San Lucas 5:32 - Ti Biblia (1973)

³² Saanac nga immay nga agayab cadagiti nalinteg, no di ket cadagiti managbasol iti panagbabawi.

Ti Baro a Naimbag a Damag Biblia

³² Saanak nga immay tapno ayabak dagiti nalinteg ngem immayak agayab kadagiti managbasol ket iti kasta agbabawida.”

San Lucas 5:32 Iomraidhean Croise

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

San Mateo 18:10

Kitaenyo ta dicay umsien ti maysa cadagitoy babassit nga ubbing, ta cunac cadacayo a dagiti angelda sadi langit agnanayon a makitada ti langa ni Amac nga adda sadi langit.

San Mateo 9:13

Ngem incayo, ngarud, ket adalenyo no ania ti cayatna a saoen daytoy Asi ti calicagumac ket saan a daton; ta saanac nga immay nga agayab cadagiti nalinteg, no di ket cadagiti managbasol.

San Marcos 15:10

Ta ammona idi a gapu iti apal dagiti panguloen dagiti papadi isu inyawatda.

San Marcos 15:7

Ket adda idi ti maysa a managan ti Barrabas a sibabalud agraman cadagiti cacaduana nga immalsa isuda a nacapapatay iti panangriribucda.

San Marcos 2:17

Ket idi nangngeg ni Jesus daytoy cunana cadacuada: Dagiti sisasalunat awan ti pacasapulanda iti mangngagas, no di ket dagiti masacsakit; saanac nga immay nga agayab cadagiti nalinteg; no di ket cadagiti managbasol.

San Lucas 15:10

Casta met ti cunac cadacayo nga addanto ragsac iti sangoanan dagiti angel ti Dios gapu iti maysa a managbasol nga agbabawi.

San Lucas 15:7

Cunac cadacayo, a casta met nga adaddanto ragsac sadi langit gapu iti maysa a managbasol nga agbabawi, ngem cadagiti siam a pulo ket siam a nasingpet a dida masapul ti panagbabawi.

San Lucas 19:10

Ta toy Anac ti tao immay nga agsapul ken mangisalacan iti napucaw.

San Lucas 24:47

Ket maicascasaba ti naganna ti panagbabawi ken ti pannacasubbot dagiti basbasol cadagiti isu-amin a nacion, a mangrugi iti Jerusalem.

San Lucas 5:31

Ket simmungbat ni Jesus ket kinunana cadacuada: Dagiti sisasalun-at saanda a masapul ti mangngagas, no di ket dagiti masakit.

San Lucas 5:33

Ket kinunada kencuana: Dagiti adalan ni Juan masansan nga agayunarda ken agcararagda, ket casta met dagiti adalan dagiti Fariseo, ngem dagiti adalam mangan ken uminumda.

Dagiti Aramid 17:30

Dagiti ngarud tiempo ti kinacuneng, pinalabas ti Dios ida ngem ita ibilinna cadagiti amin a tao, cadagiti isu-amin a disso, nga agbabawida:

Dagiti Aramid 2:38

Ket ni Pedro kinunana cadacuada: Agbabawicayo, ken mabautizaran ti tunggal maysa cadacayo iti nagan ni Jesu-Cristo a maipaay iti pannacaiccat dagiti basbasolyo; ket awatenyonto ti parangcap ti Espiritu Santo.

Dagiti Aramid 20:21

A pinanecnecac cadagiti Judio ken cadagiti met Griego ti panagbabawi iti Dios, ken ti pammati ken Apotayo a Jesu-Cristo.

Dagiti Aramid 3:19

Agbabawicayo ngarud, ket agsublicayo tapno mapunas dagiti basbasolyo: iti casta umayto dagiti aldaw ti bang-ar aggapu iti sangoanan ti Apo;

Dagiti Aramid 3:26

Ti Dios iti calpasan ti panamagungarna ken Adipenna a Jesus imbaonna nga umuna cadacayo, tapno bendicionannacayo, iti yaadayuyo tunggal maysa cadagiti kinadakesyo.

Dagiti Aramid 5:31

Isu intan-oc ti Dios iti macanawanna a cas maysa a Principe ken Manangisalacan, tapno itdenna iti Israel ti panagbabawi ken ti panangiccat dagiti basbasol.

2 Pedro 3:9

Saan a namayamay ti Apo a maipapan iti carina, cas iti panangibilang dagiti dadduma iti kinabayag; no di ket agur-uray a siaanus gapu cadatayo a dina cayat a mapucaw ti uray siasino, no di ket agturongda coma amin iti panagbabawi.