San Lucas 5:30 - Ti Biblia (1973)

³⁰ Ket dagiti Fariseo ken dagiti escriba idiay nagtanabutobda ket kinunada cadagiti adalanna: Apayapay makipangan ken makiinumcayo cadagiti agsingsingir ti buis ken cadagiti managbasol?

Ti Baro a Naimbag a Damag Biblia

³⁰ Nagtantanabutob dagiti Fariseo ken dagiti kakaduada a mamaestro iti Linteg ket kinunada kadagiti adalan ni Jesus, “Apay a kalanglang ken kain-inumyo dagiti agsingsingir iti buis ken dagiti dakes a tattao?”

San Lucas 5:30 Iomraidhean Croise

Isaias 65:5

A cunada, Agtukengca, dica duminna caniac, ta siac nasansantoac ngem sica. Dagitoy isuda ti maysa nga asuc iti agongco, maysa nga apuy a sumged iti agmalmalem.

San Mateo 5:46

Ta no ayatenyo dagiti agayat cadacayo. Ania ti magungunayo? Saan a casta aya ti aramiden met dagiti agsingsingir ti buis?

San Mateo 9:11

Ket dagiti Fariseo, idi nakitada daytoy, kinunada cadagiti adalanna: Apayapay makipangan ti manursuro cadacayo cadagiti agsingsingir ti buis ken cadagiti managbasol?

San Marcos 2:16

Ket dagiti escriba ken dagiti Fariseo idi makitada a makipangan cadagiti agsingsingir ti buis ken managbasol, cunada cadagiti adalanna: Apayapay a ti manursuroyo makipangan ken makiinum cadagiti agsingsingir ti buis ken managbasol?

San Marcos 7:3

Ta dagidi Fariseo ken dagiti amin a Judio, no saanda a buggoan a maminadu dagiti im-imada, saanda a mangan, ta sursurotenda ti ugali dagiti lallacay,

San Marcos 9:16

Ket inintuudna cadagiti escriba: Ania ti pakisusicanyo cadacuada?

San Lucas 18:11

Ket ti Fariseo, nagtacder, ket nagcararag iti pakinakemna a castoy; Dios, agyamanac kenca, ta saanac a cas cadagiti sabali a tao, a mannanacawda, nakil-loda, mannakicamalalada, ket saanac a cas itoy agsingsingir ti buis.

San Lucas 19:7

Ket idi nakitada daytoy, nagtanabutobda amin a cuncunada: Napan nakidagus iti maysa a tao a managbasol.

San Lucas 5:17

Ket napasamac iti maysa cadagidi nga aldaw nga isu adda a manursuro, ket dagiti Fariseo ken mamasirib iti linteg addada nga agtutugaw, isuda a naggapu iti isu-amin a puroc ti Galilea, ken ti Judea ken Jerusalem: ket ti pannacabalin ti Apo adda kencuana tapno mangagas.

San Lucas 5:21

Ket dagiti escriba ken dagiti Fariseo rinugianda a pinanunot a kinuna: Asino daytoy nga agsasao iti tabbaaw? Asino ti macabalin a mamacawan cadagiti basbasol no saan laeng a ti Dios?

San Lucas 7:34

Immay toy Anac ti tao, a mangan ken uminum, ket cunayo: Adtoy ti maysa a tao a manangan ken managinum ti arac, gayyem dagiti agsingsingir ti buis ken dagiti managbasol!

San Lucas 7:39

Ngem idi nakita daytoy daydi Fariseo a nangawis kencuana, kinuncunana iti pununotna: Daytoy, no coma no mammadto, ammona coma no asino ken no ania a kita ti babai daytoy a mangsagid kencuana, ta isu managbasol.

Dagiti Aramid 23:9

Ket nabangon ti maysa a dackel nga ariwawa: ket timmacder dagidi dadduma nga escriba a cappon cadagiti Fariseo, ket nakisuppiatda a cuncunada: Awan ti aniaman a dakes a masaracanmi itoy a tao; ket ania no isu kinasao ti espiritu wenno angel?