San Lucas 23:5 - Ti Biblia (1973)

⁵ Ngem ipapilitda laeng a cuncunada: Riribukenna dagiti umili, a mangisursuro iti isu-amin a Judea, ket mangrugi idiay Galilea agingga ditoy.

Ti Baro a Naimbag a Damag Biblia

⁵ Ngem inyad-addada ti nagkuna: “Babaen iti pannursurona, sugsoganna dagiti tattao a mangriribuk iti entero a Judea. Inrugina idiay Galilea, ket adda ditoyen.”

San Lucas 23:5 Iomraidhean Croise

Dagiti Salmo 22:16

Ta dagiti as-aso linacubdac: sangabuyotan a managdacdakes linacubdac; sinalputda dagiti im-imac ken sacsacac.

Dagiti Salmo 57:4

Ti cararwac adda iti tengnga dagiti leon; agiddaac iti baet dagiti napadarangan, wen cadagiti annac dagiti tattao, nga dagiti ngipenda picpica ken panpana, ket ti dilada natadem a campilan.

Dagiti Salmo 69:4

Dagidiay a gumurgura caniac nga awan gapgapuna adaduda ngem dagiti booc toy uloc: dagidiay a mangracrac coma caniac, a cabcabusorco a di-umumno, nabilegda: ti saanco nga innala capilitan nga ipulangco.

San Mateo 11:1

Ket napasamac nga idi nalpas ni Jesus ti nagbilbilin cadagiti sangapulo ket dua nga adalanna, pimmanaw sadiay tapno mangisursuro ken mangascasaba cadagiti il-ilida.

San Mateo 2:1

Idi ta nayanac ngaruden ni Jesus idiay Bethlehem sadi Judea, cadagidi aldaw ni Ari Herodes, adtoy, dagiti Mamasirib cadagiti luglugar iti daya immayda sadi Jerusalem, a cuncunada,

San Mateo 27:24

Gapuna idi nakita ni Pilato nga awan ti maalana, no di ket mabangon idin ti maysa a ririboc nangala iti danum ket binuggoanna dagiti imimana iti sangoanan ti adu a tao a cunana: Awan ti basolco iti dara daytoy nalinteg; kitaenyo.

San Mateo 4:23

Ket ni Jesus linawlawna ti amin a Galilea, a nangisursoro cadagiti sinagogada, ken nangicascasaba ti evangelio ti pagarian, ket nangpapaimbag cadagiti amin a kita ti sakit ken amin a kita ti an-annayen cadagiti umili.

San Marcos 1:14

Ngem idi nalpas a nabalud ni Juan, ni Jesus simrec idiay Galilea a nangicascasaba iti evangelio ti Dios,

San Lucas 11:53

Ket idi rimmuar idiayen, dagiti escriba ken Fariseo rinugianda ti nagpungtot unay kencuana ket ginargarida tapno agsao cadagiti adu a banag.

San Lucas 23:23

Ngem ipapilitda iti dacdackel a timec a dawdawatenda a mailansa coma iti cruz. Ket dagiti ickisda pumigpigsa.

San Lucas 23:6

Ket ni Pilato, idi a mangngegna daytoy, inintuudna no di tao taga Galilea.

San Juan 1:43

Iti sumuno nga aldaw kinayat ni Jesus ti mapan idiay Galilea, ket masaracanna ni Felipe, ket cunana kencuana: Surutennac.

San Juan 19:15

Isuda ngarud nagariwawada: Iccatem, iccatem, ilansam iti cruz. Cuna ni Pilato cadacuada: Ti Ariyo ilansacto iti cruz? Simmungbat dagiti cangatoan a papadi: Awan ti sabali nga arimi no saan a ni Cesar.

San Juan 2:11

Daytoy a pangrugian dagiti datdatlag a inaramid ni Jesus idiay Cana ti Galilea, ket impakitana ti dayagna; ket dagiti adalanna namatida kencuana.

San Juan 7:41

Dagiti sabsabali kinunada: Daytoy ti Cristo. Ngem kinuna dagiti dadduma: Ania! Idiay Galilea aya ti paggapuan ti Cristo?

San Juan 7:52

Simmungbatda ket kinunada kencuana: Sica met taga Galileaca aya? Sukimatem ket kitaem a manipud idiay Galilea awan ti tumaud a mammadto.

Dagiti Aramid 10:37

Ammoyo dayta a sao, a nagracurac iti amin a Judea, mangrugi idiay Galilea, idi calpasan ti pammautizar nga incascasaba ni Juan;

Dagiti Aramid 23:10

Ket idi naaramid ti maysa a dackel a ringgor, daydi coronel, gapu ta amkenna a pispisangenda ni Pablo, inbilinna a bumaba dagiti soldado ket rabsutenda ni Pablo iti nagtengngaanda ket ipanda idiay castillo.

Dagiti Aramid 5:33

Ngem isuda, idi mangngegda daytoy, nasasakitan ti nakemda ket nagnonommoananda a papatayen ida.

Dagiti Aramid 7:54

Ket idi nangngegda dagitoy a banag, nasakitan ti pusoda ket ngarngaretngetenda dagiti ngipenda.

Dagiti Aramid 7:57

Ngem nagariwawada ti napigsa, inappotda dagiti lapayagda, ket naminpinsanda a dimmuclos kencuana: