San Lucas 4:18 - Ti Biblia (1973)

¹⁸ Ti Espiritu ti Apo adda caniac: ta pinulutannac a mangted cadagiti naimbag a damag cadagiti napanglaw; imbaonnac a mangipacaammo ti pannacaluc-at cadagiti nacayawan, ken ti pannacakita dagiti bulsec; tapno luc-atac dagiti maparparigat;

Ti Baro a Naimbag a Damag Biblia

¹⁸ “Adda kaniak ti Espiritu ti Apo. Pinilinak a mangikasaba iti Naimbag a Damag kadagiti napanglaw, Imbaonnak a mangiwaragawag iti pannakawayawaya dagiti balud, Iti pannakakita manen dagiti bulsek, Iti pannakaruk-at dagiti maparparigat,

San Lucas 4:18 Iomraidhean Croise

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

2 Cronicas 34:27

Agsipud ta ti pusom nalucneng, ket nagpacumbabaca iti sango ni Jehova, idi a nangngegmo dagiti sasaona a maibusor itoy a disso, ken maibusor cadagiti agnaed kencuana, ket nagpacumbabaca iti sangoanac, ket pinigismo dagiti cawesmo, ken nagsangitca iti saclongco: siac impangagca met, cuna ni Jehova.

Dagiti Salmo 102:20

Tapno denggenna ti sasainnec ti sibabalud; tapno ruc-atanna dagiti naipato iti patay;

Dagiti Salmo 147:3

Agasanna dagiti nadanar iti pusoda, ket bedbedanna dagiti sugsugatda.

Dagiti Salmo 2:2

Dagiti ar-ari ditoy daga pabilgenda dagiti bagida met laeng, ken dagiti turayen agpipinnatigmaanda, a maibusor ken Jehova ken maibusor met iti pinulotanna, a cuncunada,

Dagiti Salmo 2:6

Nupay no casta insaadco ti aric, iti rabaw ti nasantoan a turodco a Sion.

Dagiti Salmo 34:18

Ni Jehova adda iti asideg cadagiti sitatarumpingay ti pusoda, ket isalacanna dagiti sibabawi ti espirituda.

Dagiti Salmo 45:7

Inayatmo ti kinalinteg, ket ginuram ti kinadangkes: gapuna ti Dios, ti Diosmo, sinapsapoannaca iti lana ti kinaragsac a nangnangrona ngem dagiti caduam.

Dagiti Salmo 51:17

Dagiti sacrificio a maipaay iti Dios isu ti espiritu a nadudog; ti nadudog ken sibabawi a puso, O Dios, saanmonto a laisen.

Isaias 32:3

Ket dagiti mata dagiti macakita saandanto nga agcudrep, ken dagiti lapayag dagiti macangngeg dumngegdanto.

Isaias 35:5

Iti casta maluctanton dagiti mata ti bulsec, ken dagiti lapayag ti tuleng maluctandanto.

Isaias 42:7

Tapno luctam dagiti bulsec a mata, tapno iruarmo dagiti nabalud iti nailet a pagbaludan, ken dagiti agtutugaw iti nasipnget a pagbaludan iruarmo ida.

Isaias 45:13

Isu binangonco iti kinalinteg, ket aramidecto a nalinteg amin dagiti dalanna: isu bangonennanto ti ilic, ket isu palubosannanto nga agawid, dagiti kinayawac saan a gapu iti ngina ket saan met a gapu iti gunguna, cuna ni Jehova dagiti buybuyot.

Isaias 49:9

A cunaem cadagiti adda a nabalud, Rumuarcayo; cadagiti adda iti kinasipnget, Agparangcayo. Agarabdanto cadagiti daldalan, ken cadagiti nalucasan a pantoc ti pagpaarabandanto.

Isaias 50:4

Ni Apo Jehova intedna caniac ti dila dagiti nasursuroan, tapno ma-ammoac coma no casano ti panagpapigsa cadagiti nabannogan babaen cadagiti sasao: isu agriing a biniganbigat, isu riingenna ti lapayagco a pagdengngeg a cas cadagiti nasursuroan.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

Isaias 59:21

Ket ti maipapan caniac, daytoy isu ti tulagco cadacuada, cuna ni Jehova: ti Espirituc nga adda kenca, ken dagiti saoc nga incabilco ita ngiwatmo, didanto pumanaw ita ngiwatmo, uray iti ngiwat ti putotmo, uray iti ngiwat ti putot ti putotmo, cuna ni Jehova, manipud ita ken iti agnanayon.

Isaias 61:1

Ti Espiritu ni Apo Jehova adda caniac; ta ni Jehova pinulotannac a mangicasaba cadagiti naimbag a damdamag cadagiti naemma: imbaonnac a mamatapat iti puso a nadunor, a mangiwarragawag iti wayawaya cadagiti nacayawan, ken ti pannacaluc-at cadagiti nabalud;

Isaias 66:2

Ta amin dagitoy a banbanag inaramid ti imac, ket iti casta addada amin dagitoy a banbanag, cuna ni Jehova: ngem itoy a tao imatangacto, daydiay met laeng nga isu napanglaw ken napagbabawi nga espiritu, ken daydiay nga agkintayeg iti saoc.

Ezekiel 9:4

Ket ni Jehova kinunana kencuana, Lumabasca iti tengnga ti ili, iti nagtengngaan ti Jerusalem, ket iccam ti tanda ti muging dagiti lallaki nga agsaibbec ken agsangit gapu cadagiti amin a kinarimon a maar-aramid iti nagtengngaanna.

Daniel 9:24

Pitopulo a lawas naikeddengda cadagiti tattaom ken iti nasantoan nga ilim a pangleppas iti salungasing, ken panangaramid iti panungpalan dagiti basbasol, ken panangaramid iti panagcacappia gapu iti kinadakes, ken mangyeg iti agnanayon a kinalinteg, ken pangselloan iti sirmata ken padto, ken mangpulot iti casantoan.

Sofonias 3:12

Ngem tiddaecto iti tengngam ti maysa a naparigat ken napanglaw nga ili ket isuda agcamangdanto iti nagan ni Jehova.

Zacarias 11:11

Ket isu naburac iti daydi nga aldaw; ket iti castoy ti nacuttong iti pangen a nagimdeng caniac nabigbigna a daydi sao ni Jehova.

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Mateo 11:5

Dagiti bulsec macakitada ket dagiti pilay magnada: dagiti agcucutel madalusanda, ket dagiti tuleng macangngegda; dagiti natay mapagungarda, ket dagiti napanglaw macascasabaanda iti naimbag a damag.

San Mateo 12:18

Adtoy ti adipec isu a pinilic, Ti dungdungngoec, a pacaayaywan unay toy cararuac, Icabilconto kencuana ti Espirituc, Ket cadagiti Gentil ipacaammonanto ti kinalinteg.

San Mateo 12:20

Ti runo a naparpar dinanto tuccolen, Ket ti micha nga umas-asuc dinanto iddepen. Agingga ti mapagbal-ligina ti kinalinteg,

San Mateo 4:16

Dagiti umili a nagtugaw cadagiti sipnget, Nacakitada ti dackel a lawag; Ket dagiti nagtugaw iti disso ken linong ni patay, Ti silaw linawaganna ida.

San Mateo 5:3

Nagasat dagiti napanglaw iti pakinakemda; ta cucuada ti pagarian ti langit.

San Lucas 4:17

Ket intedda kencuana ti libro ni mammadto nga Isaias: ket idi binistradna ti libro, natumpunganna ti disso a nacaisuratan daytoy.

San Lucas 6:20

Ket isu intannawagna dagiti matana cadagiti adalanna, ket kinunana: Nagasatcayo a napanglaw, ta cucuayo ti pagarian ti Dios.

San Lucas 7:22

Ket simmungbat ni Jesus ket kinunana cadacuada: Incayo, ket saritaenyo ken Juan dagiti banbanag a nakita ken nangngegyo: a dagiti bulsec macakitada, dagiti pilay magnada, dagiti agcucutel nadalusanda, ket dagiti tuleng macangngegda, dagiti natay nagungarda, ket cadagiti napanglaw naicascasaba cadacuada ti naimbag a damag.

San Juan 1:41

Isu birukenna nga umuna ni cabsatna a Simon ket cunana kencuana: Nazaracanmi ti Mesias, (a no maipataros, Cristo).

San Juan 12:46

Siac immayac a silaw ditoy lubong tapno amin a mamati caniac, saanda nga agtaeng iti sipnget.

San Juan 3:34

Ta ti imbaon ti Dios, saoenna dagiti sao ti Dios; ta ti Dios saanna a rucrucoden ti Espiritu nga itdenna.

Dagiti Aramid 10:38

A maipapan ken Jesus a taga Nazaret no casano ti panangconsagrar ti Dios kencuana nga iniccanna ti Espiritu Santo ken ti pannacabalin; isu a namagpagna a nagararamid ti naimbag: ket inag-agasanna amin dagiti pinarparigat ti sairo, ta ti Dios adda kencuana.

Dagiti Aramid 26:18

Tapno lucatam dagiti matada, tapno manipud cadagiti sipnget agsublida iti lawag, ket manipud iti pannacabalin ni Satanas agsublida iti Dios; tapno awatenda ti pannacaiccat dagiti basbasol, ken pannakipagtawid cadagiti mapagsanto gapu iti pammati caniac.

Dagiti Aramid 4:26

Nago-ornos dagiti arari ti daga, ket dagiti panguloen nagtitiponda a nagmaymaysa, iti maicaniwas iti Apo ken iti maicaniwas iti Cristona;

Dagiti Aramid 4:27

Ta pudno a nagtitiponda iti daytoy a ciudad da Herodes ken Poncio Pilato, agraman dagiti Gentil ken ti umili nga Israel, a bimmusor ken nasantoan nga Adipenmo a Jesus, isu a kinonsagrarmo,

Taga-Colosas 1:13

Isu a nangluc-at cadatayo iti pannacabalin ti sipnget, ket inyallatiwnatayo iti pagarian ti dungdongoenna nga Anac;

Santiago 2:5

Dumngegcayo, ay-ayatec a cacabsatco; saan aya a pinili ti Dios dagiti napanglaw no maipapan itoy lubong, a maipaay iti kinabacnang iti pammati, ken agtawid iti pagarian nga incarina cadagiti agayat kencuana?

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna: