San Lucas 21:21 - Ti Biblia (1973)

²¹ Dagiti adda iti Judea aglemmengda coma cadagiti banbantay; ket dagiti adda iti tengngana, pumanawda coma; ket dagiti adda cadagiti taltalon, saanda coma a sumrec kencuana.

Ti Baro a Naimbag a Damag Biblia

²¹ Iti kasta, masapul a kumamang dagiti adda idiay Judea kadagiti bambantay. Masapul a pumanaw dagiti adda iti siudad, ket dagiti adda iti away saandan a sumrek sadiay.

San Lucas 21:21 Iomraidhean Croise

Genesis 19:17

Ket naaramid nga, idi nairuardan ida, kinunana, Agtalawca gapu iti biagmo; dica taliawen ti licudam, ken dica agsardeng iti amin a Tanap; agcamangca iti bantay di la ket ta mapucawca.

Genesis 19:26

Ngem ti asawana timmaliaw iti nalicudanna, ket nagbalin a teddec nga asin.

Dagiti Proverbio 22:3

Ti manakem a tao madlawna ti dakes, ket aglemmeng; ngem ti nanengneng aglayon laeng ket agsagaba.

Jeremias 35:11

Ngem naaramid idi a ni Nabucodonosor nga ari ti Babilonia simmang-at iti daga, kinunami, Umaycayo, ket intayo sadi Jerusalem, a maipuon iti buteng iti buyot dagiti Caldeos ken maipuon iti buteng iti buyot dagiti Sirios; iti casta agnaedcami ditoy Jerusalem.

Jeremias 37:12

Rimmuar ni Jeremias iti Jerusalem a mapan iti daga ti Benjamin, tapno alaenna ti bingayna sadiay iti nagtengngaan dagiti tattao.

Jeremias 6:1

Agtalawcayo tapno mailisicayo, dacayo annac ni Benjamin, a rumuar iti tengnga ti Jerusalem, ket puyotenyo ti tangguyob idiay Tecoa, ket mangipasdeccay iti maysa a pagilasinan idiay Bet-hacerem; ta ti kinadakes cumita manipud iti amianan, ken dackel a pannacarbec.

Numero 16:26

Ket nagsao iti gimong, a kinunana, Panawanyo, dawatec cadacayo, dagiti toltolda dagitoy nadangkes a lallaki, ket dicay sumagid iti cucuada, di la ket ta mapucawcayo cadagiti basbasolda.

San Mateo 2:1

Idi ta nayanac ngaruden ni Jesus idiay Bethlehem sadi Judea, cadagidi aldaw ni Ari Herodes, adtoy, dagiti Mamasirib cadagiti luglugar iti daya immayda sadi Jerusalem, a cuncunada,

San Mateo 24:16

Mapanda coma dagiti adda idiay Judea agcamang cadagiti banbantay;

San Marcos 13:15

Ket ti adda iti tuctoc ti balay saan coma a bumaba ket di met sumrec iti uneg, a mangala ti uray ania idiay balayna;

Paltiing 18:4

Ket nangngegco ti sabali a timec a naggapu sadi langit, a cuncunana: Rummuarcay kencuana, O tattaoc, tapno dicay mairaman cadagiti basbasolna, ken tapno saanyo nga awaten dagiti saplitna: