San Lucas 22:22 - Ti Biblia (1973)

²² Ta ti kinapudnona, ti Anac ti tao mapan; a cas adda a naipato; ngem, asipay dayta tao a mangyawat!

Ti Baro a Naimbag a Damag Biblia

²² Matayto ti Anak ti Tao kas inkeddeng ti Dios, ngem asi pay dayta a tao a mangliput kenkuana!”

San Lucas 22:22 Iomraidhean Croise

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Zacarias 13:7

Agriingca, O campilan, a maibusor iti pastorco, ken maibusor iti lalaki a caduac, cuna ni Jehova dagiti buybuyot: sugatem ti pastor, ket dagiti carneroc mawarawaradanto; ket siac idissocto ti imac cadagiti babassit.

San Mateo 26:24

Toy anac ti tao mapan a pudno cas iti adda a naisurat kencuana: ngem, asi pay dayta tao a gapu kencuana maiyawatto toy Anac ti tao! naimbag coma iti dayta a tao no saan coma a nayanac.

San Mateo 27:5

Ket imbacalna dagiti pirac iti uneg ti santuario ket pimmanaw, ket napan, ket nagbitay.

San Marcos 14:21

Ta ti Anac ti tao mapan a pudno cas adda a naisurat maipapan kencuana; ngem asi pay dayta tao a gapu kencuana maliputan ti Anac ti tao! Naimbag coma iti dayta a tao, no pulos a di nayanac coma.

San Lucas 22:23

Ket rinugianda a sinapsapul cadacuada met laeng, no asino ngarud cadacuadanto ti mangaramidto iti daytoy.

San Lucas 24:46

Ket kinunana cadacuada: Casta ti adda a naisurat ken masapul a ti Cristo agsagaba, ken agungar cadagiti natay iti maicatlo nga aldaw;

San Juan 17:12

Bayat ti caaddac idi cadacuada, inaywanac ida iti naganmo, dagiti intedmo caniac, ingagac ida ket awan cadacuada ti napucaw, no di ket daydi anac ti pacadadaelan; tapno ti Surat matungpal.

Dagiti Aramid 10:42

Ket imbilinna cadacami a mangascasabacami cadagiti umili ken mangsacsi nga isu ti insaad ti Dios nga Ocom dagiti nabiag ken natay.

Dagiti Aramid 17:31

Agsipud ta intudingna ti maysa nga aldaw, a panangocomnanto a sililinteg iti lubong gapu iti daydiay lalaki a tinudinganna, a pinanecnecanna cadagiti isu-amin, nga pinagungarna iti tengnga dagiti natay.

Dagiti Aramid 2:23

Daytoy, nayawat a mayalubog iti natudingan a panggep ken sigud a pannacaammo ti Dios, pinapatayyo ken inlansayo iti cruz gapu cadagiti ima dagiti nadamsac a tattao;

1 Pedro 1:11

A sinucsukimatda no ania wenno casano ti tiempo nga imbaga ti Espiritu ni Cristo, nga adda idi cadacuada, idi impacpacaunana a sinacsian dagiti tutuoc a maipaay ken Cristo ken dagiti daydayag a sumarunonto cadacuada.

2 Pedro 2:3

Ket iti inaagum, ken cadagiti sasao a macaallilaw; pagbalinendacayto a pagsapulan; ti pannacaocom dagita naicasigudan ken di-agtactac, ket ti pannacadadaelda saan a matmaturog.