San Lucas 5:34 - Ti Biblia (1973)

³⁴ Ket ni Jesus kinunana cadacuada: Mabalinyo a pagayunaren dagiti catulungan ti pagbodaan no ti novio adda pay la a maicuyog cadacuada?

Ti Baro a Naimbag a Damag Biblia

³⁴ Simmungbat ni Jesus: “Mabalin aya a di mangan dagiti makiboda no adda ti nobio iti arpadda? Saan a mabalin!

San Lucas 5:34 Iomraidhean Croise

Kanta ni Solomon 5:8

Pagsapataencayo, O annac a babbai ti Jerusalem, no masaracanyo ni ayayatec, nga ibagayo kencuana, a masakitac iti ayat.

Kanta ni Solomon 6:1

Sadino ti napanan ni ayayatem, O sica caimnasan unay cadagiti babbai? Sadino ti nagbawingan ni ayayatem, tapno cumuyogcami coma kenca a mangbiroc kencuana?

Isaias 54:5

Ta ti Nangaramid kenca isu ti asawam a lalaki; Jehova dagiti buybuyot ti naganna: ket ti Santo ti Israel isu ti Mannubbotmo; ti Dios ti sangalubongan ti pangnagananto kencuana.

Isaias 62:5

Ta cas ti agtutubo a lalaki mangasawa iti maysa a virgen, castanto ti panangasawa kenca dagiti annacmo a lallaki; ket cas ti novio agragrag-o iti novia, castanto ti panagrag-o ti Dios kenca.

Sofonias 3:17

Ni Jehova a Diosmo adda iti nagtengngaam, ti maingel a mangisalacanto; agrag-onto kenca a mabuyugan iti panagragragsac; aginananto iti ayatna; agragsacto kenca a mabuyugan iti panagcancanta.

San Mateo 22:2

Ti pagarian ti langit maipadis iti maysa nga ari, a rinambacanna ti boda ti anacna.

San Mateo 9:15

Ket ni Jesus kinunana cadacuada: Mabalin aya nga dagiti makiboda agpanesda no adda pay laeng cadacuada ti novio? Ngem umaydanto dagiti aldaw, a ti novio maiccatto cadacuada, ket iti casta agayunardanton.

San Lucas 5:33

Ket kinunada kencuana: Dagiti adalan ni Juan masansan nga agayunarda ken agcararagda, ket casta met dagiti adalan dagiti Fariseo, ngem dagiti adalam mangan ken uminumda.

San Lucas 5:35

Ngem dumtengto dagiti aldaw a maiccatto cadacuada ti novio; ket iti casta agayunardanto cadagidiay nga aldaw.

San Juan 3:29

Ti makinasawa iti novia, isu ti novio; ngem ti gayyem ti novio nga umimimatang ket mangngegna, agragrag-o unay gapu ti timec ti novio: Ngarud daytoy rag-oc nagdanunan.

2 Taga-Corinto 11:2

Ta agimunac gapu cadacayo iti nadiosan nga imun; ta intulagco nga iyasawacayo iti maymaysa a lalaki, tapno iparangcayo ken Cristo, a cas balasang a nadalus.