San Lucas 21:34 - Ti Biblia (1973)

³⁴ Ket agaluadcayo, di la ket ta dagiti puspusoyo mapnoda ti kinarawet ken panagbartec, ken cadagiti tarigagay itoy a biag ket iti casta umayto a kel-laat cadacayo dayta nga aldaw:

Ti Baro a Naimbag a Damag Biblia

³⁴ “Agannadkayo amangan no malmeskay iti nalabes a panagragragsak, pannangan, ken panaginum ken kadagiti pakasikoran ti biag, amangan no kellaat a dumteng dayta nga Aldaw ket tiliwennakayo

San Lucas 21:34 Iomraidhean Croise

Genesis 19:32

Umayca, painumenta ni amata iti arac, ket makicaiddatanto kencuana, tapno maitaginayonta ti caputotan gapu ken amata.

Genesis 19:35

Ket pinainumda manen iti arac ni amada idi a rabii: ket timmacder ti inaudi, ket nakicaidda kencuana; ket isu dina naammoan idi nakicaidda ti inacna, ken uray idi bimmangon ti inacna.

Genesis 27:14

Ket napan, ket nangala, ket impanna ida ken inana: ket ni inana nagluto iti naimas a sidaen a cas iti gusto ni amana.

Dagiti Salmo 35:8

Ti pannacadadael dumteng coma kencuana a dina mapacadaan; ket ti bateng nga ilingedna mangsimbalud cadi kencuana met laeng; iti pannacadadael agtinnag cadi iti daydiay.

Dagiti Proverbio 21:4

Ti nangato a panagkitkita, ken ti natangsit a puso, uray pay ti pagsilawan silawan ti nadangkes, basol.

Dagiti Proverbio 23:20

Dica makitipon cadagiti mangnginum iti arac; cadagiti narawet nga agsida iti lasag:

Eclesiastes 9:12

Ta ti tao dina met ammo ti pannawenna: cas cadagiti ican a matiliwto iti mangdadael nga iket, ken cas cadagiti tumatayab a nakemmeg iti silo, casta met laeng ti pannacasilo dagiti annac dagiti tattao iti dakes a pannawen, intono mapasamac a pettat cadacuada.

Isaias 28:7

Ken uray dagitoy agtiritirda a gapu iti arac, ken agibar-ibarda gapu iti naingel nga inumen; ti padi ken ti mammadto agtiritirda gapu iti naingel nga inumen, addada nga inalun-un ti arac; agibar-ibarda gapu iti naingel nga inumen, bumiddutda iti panagkita, agtibcolda iti panangocom.

Oseas 4:11

Ti pannakicamalala ken arac ken ti baro nga arac ipanawda ti pannacaawat.

Levitico 10:9

Sica wenno dagiti annacmo a lallaki agraman kenca, dicay uminum iti arac wenno naingel nga inumen no sumreccayo iti tolda ti gimong, tapno dicay matay: daytoy maalagadto nga agnanayon cadagiti caputotanyo:

San Mateo 13:22

Ket ti naimula iti casisiitan, isu daytoy ti dumngeg iti sao; ngem ti agawa itoy a lubong, ken ti panangal-lilaw dagiti kinabacnang leppesenda ti sao, ket saan a macapagbunga.

San Marcos 13:9

Ngem aluadanyo ti bagiyo met laeng; ta iyawatdacayo cadagiti pangocoman, ken cadagiti sinagoga masaplitcayto; ket maisaclangcayto iti sangoanan dagiti agtuturay ken arari, gapu caniac, tapno pangpanecnec cadacuada.

San Marcos 4:19

Ngem dagiti agagawa itoy lubong, ken ti panangulbod dagiti kinabacnang ken dagiti tartarigagay nga aglablabes cadagiti sabsabali a banag, no sumrecda, lemmesenda ti sao, ket agbalin nga awan bungada.

San Lucas 10:41

Ngem ti Apo simmungbat ket kinunana kencuana: Marta, Marta, napalaloca unay ket adu ti pacaringgoram:

San Lucas 12:40

Addacay met coma a sisasagana; ta iti horas a dicay ipappapan, ti Anac ti tao umay.

San Lucas 17:3

Kitaenyo dagiti bagbagiyo. No macabasol ni cabsatmo, babalawen; ket no agbabawi, pacawanem.

San Lucas 21:35

Ta cas maysa a silo ti yaaynanto cadagiti amin nga agnaed iti rabaw ti isu-amin a daga.

San Lucas 21:8

Ket kinunana: Kitaenyo, ta dicay coma maal-lilaw; ta adu dagiti umayto iti naganco, a cuncunada: Siac ti Cristo, ket ti tiempo asidegen; dicay suruten ida.

San Lucas 8:14

Ket dagiti nagdisso cadagiti cacalunayan, isu dagitoy dagiti nagdengngeg; ket idinto a mapanda iti dalanda, malpesda cadagiti agagawa ken gamgameng ken ragragsac ti daytoy a biag ket dida agbunga ti maloom.

1 Taga-Corinto 5:11

Ngem ita, insuratco cadacayo a dicay makicadcaddua iti uray siasino nga managanan cabsat, no isu mannakicamalala wenno naagum, wenno agrucbab cadagiti ladawan, wenno managsao ti dakes, wenno managbartec, wenno nagarumugam; iti casta a tao, uray makipangan kencuana, saan.

1 Taga-Corinto 6:10

Uray dagiti mannanacaw, uray dagiti naagum, uray dagiti managbarbartec, uray dagiti managtabbaaw, uray dagiti managpaanac, saandanto a tawiden ti pagarian ti Dios.

Taga-Galacia 5:20

Panagrucbab cadagiti didiosen, panaganito, gurangura, ringringgor, im-imun, panagpungpungtot, panagsususic, panagsisina, panangilkil-lo ti pammati.

Deuteronomio 29:19

Ket maaramid a, no denggenna dagiti sasao daytoy a lunod, a bendicionanna ti bagina met laeng iti pusona, a cunana, Natalnaacto, uray magnaac iti kinasungit ti pusoc a mangdadael iti nadam-eg agraman ti namaga.

Taga-Filipos 4:6

Dicay madanagan iti uray ania, no di ket cadagiti isu-amin, maipacaammo coma dagiti dawdawatyo iti Dios, gapu iti cararag ken araraw, agraman panagiaman.

Hebreo 12:15

A kitaenyo a siaannad di la ket ta adda siasinoman a tao a mayadayu iti parabur ti Dios; di la ket ta ti aniaman a ramut ti pait tumubtubo ket pagsicorennacayo, ken gapu kencuana adu ti matulawan;

2 Pedro 3:10

Ngem ti aldaw ti Apo umayto a cas la mannanacaw, aldaw a dagiti langlangit aglabasdanto a buyugen ti dackel a daranudor, ket dagiti elelemento mawarawaradanto babaen a sumsumged a pudot; ti met daga ken dagiti ar-aramid nga addada kencuana mauramdanto.

2 Pedro 3:14

Gapuna ay-ayaten, yantangay ur-urayenyo dagitoy a banag, agawaanyo tapno masaracancay coma a sitatalna, nga awan ti tulaw, ket awan ti pacapilawanyo iti sangoananna.

Paltiing 3:3

Lagipem ngarud no casano ti panangawat ken panagdengngegmo; ket aywanam, ket agbabawica. No saancanto ngarud nga agsalucag, umayacto a cas la mannanacaw, ket dicanto ammo no ania nga horas ti iyaayco kenca.

1 Samuel 25:36

Ket ni Abigail immay ken Nabal; ket, adtoy, isu addaan idi iti rambac iti balayna, a cas la rambac ti maysa nga ari; ket ti puso ni Nabal naragsac unay iti unegna, ta nabartec unayen: gapuna a ni Abigail awan a pulos ti imbagana kencuana, bassit man wenno adu agingga iti aglawag ti bigat.