San Lucas 6:19 - Ti Biblia (1973)

¹⁹ Ket amin dagiti umariwecwec a tattao inagawaanda a sagiden: ta rumuar kencuana ti pannacabalin, ket pinaimbagna amin ida.

Ti Baro a Naimbag a Damag Biblia

¹⁹ Kayat ti tunggal maysa a sagiden ni Jesus, ta adda aggapu kenkuana a pannakabalin a mangpaimbag kadakuada amin.

San Lucas 6:19 Iomraidhean Croise

2 Ar-ari 13:21

Ket naaramid idi nga itabtabonda ti maysa a tao, nga, adtoy, a nasiimda ti maysa a buyot; ket intappuacda di tao idi tanem ni Eliseo: ket apaman a daydi tao nasagidna dagiti tultulang ni Eliseo, isu nagungar, ket timmacder cadagiti sacsacana.

San Mateo 14:36

Ket dinawatda kencuana a masaggidda coma laeng ti uray pingir di cagayna; ket isu-amin dagidi nangsagid, napaimbagda.

San Marcos 3:10

Ta pinaimbagna dagiti adu, gapuna nagdadarisonda kencuana, tapno isu sagiden dagidi amin nga addaan sacsakit.

San Marcos 5:30

Ket dagus a ni Jesus, idi nadlawna ti gundaway a nagsayasay kencuana, sinangona dagiti adu a tattao ket kinunana: Siasino ti nangsagid cadagiti pagananayco?

San Marcos 6:56

Ket uray sadino a sercanna, cadagiti purpuroc wenno cadagiti ilili wenno cadagiti awaway icabilda idi dagiti masacsakit cadagiti calcalsada, ket carcararaganda tapno ipalubosna cadacuada a sagiden uray laeng ti pingir ti pagananayna: ket dagup dagiti simmagid kencuana, naagasanda.

San Marcos 8:22

Idi a dimtengda idiay Betsaida; iyegda kencuana ti maysa a bulsec a tao ket dawatenda kencuana nga isu sagidenna coma.

San Lucas 5:17

Ket napasamac iti maysa cadagidi nga aldaw nga isu adda a manursuro, ket dagiti Fariseo ken mamasirib iti linteg addada nga agtutugaw, isuda a naggapu iti isu-amin a puroc ti Galilea, ken ti Judea ken Jerusalem: ket ti pannacabalin ti Apo adda kencuana tapno mangagas.

San Lucas 6:18

Ken dagiti pinarparigat dagiti espiritu a narugit, naagasanda.

Dagiti Aramid 19:12

Iti casta nga iti laeng panangipanda cadagiti pano wenno bidang a naggapu iti bagina cadagiti masakit, agpucaw cadacuada dagiti sacsakit ket dagiti dakes nga espiritu rumuarda.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna: