San Lucas 21:25 - Ti Biblia (1973)

²⁵ Ket addanto dagiti pagilasinan iti init ken bulan ken cadagiti bitbituen; ket ditoy rabaw ti daga rigat dagiti nacion nga agdanag gapu ti daranudor ti baybay ken dagiti dalluyon;

Ti Baro a Naimbag a Damag Biblia

²⁵ “Addanto dagiti nakaskasdaaw a pagilasinan iti init, iti bulan ken dagiti bituen. Ditoy daga, masikoranto dagiti nasion gapu iti butengda iti daranudor ti baybay ken kadagiti dalluyon.

San Lucas 21:25 Iomraidhean Croise

Dagiti Salmo 46:3

Uray pay dagiti dandanumda agungor ken makiburda, uray pay dagiti banbantay agpigergerda gapu iti idadackelda. (Selah)

Isaias 13:10

Ta dagiti bitbitwen sadi langit ken dagiti purpuroc dagiti bitwenna didanto ipaay ti silengda; ti init agsipngetto iti iruruarna, ket ti bulan dinanto pagsilnagen ti lawagna.

Isaias 17:12

Ay, ti ungor dagiti adu nga umili nga agungor a cas iti panagungor dagiti baybay; ken ti panagdarison dagiti nasnacion, nga agdarisonda a cas iti panagdarison dagiti napegges a dandanum!

Isaias 24:23

Isunton ti pannacariribuc ti bulan, ket ti init mabainanto; ta ni Jehova dagiti buybuyot agarinto idiay bantay Sion, ken sadi Jerusalem; ket iti sangoanan dagiti panglacayenna addanto dayag.

Isaias 5:30

Ket agungordanto a bumosor cadacuada ti dayta nga aldaw a cas iti ungor ti baybay: ket no ti maysa cumita iti daga, adtoy, ti sipnget ken rigat; ket ti lawag napasipnget cadagiti ululepna.

Isaias 51:15

Ta siac ni Jehova a Diosmo, a mangkibur iti baybay, tapno dagiti dalluyonna agungorda: Jehova dagiti buybuyot ti naganna.

Jeremias 4:23

Kinitac ti daga, ket adtoy, isu langalang ken ongaong; ken dagiti langlangit, ket awan ti silaw cadacuada.

Daniel 12:1

Ket iti dayta a pannawen agtacderto ni Miguel, a dackel a principe, isu nga agtacder a maipaay cadagiti annac ti ilim; ken addanto pannawen ti riribuc, isu nga awan idi uray caanoman nanipud iti caadda ti nacion agingga met laeng iti dayta a pannawen: ket iti dayta a pannawen ti ilim maispalto, tunggal maysa a masaracto a naisurat iti libro.

Mikias 7:4

Ti caimbagan cadacuada casla calunay; ti calilintegan dacdakes ngem ti alad a siit; ti aldaw dagiti pagbanbantayem, ti met laeng pannacasucnalmo dimtengen; ita mariribucdanto.

San Mateo 24:29

Ket maigiddatonto iti calpasan ti rigat cadagita nga aldaw, a ti init agsipngetto, ket ti bulan dinto aglawag, ket dagiti bitbituen matnagdanto manipud langit, ket dagiti pannacabalin dagiti langlangit mapakintayegdanto:

San Mateo 27:45

Ket nanipud iti maicanem nga horas adda sipnget iti rabaw ti amin a daga, agingga iti horas a maicasiam.

San Marcos 13:24

Ngem cadagidiay nga aldaw, inton calpasan daydiay a rigat, ti init aglulemto ket ti bulan saannanto nga ited ti lawagna.

San Marcos 13:26

Ket iti casta makitadanto toy Anac ti tao cadagiti ul-ulep nga umay agraman iti dakel a pannacabalin ken dayag.

San Marcos 15:33

Ket idi horas a maicanemen, nagsipnget iti rabaw ti amin a daga, agingga iti horas a maicasiam.

San Lucas 21:24

Ket mapasagdanto iti tadem ti campilan ket maipandanto a macayawan cadagiti amin a nacion: ket ti Jerusalem ibaddecto dagiti Gentil, agingga iti panacatungpal dagiti aldaw dagiti naciones.

San Lucas 21:26

Dagiti tattao agcapuydanto gapu ti buteng ken danagda cadagiti maararamid nga umayto iti amin a daga ta dagiti pannacabalin dagiti langlangit agkintayegdanto.

Dagiti Aramid 2:19

Ket iparangconto dagiti nacascasdaaw a banag iti langit, ken pagilasinan ditoy daga, dara ken apuy, ken ulep ti asuc:

Paltiing 20:11

Ket nakitac ti maysa a dackel a trono a puraw, ken daydi nagtugaw kencuana, nga iti sangoananna nagtalaw ti daga ken langit; ket saan a nasaracan ti dissoda.