San Lucas 4:40 - Ti Biblia (1973)

⁴⁰ Ket idi lumlumnec ti init, isu-amin dagiti adda masakitda cadagiti nadumaduma a sacsakit, impanda kencuana: ket isu, iti panangipatayna cadagiti imana iti tunggal maysa cadacuada, pinaimbagna ida.

Ti Baro a Naimbag a Damag Biblia

⁴⁰ Idi lumlumneken ti init, amin nga adda gagayyemna nga agsagsagaba iti uray ania a kita ti sakit, impanda dagitoy a masakit ken ni Jesus. Impatayna ti imana iti tunggal maysa ket naimbaganda amin.

San Lucas 4:40 Iomraidhean Croise

San Mateo 11:5

Dagiti bulsec macakitada ket dagiti pilay magnada: dagiti agcucutel madalusanda, ket dagiti tuleng macangngegda; dagiti natay mapagungarda, ket dagiti napanglaw macascasabaanda iti naimbag a damag.

San Mateo 14:13

Ket idi nangngegan ni Jesus, pimmanaw sadiay, a nagbarangay, a napan iti maysa a disso nga awan matagtagitao ken putputong; ket idi maammoan dagiti adu a tattao simmurotda kencuana a nagnagna nanipud cadagiti ciudad.

San Marcos 3:10

Ta pinaimbagna dagiti adu, gapuna nagdadarisonda kencuana, tapno isu sagiden dagidi amin nga addaan sacsakit.

San Marcos 5:23

Ket nagpacpacaasi unay, kencuana a cuncunada; Ti anacco a balasang nganngani matay; umayca cadi ket ipataymo kencuana dagiti imam, tapno umimbag ket agbiag coma.

San Marcos 6:5

Ket saanna a nabalin ti nagaramid ti datdatlag iti uray ania idiay, malacsid idi nga impatayna dagiti imimana cadagiti sumagmamano a masacsakit ket inagasanna ida.

Dagiti Aramid 19:12

Iti casta nga iti laeng panangipanda cadagiti pano wenno bidang a naggapu iti bagina cadagiti masakit, agpucaw cadacuada dagiti sacsakit ket dagiti dakes nga espiritu rumuarda.

Dagiti Aramid 5:15

Iti casta nga ipanda dagiti masacsakit cadagiti daldalan ket icabilda ida cadagiti pagiddaan ken cadagiti langcapi, ta inton lumabas ni Pedro, bareng no ti aniniwanna linonganna ti dadduma cadacuada.