

Jeremias 20:10

Ta nangngegco ti panangumsi ti adu, ti pagbutngan iti tunggal sikigan. Agdarum cunada, ket isu idarumminto, cuna dagiti amin a caingongotco a gagayyem, isuda nga agururay iti pannacatuangco; nalabit isu mauyotanto, ket agbal-ligitayto a maibusor kencuana, ket datayo macabalestayto kencuana.

San Mateo 5:39

Ngem siac cunac cadacayo: Dicay sarangten ti dakes; no di ket ti uray siasino a tumungpa iti pingpingmo a macanawan, iparangmo pay kencuana ti bangir.

San Marcos 3:2

Ket isu sisiimenda, no paimbagenna iti aldaw a panaginana; tapno maipulongda.

San Lucas 13:14

Ket idi simmungbat ti panguloen ti sinagoga, a sipupungtot agsipud ta nangagas ni Jesus iti aldaw a panaginana, kinunana cadagiti umili; Adda innem nga aldaw a rebbeng ti agtrabajo: cadagitoy ngarud umaycayo ket agpaagascayo, ket saan nga iti aldaw a panaginana.

San Lucas 20:20

Ket isu sinisiimda, ket nangibaonda cadagiti agsisiim nga aginlalaing tapno matiliwda cadagiti saona ket tapno mayawatda iti pagturayan ken pannacabalin ti gobernador.

San Juan 9:16

Dadduma ngarud cadagiti Fariseo kinunada: Daytoy a tao saan a naggapu iti Dios, ta saanna a ngilinen ti aldaw a panaginana. Ngem dagiti sabsabali kinunada: Casano ti pannacabalin ti maysa a tao a managbasol a mangaramid cadagiti cacasta a pagilasinan? Ket adda panagsusupadi cadacuada.