San Lucas 6:43 - Ti Biblia (1973)

⁴³ Ta awan ti nasayaat a cayo a mangted ti bunga a dakes ket awan met ti cayo a dakes a mangted ti bunga a nasayaat.

Ti Baro a Naimbag a Damag Biblia

⁴³ “Saan nga agbunga ti nasayaat a kayo iti dakes. Saan met nga agbunga ti dakes a kayo iti nasayaat.

San Lucas 6:43 Iomraidhean Croise

Isaias 5:4

Ania aya ti nabalin a naaramid pay coma iti cauvasac, a diac inaramid kencuana? ania ti gapuna, nga idi nga ur-urayec a mangpataud coma cadagiti uvas, isu namataud cadagiti uvas nga atap?

Isaias 61:3

A mangipaay cadagidiay nga agdung-aw idiay Sion, a mangted cadacuada iti balangat iti lugar ti dapu, ti lana ti rag-o iti lugar ti dung-aw, ti pagan-anay ti dayaw iti lugar ti espiritu ti ladingit; tapno managananda coma caycayo ti kinalinteg, ti panagmulmula ni Jehova, tapno madaydayaw coma.

Jeremias 2:21

Nupay casta immulac kenca ti natan-oc nga uvas, pulos a naimbag a bukel: casano ngarud ti panagbalinmo a dakes a sangsanga ti uvas a gangannaet caniac?

San Mateo 12:33

Uray aramidenyo ti cayo a nasayaat, ket ti bungana nasayaat; wenno aramidenyo iti cayo a dakes, ket ti bungana dakes; ta gapu iti bungana mailasin ti cayo.

San Mateo 3:10

Ket itan ti wasay naicabilen iti ramut dagiti caycayo tunggal cayo ngarud a di mangted ti nasayaat a bunga, mapucan ket maisungrod iti apuy.

San Lucas 6:42

Wenno casano ti pannacabalinmo nga agcuna ken cabsatmo: Cabsat, palubosannac a mangiccat ti puling nga adda dita matam, idinto a sica dica makita ti pasanggir nga adda ita matam? Managinsisingpet, iccatem pay nga umuna dita matam ti pasanggir ket iti casta makitamto a nalawag ti pannangiccat ti puling nga adda iti mata ni cabsatmo.