San Lucas 6:23 - Ti Biblia (1973)

²³ Agrag-ocayo iti dayta nga aldaw ket aglagtocayo iti ragsac: ta adtoy, ti gonggonayo dackelto sadi langit: ta casta met laeng ti inaramid dagidi ammada cadagiti mammadto,

Ti Baro a Naimbag a Damag Biblia

²³ Agragsakkayo no mapasamak ti kasta ket aglagtokayo iti rag-o, ta adda dakkel a gunggonayo sadi langit. Kasta met ti inaramid dagiti kapuonanda kadagiti profeta.

San Lucas 6:23 Iomraidhean Croise

2 Samuel 6:16

Ket idi a casta, idi a ti lacasa ni Jehova immay iti ili ni David, a ni Micol nga anac a babai ni Saul kimmita nanipud iti tawa, ket nakitana ni ari David nga aglaglagto ken agsalsala iti sango ni Jehova: ket isu inuyawna iti pusona.

1 Ar-ari 18:4

Ta casta idi, idi a ni Jezabel iniccatna dagiti mammadto ni Jehova, a ni Abdias nangala cadagiti sangagasut a mammadto, ket inlemmengna a saglilimapulo iti maysa nga rukib, ket tinaraonanna ida iti tinapay ken danum.)

1 Ar-ari 19:10

Ket isu kinunana, Siac naimonac unay idi a maipaay ken Jehova, ti Dios dagiti buybuyot; ta dagiti annac ti Israel inidianda ti tulagmo, rinebbada dagiti altarmo, ket pinatayda dagiti mammadtom iti campilan: ket siac, sisiac laeng, ti natda; ket isuda sapsapulenda ti biagco, tapno iccatenda.

1 Ar-ari 19:14

Ket isu kinunana, Siac naimonac unay a maipaay ken Jehova, ti Dios dagiti buybuyot; ta dagiti annac ti Israel inidianda ti tulagmo, rinebbada dagiti altarmo, ken pinatayda dagiti mammadtom iti campilan: ket siac, sisiac laeng, ti natda; ket isuda sapsapulenda ti biagco, tapno iccatenda.

1 Ar-ari 19:2

Idi casta ni Jezabel nagbaon ti maysa a babaonen ken Elias, a kinunana, Casta ti aramiden dagiti didios caniac, ken adadda pay, no diac aramiden ti biagmo a cas iti biag ti maysa cadacuada agingga iti bigat iti daytoy a tiempo.

1 Ar-ari 21:20

Ket ni Acab kinunana ken Elias, Sinaracnac, O cabusorco? Ket isu simmungbat, Siac sinaracca, ta sica inlacom ti bagim met laeng tapno aramidem daydiay a dakes iti imatang ni Jehova.

1 Ar-ari 22:27

Ket cunam, Castoy ti cuna ti ari, Icabilmo daytoy a tao iti pagbaludan, ket isu pacanem iti tinapay ti pammarigat ken danum iti pammarigat, agpapan yaayco a sitatalna.

1 Ar-ari 22:8

Ket ti ari ti Israel kinunana ken Josafat, Adda pay maysa a lalaki isu a pakiumanantayo ken Jehova, ni Miceas nga anac ni Imla; ngem isu ti cagurgurac; ta isu saan a mangipadto ti naimbag a maipaay caniac, no di laeng dakes. Ket ni Josafat kinunana, Di coma saoen ti ari ti casta.

2 Ar-ari 6:31

Idin isu kinunana, Ti Dios aramidenna iti casta caniac, ken ad-adda pay met, no ti olo ni Eliseo nga anac ni Safat agtacderto kencuana iti daytoy nga aldaw.

2 Cronicas 36:16

Ngem isuda rinabrabacda dagiti binaon ti Dios, ket inumsida dagiti saona, ket inuyawda dagiti mammadtona, agingga iti simged ti pungtot ni Jehova a maibusor iti ilina inggana iti awanen idi ti pamuspusan.

Nehemias 9:26

Nupay casta nasungitda, ken simmukirda a maicaniwas kenca, ket impalladawda iti licudanda ti lintegmo, ket pinatayda dagiti mammadtom a nangsacsi iti maibusor cadacuada tapno isublida coma ida manen kenca, ket inaramidda dagiti dadackel a pananggargari.

Dagiti Salmo 58:11

Tapno iti casta dagiti tattao cunaendanto, pudno nga adda gunguna cadagiti nalinteg: pudno nga adda Dios a mangocom ditoy daga.

Isaias 35:6

Iti casta aglagtonto ti pilay a cas maysa nga ugsa, ken ti dila ti umel agcantanto; ta iti let-ang pumsuacto dagiti dandanum, ken barbaresbes iti tay-ac a langalang.

Jeremias 2:30

Awan capapayan ti panangdusac cadagiti annacyo; saanda nga inawat ti panangtubngar, ti igamyo met laeng inalun-unna dagiti mammadtoyo a cas maysa a leon a naranggas.

Malakias 4:1

Ta, adtoy, ti aldaw umay, manguram a cas la horno; ket amin dagiti natangsit, ken amin dagiti agaramid iti dakes, pungetdanto; ket ti aldaw nga umay uramennanto ida, cuna ni Jehova dagiti buybuyot, a dinto mangitidda cadacuada uray ramut uray sanga.

San Mateo 5:12

Agragsaccayo ken agrag-ocayo la unay; ta ti gonggonayo dackel sadi langit: ta casta met ti panangidadanesda cadagidi mammadto a nagbiag nga immununa ngem dacayo.

San Lucas 1:41

Ket ni Elisabet idi nangngegna ti cablaaw ni Maria, limmagto ti ubing iti tianna; ket ni Elisabet napno ti Espiritu Santo;

San Lucas 1:44

Ta adtoy, nga apaman a ti timec ti cablaawmo dimteng cadagiti lapayagco, ti ubing limmagto iti ragsac itoy tianco.

San Lucas 6:35

Ngem ayatenyo dagiti cabusoryo; ket agaramidcay ti naimbag, ket agpabulodcayo a di mangnamnama a pulos ket dackelto ti gonggonayo, ket annacnacayonto ti Cangatoan: ta isu manangngaasi uray pay cadagiti managinlilipat ken managdacdakes.

Dagiti Aramid 14:10

Kinunana a nagpuccaw: Tumacderca nga aglinteg dagiti sacsacam. Ket limmagto ket nagna.

Dagiti Aramid 3:8

Ket idi a limmagto, nagtacder ket rinugianna ti nagna, ket simrec iti templo a nakicuyog cadacuada a magmagna, ken lumaglagto ken daydayawenna ti Dios.

Dagiti Aramid 5:41

Isuda ngarud pimmanawda a siraragsac, iti sangoanan ti consejo agsipud ta naibilangda a maicari a nagsagaba ti nacababain gapu iti Nagan ni Jesus.

Taga-Roma 5:3

Ket saan laeng a daytoy; no di ket agrag-otayo met cadagiti rigrigattayo nga ammotayo a ti rigat pataudenna ti anus:

2 Taga-Corinto 12:10

Gapuna mapnecac cadagiti kinacapuy, cadagiti pannacauy-uyaw, cadagiti pacasapsapulan, pannacaidadanes, cadagiti rigrigat gapu ken Cristo: ta inton nacapuyac, isu ti capigsa.

Taga-Colosas 1:24

Ita agragragsacac cadagiti sagabaec gapu cadacayo, ket tultuluyec ti biangco babaen ti lasagco ti agcurang pay cadagiti sinagaba ni Cristo, gapu iti bagina, nga isu ti Iglesia;

2 Timoteo 2:12

No macaituredtayo, agaritayto met a mairanud kencuana; no isu paglicudantayo, paglicudannatayto met:

Hebreo 11:26

A pinagarupna a dacdackel a kinabacnang ti pannacaumsi ken Cristo, ngem dagiti kinabacnang ti Egipto; ta kitkitaenna idi ti gunguna.

Hebreo 11:6

Ngem no awan ti pammati, saan a mabalin nga ay-aywen ta masapul a ti umadani iti Dios, patienna coma nga adda ket gungunaanna dagiti mangsapul kencuana.

Santiago 1:2

Ibilangyo, cacabsatco, a rag-o amin, no aglacamcayo cadagiti nadumaduma a pacasuutan:

1 Pedro 4:13

No di ket agragsaccayo, gapu ta mairamancayo cadagiti panagsagaba ni Cristo; tapno iti pannacaiparangarang ti dayagna, agrag-o cayo met iti rag-o a nagdanunan.

Paltiing 2:17

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi, isu ti pangtedacto iti mana a nailemmeng. Ket itdecto kencuana ti maysa a bato a puraw, ket maibutac iti bato ti maysa a nagan a baro, nga awan ti macaammo uray siasino, no di laeng daydiay umawat kencuana.

Paltiing 2:26

Ket ti agbal-ligi ken mangsalimetmet cadagiti aramidco agingga iti panungpalan, itdecto kencuana iti panagturay cadagiti pagpagarian:

Paltiing 2:7

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi isu ti pacanecto iti cayo ti biag, nga adda iti Paraiso ti Dios.

Paltiing 21:7

Ti agbal-liginto, tawidennanto dagitoy a banbanag ket siacto ti Diosna, ket isunto ti anacco.

Paltiing 3:12

Daydiay agbal-ligi aramidento nga isu ti maysa nga adigi iti templo ti Diosco, ket saanto a rummuaren sadiay; ket isuratconto kencuana ti nagan ti Diosco, ken ti nagan ti ciudad ti Diosco, ti baro a Jerusalem, isu a bumaba manipud langit, nga aggapu iti Diosco: ket isuratconto met kencuana ti baro a naganco.

Paltiing 3:5

Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.