San Lucas 4:43 - Ti Biblia (1973)

⁴³ Ngem isu kinunana cadacuada; Cadagiti sabsabali nga il-ili masapul met nga ipacaammoc ti evangelio ti pagarian ti Dios: ta daytoy ti panggep a nacaibaonac.

Ti Baro a Naimbag a Damag Biblia

⁴³ Ngem kinunana kadakuada, “Nasken nga ipakaammok ti Naimbag a Damag maipapan iti Pagarian ti Dios kadagiti dadduma pay nga ili, ta daytoy ti nangibaonan kaniak ti Dios.”

San Lucas 4:43 Iomraidhean Croise

Isaias 48:16

Umasidegcayo caniac, denggenyo daytoy; nanipud idi punganay; saanac a nagsao iti linged; nanipud idi pannawen a kinaaddana, addaac idiay: ket ita ni Apo Jehova imbaonnac, ken ti Espirituna.

San Mateo 4:23

Ket ni Jesus linawlawna ti amin a Galilea, a nangisursoro cadagiti sinagogada, ken nangicascasaba ti evangelio ti pagarian, ket nangpapaimbag cadagiti amin a kita ti sakit ken amin a kita ti an-annayen cadagiti umili.

San Marcos 1:35

Ket bimmangon iti parbangon, iti nasipnget pay laeng, rimmuar ket napan iti maysa a disso a napacni, ket idiay nagcararag.

San Juan 20:21

Ni Jesus ngarud kinunana manen cadacuada: Talna coma cadacayo: cas iti pinangibaon caniac ni Ama, casta met ti panangibaonco cadacayo.

San Juan 9:4

Rebbengtayo nga aramiden dagiti aramid ti nangibaon caniac bayat ti aldaw: ti rabii umay, inton awan ti macabalin nga agaramid.

Dagiti Aramid 10:38

A maipapan ken Jesus a taga Nazaret no casano ti panangconsagrar ti Dios kencuana nga iniccanna ti Espiritu Santo ken ti pannacabalin; isu a namagpagna a nagararamid ti naimbag: ket inag-agasanna amin dagiti pinarparigat ti sairo, ta ti Dios adda kencuana.

2 Timoteo 4:2

Nga icascasabam ti sao; umagawaca iti tiempona man ken saanna a tiempo, tumubngarca, mangbabalawca, mamagbagaca, a buyugen ti amin a panaganus ken ti panangisursuro.