San Lucas 21:16 - Ti Biblia (1973)

¹⁶ Ngem iyawatdacayto uray pay dagiti dadackelyo ken cacabsat ken cacabagian ken gagayyem: ket addanto papatayenda cadacayo.

Ti Baro a Naimbag a Damag Biblia

¹⁶ Yawatdakayto dagiti nagannak kadakayo, dagiti kakabsatyo, dagiti kakabagianyo, dagiti gagayyemyo. Papatayendanto ti sumagmamano kadakayo.

San Lucas 21:16 Iomraidhean Croise

Jeremias 12:6

Ta dagiti met laeng cacabsatmo, ken ti balay ti amam, isuda met laeng nagaramidda a sigugulib kenca; nagpuccawda met laeng ti napigsa kenca: dica ida patien, uray agsaoda ti nasayaat a sasao kenca.

Jeremias 9:4

Aluadanyo tunggal maysa ti caarrubana, ket dicayo agcammatalec iti asinoman a cabsat a lalaki; ta tunggal cabsat a lalaki, mangsaliw-an unay, ket tunggal caarruba magnanto a mamarpardaya.

San Mateo 10:21

Ket ti cabsat a lalaki iyawatnanto ni cabsatna a lalaki ken patay, ket ti ama, iti anacna; ket dagiti annac tumacderdanto a bumusor cadagiti dackelda, ket papapataydanto ida.

San Marcos 13:12

Ket ti cabsat a lalaki iyawatnanto ti cabsatna a lalaki iti ipapatay, ket ti ama ti anacna, ket dagiti annac tumacderdanto a bumusor cadagiti dadackelda ket papatayendanto ida.

San Lucas 12:53

Aglalasindanto, ti ama bumusor iti anac a lalaki ket ti anac a lalaki bumusor iti ama; ti ina bumusor iti anacna a babai, ket ti anac a babai bumusor iti inana; ti catugangan a babai bumusor iti manugangna a babai ket ti manugang a babai bumusor iti catuganganna a babai.

San Lucas 21:15

Ta siac iccancayto ti ngiwat ken sirib a di matngelan ken masalungasing dagiti isu-amin a cabusoryo.

San Lucas 21:17

Ket caguradacayto dagiti amin a tao gapu iti naganco.

Dagiti Aramid 12:2

Ket pinatayna iti campilan ni Santiago a cabsat ni Juan.

Dagiti Aramid 7:59

Ket inuborda ni Esteban, nga umaw-awag ken cuncunana: Apo Jesus, awatem toy cararuac.

Paltiing 12:11

Ket isu inabacda gapu iti dara ti Cordero ken gapu iti sao ti pammanecnecda, ket dida kinailalaan dagiti biagda agingga ken patay.

Paltiing 2:13

Siac ammoc no sadino ti pagnaedam, iti yan ti trono ni Satanas; ket taginayonem ti naganco, ket saanmo a naglicudan ti pammatic; uray cadagidi aldaw ni Antipas, daydi matalec a sacsic napapatay iti tengngayo, a pagbalayan ni Satanas.

Paltiing 6:9

Ket idi linuctanna ti maicalima a sello, nakitac iti siroc ti altar dagiti carcararua dagiti napapatay idi gapu iti sao ti Dios, ken gapu iti pammanecnec a tinaginayonda: