San Lucas 6:13 - Ti Biblia (1973)

¹³ Ket idi bimmigaten inayabanna dagiti adalanna ket pimmili ti sangapulo ket dua cadacuada, isuda a ninaganna met ti apostoles:

Ti Baro a Naimbag a Damag Biblia

¹³ Kabigatanna, inayabanna dagiti adalanna ket pimmili iti sangapulo ket dua kadakuada a dinutokanna nga apostoles:

San Lucas 6:13 Iomraidhean Croise

San Mateo 10:2

Ket dagiti nagan dagiti sangapulo ket dua nga apostol isu dagitoy: ti umuna, Simon, isu a managan Pedro, ken ni Andres a cabsatna; ni Santiago, anac ni Zebedeo, ken ni Juan a cabsatna;

San Mateo 19:28

Ket ni Jesus kinunana cadacuada: Pudno cunac cadacayo, dacayo a simmurot caniac, intono baro a pannacaparsua, intono ti Anac ti tao agtugawto iti trono ti gloriana, agtugawcayto met cadagiti sangapulo ket dua a trono a mangocom cadagiti sangapulo ket dua a tribu ti Israel.

San Mateo 9:36

Ket idi nakitana dagiti adu unay a tattao, simnec ti asina cadacuada; gapu ta nalidayda ken nawarawarada a casda la carcarnero nga awan ti pastorda.

San Marcos 6:30

Ket dagiti apostol nakiurnongda ken Jesus, ket nangtedda ti damag kencuana; iti dagup ti isu-amin nga inaramidda, ken ti insursuroda.

San Marcos 6:7

Ket inayabanna dagiti sangapulo ket dua, ket rinugianna ida nga imbaon a sagdudua: ket iniccanna ida ti pannacabalin cadagiti espiritu a narugit,

San Lucas 11:49

Gapuna, ti kinasirib ti Dios kinunana met: Ibaonconto cadacuada dagiti mammadto ken apostol; ket adunto cadagitoy ti patayenda ken idadanesda;

San Lucas 22:30

Tapno macapangan ken macainumcayo iti panganac iti pagariac; ket agtugawcayto cadagiti trono a mangocom cadagiti sangapulo ket dua a tribu ti Israel.

San Lucas 6:14

Nga isuda: da Simon, a ninaganna ti Pedro, ken ni Andres a cabsatna, ken ni Santiago ken ni Juan ken ni Felipe ken ni Bartolome.

San Juan 4:33

Dagiti adalan ngarud kinunada iti maysa ken maysa: Adda ngata nangyeg kencuana ti macan?

Dagiti Aramid 1:13

Ket idi nacasrecda, immulida iti salas, isu a nagianan da Pedro ken Juan, ken Santiago, ken Andres, ni Felipe ken Tomas, ni Bartolome ken Mateo, ni Santiago nga anac ni Alfeo, ken ni Simon a Naregta ken ni Judas a cabsat ni Jacobo.

Taga-Efeso 2:20

A nabangon iti rabaw ti cimiento dagiti apostol ken dagiti mammadto, ket ni Cristo Jesus met laeng ti bato a nangnangrona ti iking;

Taga-Efeso 4:11

Ket dagiti dadduma incabilna nga apostol; ket dagiti dadduma mammadto; ket dagiti dadduma evangelistas; ket dagiti sabsabali, paspastor ken mannursuro;

Hebreo 3:1

Gapuna, cacabsat a sasanto, a mairaman iti pannacaawis a nailangitan, panpanunutenyo ti Apostol ken Cangatoan a Padi ti pammatitayo, nga isu ni Jesus;

2 Pedro 3:2

Tapno malagipyo coma dagidi sasao nga imbalicas idi dagidi sasanto a mammadto; ken daydi bilin ti Apo ken Manangisalacan babaen cadagiti apostolyo:

Paltiing 12:1

Ket maysa a dackel a pagilasinan nakita idiay langit: Maysa a babai a sicacawes iti init, ket ti bulan iti baba dagiti sacsacana ket iti olona maysa a balangat a sangapulo ket dua a bituen;

Paltiing 18:20

Agragragoca maipanggep kencuana, O, langit, ken dacayo a sasanto ken dacayo nga apostol ken dacayo a mammadto; ta ti Dios imbalesanna cayo kencuana.

Paltiing 21:14

Ket daydi bacud ti ciudad adda sangapulo ket dua a pamunganayanna ket cadacuada adda dagiti nagnagan dagiti sangapulo ket dua nga apostol ti Cordero.