San Lucas 24:44 - Ti Biblia (1973)

⁴⁴ Ket kinunana cadacuada: Dagitoy dagiti sao nga insaoc cadacayo, idi addaac pay laeng cadacayo: A masapul a matungpal dagiti isu-amin a banag a naisurat a maipapan caniac iti Linteg ni Moises, ken cadagiti mammadto ken cadagiti Salmos.

Ti Baro a Naimbag a Damag Biblia

⁴⁴ Kalpasanna, kinunana kadakuada, “Dagitoy dagiti imbagbagak kadakayo idi addaak pay laeng iti arpadyo. Masapul a matungpal amin a naisurat maipapan kaniak iti Linteg ni Moises, kadagiti sursurat dagiti profeta, ken kadagiti Salmo.”

San Lucas 24:44 Iomraidhean Croise

Genesis 14:18

Ket ni Melquisedec nga ari ti Salem nangiruar ti tinapay ken arac: ket isu idi ti padi ti Dios a Cangatoan unay.

Genesis 22:18

Ket iti putotmo mabendicionanto isu-amin dagiti nasnacion ti daga; agsipud ta tinungpalmo ti timecco.

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Genesis 49:10

Dinto umadayo ti cetro ken Juda, Uray ti sarucod ti agturay di umadayo iti baet dagiti sacsacana, Agingga iti di umay ni Mamagcacappia; ket isu ti tulnoganto dagiti il-ili.

Dagiti Salmo 118:22

Ti bato a di-kinayat dagiti agbangbangon nagbalin a pasuli.

Isaias 28:16

Gapuna a castoy ti cuna ni Apo Jehova, Adtoy isaadco idiay Sion ti maysa a bato a maipaay a pamuon, maysa a napadas a bato, maysa a napateg a bato a panuli ti natibker a pamuon: ti mamati saanto nga agganat.

Isaias 52:13

Adtoy, ti adipenco agaramidto a sisisirib, maitan-octo ken maibayog, ken isu natan-octo unay.

Isaias 7:14

Gapuna a ti Apo met laeng iccannacayonto iti maysa a pagilasinan: adtoy, a maysa a virgen agsicogto, ken mangipasngayto iti maysa nga anac a lalaki, ket maigaladto iti naganna nga Emmanuel.

Isaias 9:6

Ta nayanac ti maysa nga ubing cadatayo, maysa nga anac a lalaki ti naited cadatayo; ket ti panangituray maiparabawto iti abagana: ket ti naganna magaladanto iti Nacascasdaaw, Mamagbaga, Mannacabalin a Dios, Agnanayon nga Ama, Principe ti Cappia.

Jeremias 23:5

Adtoy, dagiti al-aldaw dumtengda, cuna ni Jehova, a bangonecto ken David ti maysa a nalinteg a Sanga, ket isu agturayto a cas ari ken agaramid a sisisirib, ket agaramidto iti kinajusticia ken kinalinteg iti daga.

Jeremias 33:14

Adtoy, dagiti al-aldaw dumtengda, cuna ni Jehova, a tungpalecto ti nasayaat a sao nga imbalicasco a maipanggep iti balay ni Israel ken maipanggep iti balay ni Juda.

Ezekiel 17:22

Castoy ti cuna ni Apo Jehova: Mangalaacto met iti nangato a ngudo ti cantingen, ket isaadconto; pumutedacto iti cangudoan dagiti babassit a saringitna a naganus, ket isu imulacto iti rabaw ti nangato ken narimbaw a bantay:

Ezekiel 34:23

Ket bangonecto ti maysa a pastor cadacuada, ket pacanennanto ida, nga isu ni adipenco a David; pacanennanto ida, ket isunto ti pastorda.

Daniel 2:44

Ket cadagiti al-aldaw dagita nga ar-ari, ti Dios ti langit mamangonto iti maysa a pagarian nga caanoman dinto madadael ket ti panagturayna dinto met maited iti sabali nga ili; ngem burakennanto ken ibusennanto amin dagitoy a pagpagarian, ket isu agtalinaedto iti agnanayon.

Daniel 7:13

Nakitac cadagiti parparmata ti rabii, ket adtoy, immay babaen cadagiti ululep ti langit ti maysa a cas la anac ti tao, ket dimteng ti dati a lacay, ket isu inyasidegda iti saclangna.

Oseas 3:5

Calpasanna dagiti annac ti Israel agsublidanto, ket sapulendanto ni Jehova a Diosda, ken ni David nga arida, ket umaydanto a sibubuteng ken ni Jehova ken iti kinaimbagna, cadagiti maud-udi nga al-aldaw.

Amos 9:11

Iti daydiay nga aldaw, siac ibangonconto ti tabernaculo ni David a natuang, ket sullatacto dagiti gutbawna; ket ipatacderconto dagiti nadadael, ket bangonecto a cas idi punganay.

Zacarias 12:10

Ket mangibuyatacto iti balay ni David, ken cadagiti agnaed iti Jerusalem, iti espiritu ti parabur ken ti cararag: ket cumitadanto caniac a dinuyucda; ket agdung-awdanto a gapu kencuana, a cas iti agdung-aw a gapu iti bugbugtong nga anacna a lalaki, ket addanto kinapait a gapu kencuana, a cas iti addaan iti kinaladingit a gapu iti inauna nga anacna.

Zacarias 13:7

Agriingca, O campilan, a maibusor iti pastorco, ken maibusor iti lalaki a caduac, cuna ni Jehova dagiti buybuyot: sugatem ti pastor, ket dagiti carneroc mawarawaradanto; ket siac idissocto ti imac cadagiti babassit.

Zacarias 14:4

Ket dagiti sacana agtacderto iti daydiay nga aldaw iti rabaw ti Bantay dagiti Olivo, nga adda iti sango ti Jerusalem iti daya; ket ti Bantay dagiti Olivo agpisinto iti nagtengngaanna iti agpadaya ken agpalaud ket addanto maysa a nalawa a lobong; ket ti cagudua ti bantay umalisto nga agpaamianan, ket ti caguduana agpaabagatan.

Zacarias 6:12

Ket agsaoca kencuana, a cunam, Castoy ti sinao ni Jehova dagiti buybuyot, a cunana, Adtoy, ti tao, a ti naganna Saringit: ket isu dumackelto manipud iti dissona; ket isu bangonennanto ti templo ni Jehova;

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

Numero 21:8

Ket ni Jehova kinunana ken Moises, Mangaramidca iti maysa nga umapapuy nga uleg, ket ibayogmo iti maysa a monmon; ket maaramidto a tunggal maysa a nacagat, no cumita kencuana agbiagto.

Numero 35:25

Ket ti gimong icanawananto ti nacapapatay iti ima ni mangibales iti dara, ket ti gimong isublinanto ni nacapapatay iti ilina a pagcamangan, isu a nagtarayanna: ket agnaedto sadiay inggana ti ipapatay ti cangatoan a padi a napulotan iti nasantoan a lana.

San Mateo 1:22

Ket amin daytoy, naaramid tapno matungpal ti sinao ti Apo, nga inaramatna di mammadto, a cuncunana:

San Mateo 16:21

Nanipud idi nga aldaw rinugian ni Jesus nga imbaga cadagiti adalanna a masapul kencuana ti mapan idiay Jerusalem, ken aglac-am cadagiti adu a banag cadagiti lallacay ken cadagiti panguloen cadagiti sacerdote ken escriba; ken matay ken agungar iti maicatlo nga aldaw.

San Mateo 26:54

Ngem casanonto ngarud ti pannacatungpal dagiti Sursurat, a masapul a maaramid ti castoy?

San Mateo 26:56

Ngem amin daytoy naaramid, tapno matungpal dagiti Sursurat dagiti mammadto. Idin dagiti amin nga adalan isu pinanawanda, ket nagtalawda.

San Marcos 9:31

Ket insursurona dagiti adalanna, a cuncunana cadacuada: Toy anac, ti tao mayawat cadagiti imima dagiti tao, ket papatayendanto; ket inton mapapatayen, iti maicatlo nga aldaw agungarto met laeng.

San Lucas 21:22

Ta dagitoy isuda dagiti aldaw ti panagibales; tapno matungpal amin dagiti adda a naisurat.

San Lucas 22:37

Ta cunac cadacayo, a masapul a matungpal caniac daytoy adda a naisurat: Ket naibilang cadagiti managdacdakes ta dagiti banbanag a maipapan caniac adda pannacatungpalda.

San Lucas 24:46

Ket kinunana cadacuada: Casta ti adda a naisurat ken masapul a ti Cristo agsagaba, ken agungar cadagiti natay iti maicatlo nga aldaw;

San Lucas 9:22

A cunana: Masapul a ti Anac ti tao aglac-am ti adu a banag, ken lacsiden dagiti lallacay ken turayen dagiti papadi ken dagiti escriba, ket mapapatay ken agungar iti maicatlo nga aldaw.

San Lucas 9:44

Tandaananyo a naimbag dagitoy a sao: ta toy Anac ti tao mayawatto cadagiti ima dagiti tao.

San Juan 3:14

Ket no casano iti panangibayog ni Moises iti uleg idiay let-ang, casta met a masapul a ti Anac ti tao maibayog;

San Juan 5:39

Dacayo sukimatenyo dagiti Sursurat, agsipud ta pagarupenyo nga adda cadacuada ti biagyo nga agnanayon; ket dagitoy isuda ti mangpanecnec ti maipapan caniac;

San Juan 5:46

Ta no pinatiyo ni Moises, pinatidac coma, ta isu nagsurat iti maipapan caniac.

Dagiti Aramid 13:33

Isu a tinungpal ti Dios cadagiti annactayo, a pinagungarna ni Jesus: a cas met iti naisuraten iti Salmo a maicadua: Sica ti Anacco; pinutotca itoy nga aldaw.

Dagiti Aramid 13:40

Agaluadcayo, ngarud di la ket ta umay cadacayo ti sinao dagiti mammadto:

Dagiti Aramid 2:27

Ta dicanto ipalubos nga agtaeng ti cararuac iti Hades, ket dicanto met iyawat ti Santom iti panagrupsa;

Dagiti Aramid 3:18

Ngem cas ti impacaammo ti Dios idi damo iti ngiwat dagiti amin a mammadto, a ti Cristona agsagabanto tinungpalna.

Dagiti Aramid 7:37

Daytoy isu daydi Moises, a nagcuna cadagiti annac ti Israel: Ti Apo a Diosyo ibangonannacayto ti mammadto, cadagiti cacabsatyo, a cas caniac; isu denggenyonto.

Hebreo 10:1

Ta ti linteg, idinto nga addaan laeng iti anniniwan dagiti naimbag a banag a mapasungad, a saan a ti napaypayso a catulad dagiti banbanag, uray, caano saanna a mabalin a palaingen dagiti umasideg iti Dios, gapu cadagiti naisao a datdaton nga idiayada a cancanayon iti tinawen.

Hebreo 3:5

Ket ni Moises kinapudnoanna a napagtalcan idi iti isu-amin a balayna, cas maysa nga adipen a maipaay a pamanecnec cadagidiay banag a maipacaammonto idi;

Hebreo 7:1

Ta daytoy Melquisedec, ari ti Salem, padi ti Dios a cangatoan unay, isu a nangsabet ken Abraham idi nagawid iti panangparmecna cadagidi arari, ket binendicionanna,

Hebreo 9:8

Nga impaawat daytoy ti Espiritu Santo, a saan pay a naiparang ti pagsercan, iti nasantoan a disso, bayat ti caadda a sitatacder ti umuna a tabernaculo;

1 Pedro 1:11

A sinucsukimatda no ania wenno casano ti tiempo nga imbaga ti Espiritu ni Cristo, nga adda idi cadacuada, idi impacpacaunana a sinacsian dagiti tutuoc a maipaay ken Cristo ken dagiti daydayag a sumarunonto cadacuada.

Paltiing 19:10

Ket nagrucnoyac cadagiti sacsacana tapno agdaydayawac kencuana. Ket isu kinunana caniac: Kitaem, dica aramiden dayta. Siac ti adipen a caduam ken cadua dagiti cacabsatmo, a mangsalimetmet iti pammanecnec ken Jesus. Agdaydayawca iti Dios ta ti pammanecnec ken Jesus isu ti espiritu ti pammadto.