San Lucas 20:1 - Ti Biblia (1973)

¹ Ket naaramid iti maysa cadagidi nga aldaw, nga idi manursuro iti umili idiay Templo ken icascasabana ti naimbag a damag, kinel-laat dagiti panguloen dagiti papadi ken dagiti escriba agraman dagiti lallacay;

Ti Baro a Naimbag a Damag Biblia

¹ Iti maysa nga aldaw, adda ni Jesus idiay Templo. Isursurona dagiti tattao ken ikaskasabana kadakuada ti Naimbag a Damag. Napan kenkuana dagiti panguloen a papadi, dagiti mamaestro iti Linteg ken dagiti panglakayen

San Lucas 20:1 Iomraidhean Croise

San Mateo 26:55

Idi nga horas kinuna ni Jesus cadagiti adu a tao: Immawaycayo aya a nagtagicampilan ken nagtagipang-or a mangtiliw caniac cas bumusor iti maysa a tulisan? Cadagiti isu-amin nga aldaw nagtugtugawac idiay Templo a mangisursuro, ket didac tiniliw.

San Lucas 20:2

Ket nagsaoda kencuana a kinunada: Ibagam cadacami: Ania ti akinpannacabalin ti pangaramidmo cadagitoy a banag? wenno siasino ti nangted kenca itoy a pannacabalin?

San Lucas 8:1

Ket naaramid iti calpasanna, nga isu magmagna cadagiti amin nga Il-ili ken purpuroc a mangascasaba ken ipacaammona ti naimbag a damag ti pagarian ti Dios; ket dagiti sangapulo ket dua cumuycuyogda kencuana,

San Juan 18:20

Ni Jesus simmungbat kencuana: Siac nagsaoac iti napanayag iti lubong: siac agnanayon a nangisursuroac idiay sinagoga ken idiay Templo, isu a paguurnongan amin dagiti Judio: ket awan ti sinaoc iti nalemmeng.

Dagiti Aramid 4:1

Ket idi madamada nga agsasao cadagiti umili, napan kinel-laat ida dagiti papadi ken ti capitan ti templo, ken dagiti Saduceo.

Dagiti Aramid 6:12

Ket riniribocda dagiti umili ken dagiti lallacay ken dagiti escriba; ket tiniliwda, ginuyodguyodda ket impanda iti pangocoman,