San Lucas 21:8 - Ti Biblia (1973)

⁸ Ket kinunana: Kitaenyo, ta dicay coma maal-lilaw; ta adu dagiti umayto iti naganco, a cuncunada: Siac ti Cristo, ket ti tiempo asidegen; dicay suruten ida.

Ti Baro a Naimbag a Damag Biblia

⁸ “Agannadkayo ket saankayo a paallilaw,” kinuna ni Jesus. “Adunto dagiti umay ket aramatenda ti naganko a kunkunada, ‘Siak ti Cristo,’ ken ‘Asidegen ti tiempo!’ Ngem diyo patpatien ida.

San Lucas 21:8 Iomraidhean Croise

Jeremias 29:8

Ta castoy ti cuna ni Jehova dagiti buybuyot, a Dios ti Israel: Saanyo nga ipalubos cadagiti mammadtoyo, nga adda cadagiti nagtengngaanyo, ken cadagiti mammoyonyo nga allilawendacayo, saanyo met nga imdengan dagiti tagtagainepyo a tinagtagainepyo met laeng.

San Mateo 24:11

Ket adunto dagiti saan a pudno a mammadto tumacderdanto ket ulbodendanto dagiti adu.

San Mateo 3:2

Agbabawicayo; ta ti pagarian ti langit asidegen,

San Mateo 4:17

Nanipud idin rinugian ni Jesus ti nangascasaba ken nagcuna: Agbabawicayo, ta ti pagarian ti langit asidegen.

San Lucas 17:23

Ket cunaendanto cadacayo: Adda ditoy wenno idiay. Dicay mapan ket dicay suruten;

San Lucas 21:7

Ket inintuudda kencuana, a kinunada: Mannursuro, caanonto daytoy? Ket anianto ti pagilasinan no mangrugida a maaramid dagitoy a banag?

San Lucas 21:9

Ket inton mangngegyo dagiti gubat ken ariwawa, dicay agkigtot; ta masapul a dagitoy a banag maaramidda nga umuna; ngem saanto a maigiddato ti panungpalan.

San Juan 5:43

Immayac iti nagan ti Amac ket saandac nga awaten: no sabali ti umay coma iti naganna met laeng, isu awatenyonto.

San Juan 8:24

Kinunac ngarud cadacayo a mataycayo cadagiti basbasolyo; ta no dicayo patien a siac daydi, cadagiti basbasolyo mataycayto.

San Juan 8:28

Kinuna ngarud ni Jesus: Inton maibayogyon ti Anac ti tao, isunto ti pannacaammoyo a siac daydi ken awan ti aramidec a sisiac; no di ket cas iti insuro caniac ni Ama, dagitoy ti saoec.

1 Taga-Corinto 6:9

Dicay ammo aya a dagiti nakil-lo didanto tawiden ti pagarian ti Dios? Dicay coma maallilaw: uray dagiti mannakiabig, uray dagiti agrucbab cadagiti ladladawan uray dagiti makicamcamalala, uray dagiti binabai, uray dagiti tumulad cadagiti taga Sodoma,

Taga-Efeso 5:6

Dicay coma paal-lilaw cadagiti sasao nga awan capapay-anna; ta gapu cadagitoy a banbanag umay ti pungtot ti Dios cadagiti annac ti kinasukir.

2 Taga-Tesalonica 2:3

Dicayo paallilaw iti uray siasino iti uray aniaman; ta dinto umay no dipay umuna ti panaglicud, ken maiparangarang ti tao ti basol, ti anac ti pannacapucaw,

2 Timoteo 3:13

Ngem dagiti tattao a dakes ken dagiti mangul-ulbod dumakesdanto la a dumakes, a mangal-lilawda ket maallilawda met laeng.

1 Juan 4:1

Ayayatec, dicay patien dagiti amin nga espiritu, no di ket suutenyo dagiti espiritu, no nagtaudda iti Dios; ta adu dagiti saan a pudno a mammadto a rimmuar ditoy lubong.

2 Juan 1:7

Ta adu dagiti mangalallilaw a limtuad ditoy lubong, a dida umanamong a ni Jesu-Cristo immay a naglasag. Dayta ti mangalallilaw ken isu ni anti-cristo.

Paltiing 1:3

Nagasat ti bumasa ken dagiti agdengngeg cadagiti sasao ti padto, ket salimetmetanda dagiti banbanag a naisurat kencuana: ta ti pannawen asidegen.

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.