San Lucas 3:13 - Ti Biblia (1973)

¹³ Ket isu kinunana cadacuada: Saancayo nga agsingir ti adadda, ngem ti naibilin cadacayo.

Ti Baro a Naimbag a Damag Biblia

¹³ “Dikay agsingsingir iti ad-adu ngem iti tumutop,” imbagana kadakuada.

San Lucas 3:13 Iomraidhean Croise

Dagiti Salmo 18:23

Siac met awan idi ti curangco kencuana, ket ingagac ti bagic iti panangdangkesco.

Dagiti Proverbio 28:13

Ti mangabbong cadagiti salungasingna dinto rumang-ay; ngem ti mangipudno ken mangbaybay-an cadacuada maragpatnanto ti caasi.

Mikias 6:8

Imparangna kenca, O tao, daydiay naimbag; ket ania aya ti iparebbeng ni Jehova kenca, no di laeng ti agaramid a sililinteg, ken iti kinamanangngaasi ken pannagna a sipapacumbaba iti Diosmo?

San Mateo 7:12

Gapuna, amin dagiti banbanag a cayatyonto nga dagiti tattao aramidenda coma cadacayo, casta met ti aramidenyo cadacuada; ta daytoy isu ti linteg ken ti sinao dagiti mammadto.

San Lucas 19:8

Ket ni Zaqueo nagtacder, ket kinunana iti Apo: Adtoy, ti guddua dagiti cucuac Apo, itedco cadagiti napanglaw; ket no adda nangulbudac iti asinoman a tao, isublic ti maminpat pay nga caadu.

San Lucas 3:12

Ket immayda met dagiti agsingsingir ti buis tapno pabautizaranda, ket kinunada kencuana: Manursuro, ania ti rebbengmi nga aramiden?

San Lucas 3:14

Ket dagiti soldado inintuudda met kencuana a kinuna: Ket dacami, ania ti rebbengmi nga aramiden? Ket kinunana cadacuada: Saancayo nga agaramid ti ranggas iti uray asino, ket dicay mangpabpabasol; ket yamanenyo ti tangdanyo.

1 Taga-Corinto 6:10

Uray dagiti mannanacaw, uray dagiti naagum, uray dagiti managbarbartec, uray dagiti managtabbaaw, uray dagiti managpaanac, saandanto a tawiden ti pagarian ti Dios.

Taga-Efeso 4:28

Daydi nagtactacaw, saan coma nga agtacawen, no di ket agtrabajo, nga aramidenna ti naimbag, babaen ti imana, tapno adda pagitedna iti adda pacasapulanna.

Hebreo 12:1

Gapuna datayo met idinto nga adda iti aglawlaw cadatayo ti casta unay nagdackel a caadu dagiti sacsi, iwagsactayo ti amin a pacadagsenan ken ti basol a manglawlaw a silalaca cadatayo, ket tarayentayo coma a siaanus ti tarayen a naicabil iti sangoanantayo.