San Lucas 20:10 - Ti Biblia (1973)

¹⁰ Ket idi tiempona, nangibaon ti maysa nga adipen cadagidi agtaltalon, tapno itedda kencuana ti abang ti cauvasan; ngem dagidi agtaltalon kinabilda ken pinagawidda nga ongaong.

Ti Baro a Naimbag a Damag Biblia

¹⁰ “Idi dumteng ti panagbuburas iti ubas, imbaon ti akinkukua ti maysa nga adipenna a mapan kadagiti makitaltalon tapno alaenna ti bingayna. Ngem kinabkabil dagiti makitaltalon ti adipen sada pinagawid nga ima-ima.

San Lucas 20:10 Iomraidhean Croise

1 Ar-ari 22:24

Idin ni Sedequias nga anac ni Canaana immasideg, ket kinabilna ni Miquias iti pingpingna, ket kinunana, Sadino ti nagnaan ti Espiritu ni Jehova a naggapu caniac tapno agsao kenca?

2 Ar-ari 17:13

Nupay casta ni Jehova namanecnec iti Israel, ken iti Juda, iti tunggal mammadto, ken cadagiti isu-amin a macakita iti masacbayan, a cunana, Sumiasicayo cadagita daldalanyo a dakes, ket tungpalenyo dagiti bilbilinco ken pagal-alagadac, a mayalubog iti isu-amin a linteg nga imbilinco cadagidi ammayo, ken imbaonco cadacayo a naaramat dagiti ad-adipenco a mammadto.

1 Cronicas 19:4

Iti casta ni Hanan innalana dagiti ad-adipen ni David, ket kiniskisanna ida, ket pinutedna dagiti cawesda a ginudua, agingga iti padingpadingda met laeng, ket pinagawidna ida.

2 Cronicas 16:10

Idin ni Asa nagpungtot iti macakita ti masacbayan, ket incabilna iti balay a pagbaludan; ta isiu adda a sirurungsot gapu itoy a banag, ket ni Asa pinarparigatna ti dadduma cadagiti tattao iti daydi met laeng a tiempo.

Nehemias 9:26

Nupay casta nasungitda, ken simmukirda a maicaniwas kenca, ket impalladawda iti licudanda ti lintegmo, ket pinatayda dagiti mammadtom a nangsacsi iti maibusor cadacuada tapno isublida coma ida manen kenca, ket inaramidda dagiti dadackel a pananggargari.

Nehemias 9:30

Nupay casta inanusam ida bayat iti adu a tawen, ket nangpanecnecca a maibusor cadacuada gapu iti Espiritum iti pannacaaramat dagiti mammadtom: nupay casta dida kinayat ti nangipangag; gapuna nga intedmo ida iti ima dagiti tattao cadagiti dagdaga.

Dagiti Salmo 1:3

Ket isu caslanto iti maysa a cayo a naimula iti sibay dagiti ayayus ti danum, nga ipaltuadna ti bungana iti carbenganna, a ti bulongna met saan a malaylay; ket isu-amin nga aramidna rumang-ayto.

Jeremias 2:30

Awan capapayan ti panangdusac cadagiti annacyo; saanda nga inawat ti panangtubngar, ti igamyo met laeng inalun-unna dagiti mammadtoyo a cas maysa a leon a naranggas.

Jeremias 20:2

Idin ni Pasur kinabilna ni Jeremias a mammadto, ket isu incabilna cadagiti tul-ong nga adda idi iti makinngato a ruangan ti Benjamin, nga adda iti balay ni Jehova.

Jeremias 35:15

Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem dicay inyallingag ti lapayagyo, didac met impangag.

Jeremias 5:24

Dida met cunaen iti pusoda, Pagbutngantayo coma itan ni Jehova a Diostayo, isu a mangted ti tudo, ti umuna ken ti maudi iti pannawenna a nakedngan; isu a mangigaga cadatayo cadagiti nakedngan a lawlawas ti panagapit.

San Lucas 13:34

Jerusalem, Jerusalem! a papatayem dagiti mammadto ken uburem dagiti maibaon kenca; namin-ano a kinayatco nga urnungen coma dagiti annacmo, cas iti upa urnungenna dagiti piecna iti siroc dagiti payacna, ket dicayo kinayat!

San Lucas 20:11

Ket nangibaon manen iti sabali nga adipen; ngem daytoy kinabilda met ket nagsasaoanda iti nacababain unay ket pinagawidda nga onga-ong.

San Lucas 20:9

Ket rinugianna a sinao cadagiti umili daytoy a pangngarig: Maysa a tao nagmula ti maysa a cauvasan ket impaabangna cadagiti agtaltalon, ket napan iti sabali a daga iti nabayag.

San Juan 15:16

Dacayo didac pinili, ngem siac pinilicayo; ken incabilcayo tapno incayo ket agbungacayo coma: ket ti bungayo manayon coma: tapno ti amin a dawatenyonto ken Ama iti naganco, itdenna coma cadacayo.

Taga-Roma 7:4

Gapuna, dacayo met, cacabsatco, natay cayon iti maipapan iti linteg gapu iti bagi ni Cristo, tapno maicallaysacayo iti sabali nga isu daydi napagungar cadagiti natay; tapno mangpataudtayo iti bunga a maipaay iti Dios.