San Lucas 6:21 - Ti Biblia (1973)

²¹ Nagasatcayo a mabisbisinan ita ta mapneccayto. Nagasatcayo nga agsangsangit ita; ta agragragsaccayto.

Ti Baro a Naimbag a Damag Biblia

²¹ “Nagasatkayo, dakayo a mabisin ita, ta mapnekkayto! “Nagasatkayo, dakayo nga agsangit ita, ta agkatawakayto!

San Lucas 6:21 Iomraidhean Croise

Genesis 17:17

Idin ni Abraham nagpacleb ket nagcatawa, ket kinunana iti pusona, Ti lalaki nga sangagasut dagiti tawenna macayanacto iti maysa nga anac? Ket ni Sara, nga siam a pulo dagiti tawenna aganacto?

Genesis 21:6

Ket ni Sara kinunana, Pinagcatawanac ti Dios; ket amin a macangngeg makipagcatawadanto caniac,

Dagiti Salmo 107:9

Ta pennekenna ti gumawgawawa a cararwa, ket ti sibibisin a cararwa punnoenna iti imbag.

Dagiti Salmo 119:136

Burayoc ti danum agayusda cadagitoy matac, gapu ta dida annuroten ti lintegmo. TSADHE

Dagiti Salmo 143:6

Itay-ac dagiti daculapco kenca: toy cararwac mawaw kenca, a cas naticag a daga. (Selah)

Dagiti Salmo 17:15

Ngem no caniac, imatangacto ta rupam iti naincalintegan; mapnecacto, no agriingac, nga agbuybuya ita langam.

Dagiti Salmo 28:7

Ni Jehova isu ti bileg ken calasagco, ti pusoc nagtalec kencuana, ket naarayatac: anansata toy pusoc agragsac unay; ket iti cantac idaydayawconto.

Dagiti Salmo 65:4

Nagasat ti tao a piliem, ket paasitgem kenca, tapno macapagtaeng cadagiti paraanganmo: mapneccamto iti kinaimbag ti balaymo, ti nasantoan a templom.

Isaias 25:6

Ket iti daytoy a bantay ni Jehova dagiti buybuyot agaramidto cadagiti amin nga inilin-ili iti maysa a rambac dagiti nalucmeg a banag, maysa a rambac dagiti ar-arac iti rabaw dagiti aributed, dagiti nalucmeg a banag a napno iti pata, dagiti arac a nadalusan a naimbag cadagiti aributed.

Isaias 30:19

Ta dagiti umili agtaengdanto idiay Sion sadi Jerusalem; dicanto agsangiten; dinto bumurong a mangngaasi kenca gapu iti timec ti panangawagmo; intono mangngegna, sungbatannacanto.

Isaias 66:10

Makipagrag-ocayo iti Jerusalem, ket agragsaccayo iti maipaay kencuana, dacayo amin nga agayat kencuana: Makipagrag-ocayo kencuana a gapu iti ragsac, dacayo amin nga agdung-aw iti maipapan kencuana;

Jeremias 13:17

Ngem no isu dicay denggen, ti cararuac agsangitto a sililimed gapu iti kinatangsityo; ket ti matac agsangitto iti nasaem, ken pagayusanto dagiti lulua, ta ti pangen ni Jehova nacayawan.

Jeremias 31:25

Ta pinenneccon ti nautoyan a cararua, ket ti tunggal naladingit a cararua pinunnoc manen.

Jeremias 31:9

Isuda umaydanto nga agsangsangit, ket babaen ti panagpacaasi siac idalanconto ida: papagnaecto ida iti sibay dagiti carcarayan ti danum, iti nalinteg a dalan a didanto pacaitibcolan: ta siac ti ama ti Israel, ket ni Efraim ti inauna nga anacco.

Jeremias 9:1

O no ti oloc dandanum coma, ket dagiti matac ubbog ti lulua, tapno mabalinco coma ti agsangit iti aldaw ken rabii gapu iti pannacapapatay ti anac a babai ti ilic.

Ezekiel 7:16

Ngem dagidiay macatalaw agtalawdanto, ket agyandanto iti rabaw dagiti bantay cas la cadagiti calapati cadagiti lobong, isuda amin agsainnecda, tunggal maysa iti kinadakesda.

Ezekiel 9:4

Ket ni Jehova kinunana kencuana, Lumabasca iti tengnga ti ili, iti nagtengngaan ti Jerusalem, ket iccam ti tanda ti muging dagiti lallaki nga agsaibbec ken agsangit gapu cadagiti amin a kinarimon a maar-aramid iti nagtengngaanna.

San Mateo 5:4

Nagasat dagiti agladingit; ta maliuliwadanto.

San Mateo 5:6

Nagasat dagiti mabisin ken mawaw iti kinalinteg; ta mapnecdanto.

San Lucas 1:53

Dagiti mabisbisinan pinennecna ida cadagiti naimbag a sagsagut, Ket dagiti nabacnang pinapanawna ida nga onga-ong;

San Lucas 6:20

Ket isu intannawagna dagiti matana cadagiti adalanna, ket kinunana: Nagasatcayo a napanglaw, ta cucuayo ti pagarian ti Dios.

San Lucas 6:22

Nagasatcayo inton guraendacayto dagiti tattao, ken inton pagtalawendacayto cadacuada, ket pagsasaoandacayo ket umsienda ti naganyo a cas la dakes gapu itoy Anak ti tao.

San Lucas 6:25

Asicay pay a sipepennec ita! ta agbisincayonto. Asicay pay nga agcatcatawa ita! ta agdung-aw ken agsangitcayto.

San Juan 11:35

Nagsangit ni Jesus.

San Juan 4:10

Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.

San Juan 6:35

Ni Jesus kinunana cadacuada; Siac ti tinapay ti biag: ti umay caniac, saanto nga agbisin; ket ti mamati caniac, uray caano saanto a mawaw.

1 Taga-Corinto 4:11

Agingga itoy horas nga agdama, mabisincami, ken mawawcami, ket addacam a lamolamo, ken matungtungpacami, ket awan ti masnup a balaymi;

2 Taga-Corinto 11:27

Iti bannog ken rigrigat, cadagiti puypuyat namin-adu, iti bisin ken waw, iti saan a panpannangan namin-adu, iti lam-ec ken iti kinalamolamo.

2 Taga-Corinto 12:10

Gapuna mapnecac cadagiti kinacapuy, cadagiti pannacauy-uyaw, cadagiti pacasapsapulan, pannacaidadanes, cadagiti rigrigat gapu ken Cristo: ta inton nacapuyac, isu ti capigsa.

2 Taga-Corinto 6:10

Cas la naladingit, ngem agnanayon a siraragsac; cacas la napanglaw, ngem pabacnangenmi dagiti adu; a cas la awanancami ti uray ania, ngem cupicupanmi dagiti isu-amin a banbanag.

Santiago 1:12

Nagasat ti tao a macaitured iti pannacasulisog; ta inton masuuten, awatennanto ti balangat ti biag, nga incari ti Apo cadagiti agayat kencuana.

Paltiing 21:3

Ket nangngegco ti maysa a dackel a timec a naggapu iti trono nga agcuncuna: Adtoy ti tabernaculo ti Dios adda cadagiti tattao, ket isu makipagnaedto cadacuada, ket isudanto dagiti tattaona, ket ti Dios met laeng addanto cadacuada, a Dios da:

Paltiing 7:16

Didanto agbisinen wenno mawawen; ket didanto met mainitanen wenno aniaman a pudot: